N8 Features - Applications - HD Games - Solving the Problems of N8

mxxy · 30 أكتوبر 2010

طريقة نقل المعلومات من الحاسوب إلى الموبايل أو العكس

أحد مميزات نوكيا N8 >>>

لو كنت حاب تربط موبايلك في الاب توب أو الكمبيوتر علشان تتصفح الهاردسك الثابت أو الخارجي أو الداخلي ... فلا داعي للتحديثات أو للأقراص التعريفية فقط قم بوضع الوصلة الــ USB ثم أنتظر لحظات وسيقوم نوكيا بتزويد التعاريف تلقائيا وسيتم فتح النوافذ من الداخل والخارج .. وقم بنسخ من الموبايل أو بنسخ إلى الموبايل والعكس .. وبسرعة ممتاازه ...

داخل العلبة أصلا لا يوجد ديسك تعررريف ، ويتعرف بشكل مؤكد على ويندوز 7 و فيستا وأعتقد أيضا أكس بي ...

لا مزيد من التعقيدات ... لا مزيد من الغباء .

أما عن موضوع الفلاش ممري وطريقة تركيبه فسأقوم قريبا بإنهاء موضوع الــ SD كارد والـــ الفلاش ممري وكيف تربطهم في بعض ، وهي فكرة جيده

عاشق كاكا · 30 أكتوبر 2010

الله يعطيك العافيه اخوي على الموضوع الكبير والشامل عن جهاز نوكيا الجديد

بس عندي سؤال بخصوص البطاريه شلونها ؟؟ قويه ولا عاديه

وهل واجهت تعليق بالجهاز لاني بصراحه خايف من التعليق ؟

mxxy · 30 أكتوبر 2010

عاشق كاكا قال:
الله يعطيك العافيه اخوي على الموضوع الكبير والشامل عن جهاز نوكيا الجديد

بس عندي سؤال بخصوص البطاريه شلونها ؟؟ قويه ولا عاديه

وهل واجهت تعليق بالجهاز لاني بصراحه خايف من التعليق ؟

بطاارية نوكيا n8 : ممتازه وأتوقع أفضل جهاز من الناحية هذي ، يطول وايد وحلو .

هل يعلق الجهاز n8 : في تاريخ 30-10-2010 ( الجهاز سريع ، واستجابة سريعه ، والجهاز علق معاي أكثر من مره ولكن لأسباب وهي أني مبطل الانترنت والبلوتوث وصفحة انترنت ومبطل الفيس بك وقاععد أتصفح بألبووم الصور وبشكل همجي وكررت هذي السالفه اكثر من مره وعلى أغلبها علق الجهاز ،، وخاصتا أول يوم علق معاي ، لكن الحين مادري لييش ما قام يعلق يمكن لأني عرفت استخدمه أو يمكن لأن طورت الفيس بك لأن نزل اولة امس فيس بك جديد ! لا أعلم ... بشكل عام الجهاز لا يعتبر ان يعلق والكل عارف ان ماكو نظام ما يعلق كل الانظمة تعلق وخاصتا هي التي مزدوجه وكثيرة المميزات .. لكن انسى يعلق معاك بمكالمة او اتصال او مسج نوكيا ما يعلق بظروف هذي لو شنو يصير .

انه استهبلت على الجهاز وعلق معاي اكثر من مره لكن لم احترمه واستخدمه عدل ما يعلق ، والحين لو اتشطر عليه علشان يعلق ما اعتقد راح يعلق

وخلوني اقولكم شغله متأكد منها

جهاز n97 أول ما نزل كان يعلق أول سبوعين تقريبا .. وبعدين ومن بعد التحديث الاخير ماله من خلال طرحه بشهر تقريبا ما قام يعلق نهائيا ولأتفه واصعب الامور ما قام يعلق .. اتوقع ايضا n8 اول بداية شوي يعلق لأسباب صعبه لكن من بعد تحديثة الي راح ينزل ما اعتقد يعلق ... حتى نظام ماك أو ما يكرسوفت جذي هذا طبيعي .

