يامحاميين يامستشارين فيدوني قضية تجاري وشنو اسوي بسبب المالك يبيني اخليله المحلات

[مهلب]

المالك الجديد اشترى مجمع تجاري (وحيث ان المجمع جديدماصارله 3سنوات ) وانا عقدي مع المالك القديم ماصارله 6 أشهر,,,

ويطلب من اصحاب المحلات بالاخلاء قلناله عوضنا باللي شرينا فيه,,, كل قهوة

ومطعم عوضه بالمبلغ ونطلع (ماعندنا مشكله )

كل شوي مضايقنا يطفي الكهرياء ,, يطفي التكييف ,,يطفي ماكينة شفط

المجاري وتطفح علينا,, الزباين انحاشووو))) ماعنده شغل الا إحنا اصحاب المحلات
مايبي يعوض ويقولنا لازم (تخلون المكان) تطلعون بأقرب وقت ممكن
,, وحيث انني دافع
خلو (50,000 ) دك وملتزم بدفع الاجار أول بأول ,,,

واليوم تفاجأت ان مطرشلي صحيفة دعوى بإخلاء المطعم والقهوة بسبب انت مخالف ؟؟؟

وحاط كراسي خارجيه وطاولات جدام القهوة ومطرش صحيفة دعوه لاربع

مطاعم وقهاوي بالسرداب (( بالإخلاء المكان بأقرب وقت ))...

 

[rahaly]

لا يحق له اخلائكم ..

وبالنسبة للكراسي .. هل كان الاتفاق مع المالك السابق على استعمال هذه المساحة للكراسي ؟

ومع ذلك .. يمكن ان تتمسك بان المالك السابق كان موافق على استعمال المساحة للكراسي بد
بدليل سكوته طيله هذه المدة
واذا كان عندك ترخيص بلدية بالمساحة فهذا يعزز موقفك

ولكن لا يوجد ضمان لموقفك بحسب ظروف الاستئجار .. وما هو مكتوب في العقد والمتعارف عليه في المجمع

والله اعلم

 

[مهلب]

يعطيك العافيه رحالي اي يوم شرينا وسوينا العقد وكنا 6 اشخاص في المكتب وقالنا ان انا معطيك مساحه والممرات ولون علهم بالمخطط يقولي هذا انا كله معطيك ياه الحين شنو اسوي وين اروح احط محامي يعني
وشكرا

 

[rahaly]

يعطيك العافيه رحالي اي يوم شرينا وسوينا العقد وكنا 6 اشخاص في المكتب وقالنا ان انا معطيك مساحه والممرات ولون علهم بالمخطط يقولي هذا انا كله معطيك ياه الحين شنو اسوي وين اروح احط محامي يعني
وشكرا

والله نصيحتي لك ..
بدل لا تخسر خمسين الف راس مالك
حط محامي يمكن ياخذ الفين (اقل او اكثر)
وريح نفسك وينقذك من المالك .. للاسف بعض الملاك ياخذهم الطمع

http://www.indexsignal.com/forum/showthread.php?t=221906

 

[مهلب]

السلام عليكم

اي والله يااخواني بعض الملاك عندهم خير والله ودهم ياكلون الدنيا وطمع موطبيعي والله لاني مستفاد ولاشيء بس شسوي دافع خلوو !!!! بس والله انا كأني اشتغل عنده انا مشاكل ولويه واهو نايم بيتهم ياخذ 3,750 دك وانا اللي اكرف وعمال ولويه وشئون وبلدية ومطافي وكل يوم مخالفات وحاط عينه علينا بس اقول الحمالله ان الله ماسواني مثلهم

الحمدالله والشكر

 

[shocked]

اخي الكريم

على قدر حاجتك للإستشارة القانونية/ فأنت محتاج للإستشارة الدينية بخصوص نشاطك ( مقهى شيشة)

وفقك الله