تبون ضربه قوية لأسعار البيوت والقسائم؟

[مقام العز]

اخواني نريد اعتصام صدقوني هذي الطريقه راح تربك السكني حيل وتخلي الاسعار ارخص من قرض التسليف, الكل يعرف ان معظم القسائم السكنية تحولت بقدرة قادر الي عمارات سكنية! اشلون ماأدري وعلي عينج ياحكومة ويابلدية, الفكرة لو تم مطالبه بتطبيق القانون ومنع الاستفادة من بدل الايجار لمن يسكن في قسائم وبيوت السكن الخاص لأن القانون لم يسمح لهذي البيوت بمزاولة التأجير,والقانون نظم العقار في الكويت وصنفه الي تجاري واستثماري وسكن خاص.والله اذكر في الثمانينيات كان لاقدمت علي بدل ايجار كل شهرين او ثلاثه تمر عليك باحثه قانونية من وزارة الشوؤن تطق عليك باب الشقه. اقول لوطالبتم بتطبيق النظام والله افضل

 

[المنظور الشامل]

أخي العزيز كلامك غير منطقي وغير مدروس

بالنسبه للاعتصام نعتصم عن ماذا الاكل أو ماذا يمكن قصدك المظاهرات وهذا غير وارد .

أما بخصوص البيوت التي تحلوت إلى قسائم فربي يرزقهم ليش أحنا نضايق أنفسنا .

واذا كنت لا تستطيع شراء بيت أو عقار فالحكومه لن تقصر مع أي مواطن وشوف التخصيص لمدينة صباح الاحمد وين وصل .

 

[kwto_o]

اكيد عندك عماره وخربوا عليك اصحاب القسائم بصراحه كلامك كلام واحد حاسد خل الناس تسترزق وخصوصا انهم تعبوا وخسروا وراحت رواتب العالم على الاقساط خل الناس تعوض شوي ليما يكبرون ويتوظفون عيالهم واكيد راح يتزوجون في بيت ابوهم ويكون الاب وعياله في نفس البيت كلهم والحين يستغل البيت وياجر لانه مديون وعياله للحين يدرسون هذا التفكير المنطقي وتفكير العقل مو كل الناس مثل ظروفك وظروف غيرك للعلم ترا للحين ماعندي بيت عشان تكون مرتاح بس بصراحه كلامك مو مضبوط روح اعمل اعتصام بروحك

 

[مقام العز]

اكيد عندك عماره وخربوا عليك اصحاب القسائم بصراحه كلامك كلام واحد حاسد خل الناس تسترزق وخصوصا انهم تعبوا وخسروا وراحت رواتب العالم على الاقساط خل الناس تعوض شوي ليما يكبرون ويتوظفون عيالهم واكيد راح يتزوجون في بيت ابوهم ويكون الاب وعياله في نفس البيت كلهم والحين يستغل البيت وياجر لانه مديون وعياله للحين يدرسون هذا التفكير المنطقي وتفكير العقل مو كل الناس مثل ظروفك وظروف غيرك للعلم ترا للحين ماعندي بيت عشان تكون مرتاح بس بصراحه كلامك مو مضبوط روح اعمل اعتصام بروحك

الله العالم منو الحاسد,الحاسد اهو اللي يشتري بلوكات كامله في احياء سكنية ويقسمها شقق ويخالف البلديه والكهرباء ويحتكر الاراضي. وبعدين ليش نزعل من تطبيق القانون خل ينقطع بدل الايجار شهر او شهرين خلني انقل من شقه في منطقه سكنيه الي شقه في الاستثماري شهر او شهرين, خلونا نشوف السعر الحقيقي للبيوت والقسائم السكنية ولا عاجبكم الوضع؟ مناطق صارت مكتضه بالسكان يارجل كل بيت عنده عشرين سيارة والله يابعض البيوت الحاويه تقول زباره حتي عمال البلديه موملحقين

 

[عقاري1]

اخواني نريد اعتصام صدقوني هذي الطريقه راح تربك السكني حيل وتخلي الاسعار ارخص من قرض التسليف, الكل يعرف ان معظم القسائم السكنية تحولت بقدرة قادر الي عمارات سكنية! اشلون ماأدري وعلي عينج ياحكومة ويابلدية, الفكرة لو تم مطالبه بتطبيق القانون ومنع الاستفادة من بدل الايجار لمن يسكن في قسائم وبيوت السكن الخاص لأن القانون لم يسمح لهذي البيوت بمزاولة التأجير,والقانون نظم العقار في الكويت وصنفه الي تجاري واستثماري وسكن خاص.والله اذكر في الثمانينيات كان لاقدمت علي بدل ايجار كل شهرين او ثلاثه تمر عليك باحثه قانونية من وزارة الشوؤن تطق عليك باب الشقه. اقول لوطالبتم بتطبيق النظام والله افضل

السلام يالحبيب -بالفعل في توجه بالبلديه والكهرباء لتشديد الاجرات علا بناء الشقق -- واجرات اخرى -

 

[مقام العز]

السلطه علمتنا "نحنوا في بلد قانون طبقوا القانون"

