الحذر ثم الحذر من طيران الجزيره

[بووبدر]

السلام عليكم ورحمة الله وبركاته
كانت عندي رحله على طيران الجزيره الى دبي خمس ايام
رحنا دبي واستانسنا وشرينا اغراض
وعند عودتي الى الكويت والعيال قاعدين عند الشنطه يبون هداياهم فتحتها واكتشفت الآتي جميع الاغراض الماركات مسروقه وجميع الهدايا والالكترونيات اتصلت على صديق كان معاي بالرحله وعلمته بالموضوع قالي لحد الحين مافتحت الشنط واول ما فتحها والا نفس الي حصل لي حصل له اتصلت على الطيران قالوا احنا غير مسؤولين قالولي اذا شنطتك مسروقه تقدر تقدم بلاغ اما في وضع مثل وضعك ماتقدر تسوي شي
مادري شسوي القطع المسروقه تقريباا 1700 دينار كويتي من هدايا والكترونيات وملابس ومكلم العيال قبل لا ارجع قايلهم شاري لكم ايبودات والعاب ولما وصلت فتحت الشنطه وله مافيها الا الملابس المستعمله
حبيت ابلغكم علشان تاخذون الحيطه والحذر من هذا الطيران والحل الافضل انك تحط شنطتك معاك بالطياره
في سابق الامر كانوا يسمحون 20 كيلو للفرد الحين 40 كيلو الظاهر انهم يبونك تترس شنطتك ويلعبون فيها مثل مايبون
حسبي الله ونعم الوكيل

 

[@ عبدالله@]

حسبي الله عليهم وصلت للسرق

 

[العاشق]

طيران الجزيره انا مسميه طيران بو مقصف

مره سافرت عليه الاسكندريه جان يفترون بفلافل بطاط وبيبسي

علبو وجبه انا كنت متغدي قلت ابي ماي جان يغلدم الحبيب ويقلب برطمه جنه برطم عايشه المرطه الله يرحمها

عطاني الماي قلت جم حسابك قال لا الميه بلاااااااش

قلت ايييييييييي اشوفك مديت بوزك ​

 

[بوعلي دشتي]

مو حاط قفل حق الجنطه ؟

 

[houseonmars]

و الله يا اخوان كنت مسافر من الكويت الى لبنان من قبل سنتين و انا قافل شنطتى و باقوا منها تلفون الاهل و لما وصلت لبنان يقولون لى ان ممكن تكون انباقت بالكويت و ارجع الكويت علشان تشتكى يقولون ان احنا ما نتحمل اى سرقه ؟ و الله عيب عيل احنا نسافر و نقعد بالطياره شنا راكبين باص و اخر شى ننباع ما نقول الا حبسى الله و نعم الوكيل

 

[بو شيشه]

انت غلطان ياخوي
نفس هالطيران اللي مو موثوق بأمانته المفروض الشغلات الثمينه تحطهم بجنطه بروحها وتدششها معاك الطيارة....انت تدري ان بأغلب الطيران ينبشون ويتعبثون بالجنط والواحد يحاتي اذا يحط شغلات مهمه
الواحد يسافر هرولة ابركله بهالزمن

 

[maax1]

هذول البنغلادش
وما ادراك ما البنغلادش حايسين الامه جرذان آسيا

 

[saket]

الحرص

وحنى نجهل التعليمات الطيران

 

[bo 3mra]

هذول البنغلادش
وما ادراك ما البنغلادش حايسين الامه جرذان آسيا

انا اتفق معاك
لكن ما اظن ان شركة الطيران مسؤولة أول لها دخل بهالبوقات
اظن انهم البنغلادش الملاعين

 

[العاشق]

انا اتفق معاك
لكن ما اظن ان شركة الطيران مسؤولة أول لها دخل بهالبوقات
اظن انهم البنغلادش الملاعين

اذا البنغال وين امن المطار عنهم والكامرات

اعتقد حسب الخطوط ومستواها​

 