الجهاز يديد والشركة منتظره اخطاء الجهاز علشان تصححه في تحديثها الاخير وطبعا تحديثه راح يكون ب 5 دقاايق بأي لحضه توقع

انه متشووق لتحديثة الاخير لأني ادري ماراح يعلق من بعده

انه قاعد اتكلم بكل صرراحه لأن وظيفتي اني ما اخسركم واتعب حالكم .. لكن اعيد لا يعتبر جهاز n8 يعلق وبتحديثة الاخير الي راح ينزل اتوقع مو بس ماراح يعلق ألا ماراح يفكر يعلق ...

بوحمود1 · 31 أكتوبر 2010

اليوم رحت محلات شرق وماحصلت الا جهازين ومو كفالة المستقبل ،،، كفالة اى تو وبسعر 180 دينار ،،، وخلاص عزمت اخذه لكن قاللى راعى المحل اصبر عليه اسبوع او 10 ايام عشان اتبين عيوبه وبعدين اذا اقتنعت منه اخذه ،،، انت شرايك اخذه وللا اصبر ؟

mxxy · 31 أكتوبر 2010

بوحمود1 قال:
اليوم رحت محلات شرق وماحصلت الا جهازين ومو كفالة المستقبل ،،، كفالة اى تو وبسعر 180 دينار ،،، وخلاص عزمت اخذه لكن قاللى راعى المحل اصبر عليه اسبوع او 10 ايام عشان اتبين عيوبه وبعدين اذا اقتنعت منه اخذه ،،، انت شرايك اخذه وللا اصبر ؟

الي ما عندي شك فيه أن الجهاز عليه طلب مو طبيعي

ولي متاكد منه ان كفالة i2 أفضل حسب تجربتي مو حسب كلام الهنود

ولي أنصح فيه صبروووووووووووا يفضل تصبرون علشان السعر وعلشان التحديثات النهائية . مع اني مرتااح وايد ومستانس وكل يوم اكتشف شي يديد وميزة يديدة .

mxxy · 3 نوفمبر 2010

ئ* الي أشترى الجهاز خلي يحط تجربته بصدق بهذا الموضوع .

* أي أستفسار ؟

* سيتم أنشاء فيديو بطريقة أستخدام نوكيا N8 قرريبا .

الجهاز لا يعلق وسريع وراح أقولكم متى يعلق ( إذا شنو سويتو يعلق وهي نقطه وحده ) الجهاز أفضل من الايفون بمعنى الكلمه والحرف .

الايفون شااطر بشكل من داخل .. مع اني اشوف نوكيا أحلى وأجمل من الداخل .

ياخي كاافي أني مجرب 3 n8 واليوم شااري واحد ثاني لشخص آخر ، مع اني نصحته بالايفون 4 لأن اهوه ما يعرف حق البرامج ولا يبي تعقيد وهو شخص كبير بسن لكن قالي لأ أبي الــ N8 >>>

فبعتققااادي للجميع .

ونزل كفررر قوي حق N8 ...

والسووق خالي من الــ n8 وراح توصل دفعه جديدة لكن بنفس الالوان أسود وسلفرر . اليووم شريت واحد بالغلط وبنفس السعر الي من 8 ايام وهوه 175

Twin-turbo · 3 نوفمبر 2010

ونزل كفررر قوي حق n8 ...

اخوي وين احصل الكفر ؟؟؟

mxxy · 3 نوفمبر 2010

twin-turbo قال:
ونزل كفررر قوي حق n8 ...

اخوي وين احصل الكفر ؟؟؟

والله يا تووين تيرربو .. راح تحصله بشرق - مقابل مطافي شرق محل نسيت اسمه لكن هناك في عنده باقي 4 كفرات ممكن انك تحصل .

mxxy · 3 نوفمبر 2010

ملاحظة :-

* الي راح يقول جهاز N8 حلو وقوي ووجهة جيدة وممتعة للأستخدام والبيع والتواصل والتكنلوجيا المطلقة ( خلي يذكر السبب ) .