 

[fahad100]

المسألة مو مسألة واحد حاط شقة يأجرها والله يرزقه
هناك اعلانات تقول فلل استثمارية في مناطق سكنية
اقرأو في الاعلانات اللي يقول بيت استثماري مدخوله كذا وفي منطقة سكنيه
هل من المعقول فلل وبيوت سكنية تباع وتشترى على انها استثماري

 

[ابوعبيدq8]

الحل بسيط جدا
ليش تسمح البلديه بناء سلم للبيت وسلم للمستأجرين ؟؟
يبي يبني 3 ادوار حلال عليه بس يكون سلم واحد..
بعدين انا صراحه استغرب من البعض اللي يسكن دور ونص مثلا ويأجر 3 شقق !!! ضيق على نفسه وضيق على عياله وعلى الفريج اللي اهو ساكن فيه .. وحتى شعار من حبنا لها انوفر لها عفسه عفاس وقلبه فوق تحت ...
المشكله صاير بواب حق المستأجرين . هذي لمبه محترقه هذي مجاري يكرم السامع مسكره .. وهذي متعلقه وقافل عليها الاصانصير وتصارخ ولاجه الفريج كله..
يبه بيعه بميتين مثلا واشتر فيهم بيتين حكومه واسكن واحد واجر الثاني ب500 .. منها وسعت على روحك وسكنت دورين بدل الدور والنص ومنها افتكيت من المستاجرين ودوختهم ومنها راس مالك برا تقدر تبيعه في اي وقت او يتثمن وان
ت ساكن اضف الى ذلك المدخول الشهري

 

[بوالعيس بيك]

طيب ياحبيبي ياراعي الموضوع

لنفترض منعوا التأجير بالقسايم وطبقوا القانون 100% وماراح نقول انه كلامك مومدروس

ولا بنقول انك حاسد ,, أوكي حبيبي

بس الحين جاوبني وين نسكن ؟

بعمارات عزوبية الجليب ؟ ولا مع عزوبية خيطان ؟

إحنا الحين بالقسايم ومافي شقق متوفره وانت تقول نمنع الأجار !!!

أنا واثق لو انت عندك قسيمه أول شي بتفكر فيه انك بتبني نظام شقق .

الله يوفجك

 

[شمس العصر]

حكومى ولد الحكومة انت
مقام العز

السلطه علمتنا "نحنوا في بلد قانون طبقوا القانون"

 

[مقام العز]

ياجماعه التاجر هو من خرب السكني ودمر المناطق السكنية وحولها الي استثماري وهو من رفع اسعارها الي الجنون بالاحتكار والمضاربه والاستثمار هل يعقل؟؟ ماتشوفون العقيله بلوكات حولها غسان الخالد الي بيوت استثمارية والرومي في المنقف شارع كامل مأجر علي امريكان (كامب)!!! ليش مو المواطن اولى فيها؟اين الحكومة اين القانون؟؟ أجر فيلا أجر شقه بس مو تقطع فيلا الي 12شقة وتلحق الضرر بالمنطقه. ياأخواني القانون في الكويت مع التاجر اما المواطن فالقانون سجين حمراء بوجهه شوفوا اشلون يقمعونك بالقانون علي سبيل المثال قانون استيراد السيارات والمعدات الثقيلة من الخارج(( المركبات والمعدات الثقيلة المخصصة للاغراض الانشائية والزراعية والنقل يسمح باستيرادها باسم شركات ومؤسسات فقط وليس افراد
شرط الا يكون قد مضى على صنعها 10 سنوات من تاريخ الصنع .
يعني تستورد شاحنات ومعدات ثقيلة من موديل 2001 فقط)) ياجماعه نبي تطبيق القانون علي الجميع تأيدوني؟

 

[اللمبى]

ليش الاخ يبينا نسكن بحولي ولا السالميه ونلبس بنطلون طول عمرنا مع احترامي

لا يااستاذ نسكن جنب اهلنا ومنطقه نفس اطباعنا وتقاليدنا ونفس سعر الشقق

انت تبي تنفع تجار العمارات الاستثماريه ليش

 

[صقر3]

الاخ مقام العز اهم شي تتكلم بصراحه انت وين عند الوالد او اجار واذا اجار سكن خاص او ستثماري وبعدها نتكلم معاك ؟؟؟؟

 

[كويت 2020]

اقتراح مو فى محله
هذولى منا وفينا

 

[مقام العز]