[ابو يوسف25]

اهم شي اهم شي

تكيس الجنطه من المطار نفسه انشال 10 دنانير للجنطه الواحد

ترا مهم حييييييل لما توصل المطار الثاني وعند استلام جنطتك وتلاقي الاكياس مشققه يعني واضح وضوح الشمس اهنيه واضح تم الاعتداء عليها وتثبت الحاله بقسم الشرطه في المطار ولا تسكت عن حقك


القفل والتكيس وخل البطنك بطيخ والحافظ الله

 

[ابوفيصل_]

الطيران مالة علاقهـ

هذا من العمال الي يرفعون العفش للطيراة في دبي او الي ينزلون العفش في الكويت
واتوقع والله اعلم في الكويت لانها صارت معاي .. الله لايوفقهم يارب ..

 

[YAMAHA-RRX]

البنغاليه وما ادرام ما البنغاليه

 

[أبوإبراهيم]

لا علاقة للخطوط بالموضوع
بعد ما تسلم شنطتك في مطار المغادرة يتم فرزها من عمال المطار حسب الخطوط وحسب الرحلة في سرداب المطار وتفتيشها بالاجهزة في بعض المرات وفي مطار الوصول أيضا هناك عدة عمليات تفتيش تتم قبل خروج الشنط على سير التسليم
طبعا عمليات التفتيش بلاشعة توضح أن بعض الشنط بها أجهزة كهربايئة أو ملابس جديدة وهذا موضوع قديم ومشهور أنا تعرضت للسرقة بهذهه الطريقة أكثر من مرة حتى في أمريكا.
أفضل حل لهذا الموضوع أن يتم حمل المقتنيات الثمينة باليد وتدخل معك بالطائرة وتكون معاك الفواتير للمطالبة بها عند سرقتها.

 

[الاحمـد]

اذكر واحد من الشباب باقوا منه جنطة ماركة شاريها هدية لزوجته وهو راجع الكويت على الطيران الفرنسي(air france) ولم استلم جنطتة على سير التسليم ، لقاها مفتوحة ومو مسكرين السحاب عدل، ولم جـــيك لقى الموضوع فيه بوقـــه،قام وبلغ عن الموضوع،واللي فاده انه عنده فاتورة تثبت انه شاري الجنطة،بالاضافه الى العلبه الفاضيه اللي مقطعه و بايقين الجنطة الماركة منها

وبالاخير مادار اسبوع الا دافعين له الحبايب



الله يسهل امورك وان شاء الله يعوضونك

 

[مراويس]

كل واحد قاعد يألف على كيفه .. اصلا بمطار الكويت ماكو عماله صوب الجنط والتحميل بنغلاديشيه .. البنغاليين تنظيف ويدزون العربانات بس

طيران الجزيره تبع شركة ناس لخدمات الطيران وهالشركه كلهم فلبن ونيباليين

والي يشيلون الجنط بالساحه ويحطونها جذي جناسيهم .. وماكو اشعه تبين شنو الاغراض في جهاز سنسر يقرأ الليبل

جهاز الاشعه بس حق طيارة يونايتد الامريكيه وبريتش البريطانيه وكي ال ام الهولنديه و لوفتاهنزا الالمانيه غيرهم مستحيل

وثاني شي مستحيل من الكويت لانه اهما لمن يدشون على شغلهم يفرغون كل الي بملابسهم عند نقطة التفتيش ولمن يطلعون هم يتفتشون مو معقوله يعني واحد شايل اغراض ب 1700 دينار بأيده وطالع

واصلا لو انت ذكي المفروض على الكاونتر وانت تشحن الاغراض تاخذ اورقه تثبت انه اشياء ثمينه بالجنطه علشان تقدر تسلمها وتشتكي عند الطيران المدني

وسلامتك

 

[ليث متواضع]

كل الطيران طريقتهم واحده المفروض من المسافر أن يحمل معاه الأغراض الثمينه داخل الطياره