* ولي يبي يقول الايفون أحسن أو السامسونج أحسن أو السوني أريكسون أحسن من الــ N8 ضروري جدا يذكر السبب وإلا تلقائيا راح نعرف أن هذا الشخص يبي يتكلم وبس وماعنده أي علم بالتكنلوجيا وتترتب عليه أمور ثانية الكل يعرفها .

بو فيصل 777 · 4 نوفمبر 2010

امس شريتn8واليوم علق معاي وموراضي يشتغل

mxxy · 4 نوفمبر 2010

بو فيصل 777 قال:
امس شريتn8واليوم علق معاي وموراضي يشتغل

على حسب الجملتين الي قلتها معناة الجهاز أصلا .. فيه عيب مصنعي ولازم توديه الكفالة يبدلونه لك . أو يشوفون يمكن السوفت وير انكريبتيد أو شي ثاني ...

وقولي بضبط شصاير معاك لأن من كلامك خطأ من المصنع ولا حق شنو حاطين الكفالة !!

Madridi · 4 نوفمبر 2010

أكثر من منتدى وموقع اشتكو من الجهاز انه يعلق ويسوي ريستارت بروحه للجهاز

وفيه مشكلة بالوايرلس ما فهمتها مو قادرين يشبكون عن طريق الوايرلس

احترنا نشتري ولا هم ننطر بعد ؟

يقولون في تحديث راح يصحح العيوب، متى راح ينزل التحديث ؟

عاشق كاكا · 4 نوفمبر 2010

السلام عليكم
الجهاز كمواصفات ممتازه
ولكن العيب اللي فيه انه يسوي ريستارت من نفسه
ويعلق , امس علق معاي ووديته لكفالته وناطر منهم اتصال
هذي المشكله اللي عانييت منها اتمنى يصححون هذا الخلل باسرع وقت

Madridi · 4 نوفمبر 2010

عاشق كاكا قال:
السلام عليكم
الجهاز كمواصفات ممتازه
ولكن العيب اللي فيه انه يسوي ريستارت من نفسه
ويعلق , امس علق معاي ووديته لكفالته وناطر منهم اتصال
هذي المشكله اللي عانييت منها اتمنى يصححون هذا الخلل باسرع وقت

من وين شاريه ؟

عاشق كاكا · 4 نوفمبر 2010

اخذته من المستقبل اللي بالجهراء

mxxy · 4 نوفمبر 2010

أعزائي ..

بخصوص أن جهاز N8 يسوي رستارت من نفسه ( آنه لم أشهدها من خلال تجربتي لجهازين نوكيا N8 ) .

بخصوص تعليق Nokia N8 ( فنعم الجهاز يعلق أحيانا وذكرت أسباب التعليق وهي عند تحويل الجهاز لوضع Online Widget ) وخاصتا لم تكون مشغل الفيس بك و بمكتبة الصور يعلق الجهاز والحل أنك لازم تسوي إعادة تشغيل الجهاز أو أنك تخليه أوف لاين .. وهم في سبب آخر بس مو متأكد منه .. وكما هو واضح ان هذه الامور محلوله .. نوكيا طول عمرها جذي ومن تنزل التحديث تحل كل شي . .

أنتو تقولون وانه اقولكم لحد الان ما شفت جهاز أفضل منه من جميع النواحي وتم تصحيح عيوب كثيرة وهمه في البرمجة والاستخدام نفسه .. والجهاز أنصح بشرراءه . لكن مشكلة التعليق هم ذكرت لكم أن نوكيا أول ما نزلت ال N97 الكبير كان يعلق لمدة 2 شهر تقريبا وبعد التحديث الاخير ما قام يعلق نهائيا كنت ادور الشاااره علشان يعلق ماكان يعلق .

بخصوص سؤال المدريدي بنسبة للتحديث ... توقع بأي وقت يسوون التحديث وأكيد نوكيا راح تنزل التحديث الاخير الي راح يخلي الجهاز كامل القوة والمواصفات بنسبة لأقرانه .