الاخ اللمبي والاخ صقر3 واضح من ردودكم محدن شكى من جمرة ماوطاها حنا نطرح وجهات نظر ونطالب بالقانون الذي يجرم الاستثمار في السكن الخاص.احنا مانطالب القطاع الخاص بتدخل لحل المشكلات الاسكانة الحاصل عندنا ليست مشكله بل كارثه اسكانية وحسرت الناس لصمت الحكومي امام هذة الكارثه وصراخنا لها لنجدتنا من مانحنوا فيه.. واستعانتنا بها لمعرفتنا ان الحكومة قادرة علي حل المشكلة في زمن قياسي والحلول كثيرة لو فعلا الحكومة جادة في مواجة الازمة الاسكانية علي سبيل المثال بناء مساكن شعبية بناء ابراج اسكانية مؤقتة خاصة للهيئة العامة للأسكان منع اقامة المبرات والجمعيات الخيرية داخل المناطق السكنية ودور الحضانه والرقيى الشرعية (مابقى الا يقلبون البيت عيادة اسنان خاصة!) حبيبي الدولة طردة صدام بسبع تشهر واخمدت 737بير في خلال سنة واحده ودفعت رواتب لشعب سبع اشهور بدون عمل وتحملت تكاليف اقامة الكويتيين في المنفى ودفعت ودفعت فاتورة اعمار الكويت من طرق ومنشأة ماهي عاجزة عن توفير مو90000الف طلب الازمة الاسكانية تبي 25الي 40الف لحل التكدس في الطلبات. (وين رابطة حملة نبي نسكن ماتكلمون)

 

[قانون 8و9 2008]

شفيكم ياشباب اشتغلتو علي الريال شكلكم كلكم دلالوه او مخالفين قانون السكن الخاص الاخ ماقال شي غلط ليش مناطق الكويتيين صارت مختلطه وكلها اجانب حبيبي تبي تصير تاجر روح الاستثماري ناطرك خلك تاجر وارفع اسعار الاجار علي كيفك بس هذا بيت سكني اذا كبروا عيالك خلهم يرفعون البيت دور او ثنين او عشره شوفو سلوي شصاير فيها ماتندش اشوه ان بيت ابوي علي خط فحيحيل والا جان ماقعد بهالمنطقه لانها صارت مزدحمه بشكل رهيب وكل المناطق بتصير جذي زحمه وضغط حتا اذا تبي خط تلفون ارضي لازم واسطه لان مافي والاسعار صارت تقاس علي المدخول وحاسبينها الجماعه جنك شاري عماره مو ارض خايسه ٤٠٠ م
انا معاك اخوي وايد رايك قبل يوم كان بدل ايجار بشروط كانت احلي شقه بالسكني ماتتعدا ٢٠٠ دينار وبيوت القرين ٢٥٠ اجاراتهم وشوف الحين

 

[مقام العز]

شفيكم ياشباب اشتغلتو علي الريال شكلكم كلكم دلالوه او مخالفين قانون السكن الخاص الاخ ماقال شي غلط ليش مناطق الكويتيين صارت مختلطه وكلها اجانب حبيبي تبي تصير تاجر روح الاستثماري ناطرك خلك تاجر وارفع اسعار الاجار علي كيفك بس هذا بيت سكني اذا كبروا عيالك خلهم يرفعون البيت دور او ثنين او عشره شوفو سلوي شصاير فيها ماتندش اشوه ان بيت ابوي علي خط فحيحيل والا جان ماقعد بهالمنطقه لانها صارت مزدحمه بشكل رهيب وكل المناطق بتصير جذي زحمه وضغط حتا اذا تبي خط تلفون ارضي لازم واسطه لان مافي والاسعار صارت تقاس علي المدخول وحاسبينها الجماعه جنك شاري عماره مو ارض خايسه ٤٠٠ م
انا معاك اخوي وايد رايك قبل يوم كان بدل ايجار بشروط كانت احلي شقه بالسكني ماتتعدا ٢٠٠ دينار وبيوت القرين ٢٥٠ اجاراتهم وشوف الحين

يابعد قلبي والله ايه ألسعهم الحقوق تبي حلوق الله يهديهم ربعنا اهل حملة نبي نسكن هذولا اثنين ردوا علينا بالمنتدى اسكتوا اشلون لوننزل الشارع

 

[صقر3]

يا اخوي مقام العز مارديت سكن بيت الوالد او اجار نبي جواب ​

 

[look4lands]

صحيح و الحكومة صرحت ببناء شقتين فقط في الطابق الأخير ، و ربعنا يقسمون البيوت من 4 إلى 10 شقق و شوف المصافط و الزحمة و الضيق ، صارت مناطقنا صناديق و عمارات مسدوحة و ما فيها حوش شبر من كثر الطمع و استغلال كل متر مربع للشقق و تسد النفس و ما فيها شراحة

يازين المناطق قبل ، ألحين تحس إنك في أدغال خرسانية!

 

[فرحان جداً]

صحيح و الحكومة صرحت ببناء شقتين فقط في الطابق الأخير ، و ربعنا يقسمون البيوت من 4 إلى 10 شقق و شوف المصافط و الزحمة و الضيق ، صارت مناطقنا صناديق و عمارات مسدوحة و ما فيها حوش شبر من كثر الطمع و استغلال كل متر مربع للشقق و تسد النفس و ما فيها شراحة

يازين المناطق قبل ، ألحين تحس إنك في أدغال خرسانية!

يا اخوك ادغال خرسانيه والناس مو ملحقه ويالله يالله تلقى اجار سنع...أو مؤجر سنع

ثلاث ترباع الاجارات تبط الجبد وخايسه واهلها خايسين