استفسار بخصوص شراء سيارة بدون دفتر

[kw-serv]

السلام عليكم
اخي الكريم المحامي والكل اللي يقدر يساعدني
انا عندي سيارة في البيت خربان المكينة والقير وكل شي
المهم حصلت نفس سيارتي نظيفة مافيها شي بدون دفتر يبيها ب 200 دينار والسيارة بنفس الموديل تسوى 2000 دينار بس يقول بدون دفتر ما ادري عاد مبيوقة ما ادري
المهم موضوعي
بشتري السيارة واحطها في البيت واخذ منها المكينة والقير وكل شي اركبه للسيارة حقتي الليي باسمي؟ هل يصير ؟
او ادفع لصاحب السيارة فلوس مقابل اخذ كل القطع اللي ابيها واخلي السيارة عنده

 

[rahaly]

والله ياخوي ابعد بنفسك من المشاكل
اذا تبين ان السيارة مسروقة راح تطالك التهمة - وتتورط
نصيحتي ابعد عن الشبهة
مافي سيارة بالكويت بدون دفتر

والله اعلم

 

[nabhaan79]

أخوي إسأل الأول عن السبب

لأن مرات تكون السياره حق إستعراض أو غيره ويكون عليها مخالفات وقضايا ويكون هذا سبب عدم وجود دفتر

إسأل عن السبب وبعدين توكل على الله

 

[الوسييم]

انا نصيحتي منك اتركهااااا

احتمال تكون مسروقه ويتهمونك بسرقتهااا

مافي سياره من غير دفتـــــر شنوووو دراجه هوائيه (( قاري ))

الله يستر عليك بس