وأول ما ينزل التحديث راح أبلغ (( لكن مو معناة ان الواحد ما يقدر يتمتع بالجهاز بالعكس تقدر تتمتع وتستخدمه وتلعب وانه ما قام يعلق معاي نهائيا )) .

mosawi · 5 نوفمبر 2010

شريت الجهاز يوم 28 /10 / 2010

استخدمته يومين بحالة ممتازة ..

تاريخ 30 / 10 / 2010

طفى الجهاز بروحه وماقام يشتغل نهائياً

تاريخ 31/ 10 / 2010

وديت الجهاز المستقبل وقعد عندهم يومين

2/11/2010 استلمت الجهاز وقالولي (( بس كانت مشكلة برمجة ))

طلعت من عندهم شغلت الجهاز استخدمته نص ساعة ..

وبلش يسوي ريستارت بروحه .. سويت نفسي ما شفت شي ..

نطرت بعد نص ساعة جان يطفي الجهاز بروحه وماقام يشتغل نهائياً مرة ثانية ..

3/11/2010

رديت المستقبل وعطيتهم الجهاز وكلمتهم باحترام وقتلهم القصة ..

استلمو الجهاز ودقوا علي أمس 4/11/2010

قالو تفضل استلم جهازك (( وأيضاً المشكلة قالو برمجة ))

استخدمت الجهاز ساعة كاملة .. ورد طفى الجهاز بروحة وماقام يشتغل نهائياً ..

طرت لهم مرة ثانية .. وقتلهم هذا الجهاز جدامكم ..

أقسم بالله إذا ما تبدل وعطيتوني جهاز جديد رح تتحملون عواقب اللي بيصير ..

قالولي أخوي السبت الصبح ((يعني باجر)) تستلم جهاز جديد ..

قتلهم ماشي وانا بالانتظار السبت الصبح وإذا ما تبدل الجهاز (( العجرة بالدبة ))

والجهاز ممتاز وعجيب واحسن جهاز بالكون والكرة الأرضية والعالم والمجرة الكونية ..

شكراً للجميع

mxxy · 5 نوفمبر 2010

mosawi قال:
شريت الجهاز يوم 28 /10 / 2010

استخدمته يومين بحالة ممتازة ..

تاريخ 30 / 10 / 2010

طفى الجهاز بروحه وماقام يشتغل نهائياً

تاريخ 31/ 10 / 2010

وديت الجهاز المستقبل وقعد عندهم يومين

2/11/2010 استلمت الجهاز وقالولي (( بس كانت مشكلة برمجة ))

طلعت من عندهم شغلت الجهاز استخدمته نص ساعة ..

وبلش يسوي ريستارت بروحه .. سويت نفسي ما شفت شي ..

نطرت بعد نص ساعة جان يطفي الجهاز بروحه وماقام يشتغل نهائياً مرة ثانية ..

3/11/2010

رديت المستقبل وعطيتهم الجهاز وكلمتهم باحترام وقتلهم القصة ..

استلمو الجهاز ودقوا علي أمس 4/11/2010

قالو تفضل استلم جهازك (( وأيضاً المشكلة قالو برمجة ))

استخدمت الجهاز ساعة كاملة .. ورد طفى الجهاز بروحة وماقام يشتغل نهائياً ..

طرت لهم مرة ثانية .. وقتلهم هذا الجهاز جدامكم ..

أقسم بالله إذا ما تبدل وعطيتوني جهاز جديد رح تتحملون عواقب اللي بيصير ..

قالولي أخوي السبت الصبح ((يعني باجر)) تستلم جهاز جديد ..

قتلهم ماشي وانا بالانتظار السبت الصبح وإذا ما تبدل الجهاز (( العجرة بالدبة ))

والجهاز ممتاز وعجيب واحسن جهاز بالكون والكرة الأرضية والعالم والمجرة الكونية ..

