استفسار يخص شركه اتصالات

[Bo-Jarrah]

السلام عليكم

الموضوع بما فيه ...
قبل كم سنه شريت خط انترنت الي نسميه ( آيقو ) واشتركت معاهم لفتره معينه تقريبا سنه ونص وبعدها رحت لاحد فروع هالشركه وقلتلهم آبي ألغي الخط وفعلا وقعت علا ورقه انه الغي العقد
وبعدها بشهر اتصل علي احد من الشركه وقالي انه انت عميل مميز وبنعطيك اشتراك شهر مجاني واذا حبيت تجدد بلغنا قلتله اوكي وخلص الشهر ولا قلتله جدد ولا اتصل علي وقالي تبي تجدد . وقبل كم شهر اتصلو علي كذا مره مكتب المحاماة الي تبع هالشركه وتطلب مني مبلغ من المال تقريبا 200وشي
ويقولي انت مو دافع الي عليك !! شلون مو دافع وانا رايح لهم ولاغي الخط !! قالي اذا عندك وصل او ورقه تثبت هذا بلغنا
حقرته كذا مره و وضحت له السالفه ورجع يتصل ويهدد ويقول راح ينزل عليك منع سفر !!!


نصيحتكم يا قانونيين ​

 

[rahaly]

صراحة اذا ما عندك اثبات انك الغيت الخدمة .... مشكلة !!
يقدرون يلزمونك بالعقد وما جاء فيه

 

[n9 legal]

^
^
اي نعم صحيح كلام اخوي


وانا فعلا صار معاي موقف شبيه لموقفك...انا اشتراكي للايقو كان بالوطنيه و يتلي فتره بو 3 شهور ما دفعت اللي علي وبعدين رحت دفعتهم عادي و لغيت اشتراكي((نصب واحتيال تكنسل الاشتراك ب15 دينار!!))المهم عقبها ب6 شهوور تقريبا دق علي مكتب محاماه وقالي نفس كلامك!!!قالي علي مبلغ معين لازم ادفعه وانا الحمد لله اني ما اقط اي وصل حتى لو قديم و رحت لهم ووريتهم الورقه و وتدري شقالت لي الموظفه بكل برود!! شلون جذي عندج هل وصل والخط مو قاطعينه!!
انا ويهي وصل القاع فاهيا وحده من الثنتين يعني يا غلط من الموظفين...يا انهم متعمدين يسوون هل حركات!!!

فدور على اثبات و بينحل كل شي باذن الله حاول تدوره ان شاء الله ما تكون قاطه


والله يسهل امورك ويا هل نصابين الاتصالات

 

[بو شيشه]

اخوي بو جراح انت فصلته اول مره ويوم دقوا عليك علشان يردونلك الخط ويعطونك شهر مجانا وانت رضيت هم بطلوه لك
كان المفروض حرصا منك انك ترد مره ثانية تلغي الخط لان هذي مصيدة منهم للعميل
انا صارلي مثلك بالضبط يوم لغيته دقوا علي وقالولي نعطيك شهرين مجانا وبعدها يصير الشهر بنص السعر اللي كنت ادفعه من أول من غير عقد ألتزم فيه
ردولي الخط واستعملته 3 شهور تقريبا ورديت لغيته وهم بعدها ردوا يدقون علي بس ما رديت عليهم
الحين وصل الالغاء الأول ما راح يفيدك لانك بطلت الخط مره ثانية برضاك وما لغيته
الله يعينك