شكراً للجميع

أخوي جهازك فيه خطأ مصنعي ولازم يتبدل .. مو يتصلح لأن جهازك مافيه له تصليح أصلا .. كل الاجهزة الي يصير فيها نفس ما أنت تقول علاجها هو ان الوكالة تبدل الجهاز لك ... وانه بعتقادي لو كانت كفالتك على الـ i2 جان بدلوه من اول او ثاني مره . لكن المستقبل طول عمرهم جذي يحبون (يصغررون في الكبير ، ويكبرون في الاوليل ) !

أما بخصوص أن اهوه أفضل جهاز بالكون والكرة الارضية والعالم والمجره ! فهذا كلامك أنت الشخصي محد قال جذي من قبل . لأن آنه ومؤيدين قلنا ان اهوه أفضل من الايفون وعددنا الاسباب وأفضل من جالكسي وعددنا الاسباب أما أن أفضل جهاز بالمجره فهذي قويه وايد . لأن هذا موبايل مو مخلوق الله خالقه .

يا جماعة أي جهاز نوكيا سمبيان أو n8 أجهزة أنواع أخرى لم الجهاز أول ما تشتريه يتبطل ويتسكر بروحه وشاشته تلون بروحهاا هذا وحده من الثنتين يااا أنك لازم تبدله أو انك لازم تبدله ! وبسس عن تجرربة انه صارت فيني أكثر من مره بأجهزة سابقه على مدى 4 سنوات من بعد تطور الموبايلات الذكية وصادفني هم مع المستقبل ان يضرطون على راسنه لا خلنا نصلحه لك ويبطلون الجهاز ومادري شنو وانه هذا ما يعجبني .

فبنسبة لك يا الموسوي انتهى الموضوع قالولك راح يبدلون لك الجهاز ، وإذا الجهاز مو مقتنع فيه (( بيعه واهوه يديد في 9000 واحد يشتريه منك )) بنفس السعر .

mxxy · 5 نوفمبر 2010

ملاحة نوكيا

ملاحة نوكيا .. لا مزيد من الانتظار أو التعقيد .

أضغط وحدد مكانك بثواني ،

أضغط وبحث أي منطقة أو دولة أو شارع بمجرد كتاتبة بالعربي أو الانجليزي ،

خلال نص دقيقة يتم التحليل وحط الموبايل بسيارتك والجهاز يقولك لازم تخفف سرعتك وسرعتك الفلانيه كذا واخذ يمين بعد 100 متر أو أخذ يمين الحييييين ، وهذا مكانك وشكررا نوكيا .

آنه جربته وسويت عليه تجااارب وممتاز جدا جدا وسريع جدا .

mxxy · 5 نوفمبر 2010

nokia n8 microscope

nokia n8 microscope

لا عجب أن تكون نوكيا من 4 سنوات قد أخترعت فكرة المايكروسكوب في أجهزتها القديمة

وتتوقعون هذي الصوووورة شكبرها ؟ أصلا وشلون سوووها ؟

هذي الصورة أصلا أصغر من النمله تقريبا .. وعن طريق نوكيا N8 تم صنعها ولكن ليس هذا العجيب العجيب ان سوو قصصه وفلم كاامل من هالصورة هذي

شاهد الفيديو http://www.youtube.com/watch?v=CD7eagLl5c4

او صنااعة هذا الرجل الاحمر بالمطاط وهوه كبرر نص حبة ال 5 فلس .

قريباا .. سيتم طررح قلم نوكيا n8 المشوووق وبشكل يليق في أسلووبه ونظامه ، وقريبا جهاز العدسة المكبره الاصلية من نوكيا بكفالة شركاتنه الحلووه :mad:

N8 Features - Applications - HD Games - Solving the Problems of N8

عضو مبدع

عضو نشط

عضو مبدع

عضو نشط

عضو مبدع

عضو مبدع

عضو نشط

عضو مبدع

عضو مبدع

عضو نشط

عضو مبدع

عضو نشط

عضو نشط

عضو نشط

عضو نشط

عضو مبدع

عضو نشط

عضو مبدع

عضو مبدع

عضو مبدع