نزول السوق السعودي

[ahmaaad]

السوق السعودي نازل 113 نقطه حتى هذه اللحظه
الله يستر على سوقنا باجرررررررررررررررر

 

[adelsaqer]

اصلا سوقنا مايحتاج ستر من رب العالمين كل يوم قاعد ينزل

 

[مليون دينار]

حاليا 108 نزول

 

[Trillion]

سوقنا فك ارتباط بجميع الاسواق سواء خليجيه او عالميه طبعا فقط في حال الأرتفاعات اما بالنزول

فــ الأحتمال الأكبر يماشيهم ...بس مو مشكله بان يماشيهم المشكله انه كل هذي الأسواق من

ضمنها سوق السعودي اسواق مبنيه على اساس فني بحت حيث تتم مرحله تأسيس ومن

ثم صعود ومن ثم جني ارباح طبيعي سوق السعودي حاليا يمر مرحله جني ارباح بعد الارتفاعات

المستمره وأكبر دليل انه اللون الاخضر راح اتشوفه في الجلسات القادمه للسوق سعودي

بعكس سوقنا فــ اهو نزول اهــو سيد الموقف ...اما وضع سوقنا سواء سوق سعودي نزل

اما لم ينزل فــ اهو نازل بدام سيوله غير متوافره والمحفزات ايضا وكذلك توقف العديد من شركات

بالتوفيق .

 

[ahmaaad]

انا معاك اخوي ان سوقنا بنزول مستمر بس خوفك باجر ينزل نزول قوي بجلسه وحده هذا الخوف
مانبي نشوف الشركات كلها بالادنى
صج قاعد ينزل سوقنا بس وايد اسهم محافظه على دعوماتها وقاعده تغلق بدون تغيير بس لاسمح الله اذا صار عندنا نزول فوق ال 100 بتنكسر جميع الدعومات

 

[Trillion]

انا معاك اخوي ان سوقنا بنزول مستمر بس خوفك باجر ينزل نزول قوي بجلسه وحده هذا الخوف
مانبي نشوف الشركات كلها بالادنى
صج قاعد ينزل سوقنا بس وايد اسهم محافظه على دعوماتها وقاعده تغلق بدون تغيير بس لاسمح الله اذا صار عندنا نزول فوق ال 100 بتنكسر جميع الدعومات

سوق اساسا هش من غير دعومات تذكر والأسهم لي اتكلم عنها ايهي

على الدعوم وقريبه من كسرها للأسف بسببب عدم وجود الدعم الكافي

ومن ضمنها اسهم قياديه فـــ منها الوطني وبيتك فـــ بما ماانبي اتكلم

عن عدم نزول السوق بيوم واحد فقط وباجي الأيام وين الدعم وين السيوله

وين المحفزات !؟ باختصار اذا اندعم باجر السوق او حتى اخضر باجر

راح اتشوفه احمر وكاسر الدعم سوق بحاجزه حق محفظات اقتصاديه

كبيره وكذلك وضع سياسي مستقر اهني راح يتكون عن سوق استثماري

اما الان الوضع مضاربات وحتى سوق ما يشجع حق المضاربه ف ماهي

مشكله 100 نقطه دام بتيي يوم من الأيام الانه الوضع ما تغير

فــ سوق سعودي او غيره ممكن ينزل ابي وقت وبهذي لحظه يجب

ان ايكون قد اسست ودعمت وسيوله متواجده وصناع سوق ومحافظ

شرايه واكبر دليل ان كل هل امور متوافره بسوق سعودي الحين قاعد اكلمك نازل 90 من كان نزل فوق 110..وسلامتك

 

[قائد سرب]

قفلوه ارتداد والخشاش فووووووووووووووق ماعندك مشكله

 

[الوحيد 1974]

المؤشر العام 6,509.48 31.17 0.48% 2011/06/11 16:49:28 السوق مغلق
ارتداد يعتبر فوق الجيد للسوق السعودى ، ولى خبره مع هذا السوق وان شاء الله سوقهم غدا اخضر والاوضاع زينه بأذن الله ، والله ولى التوفيق .

 

[فاااارس الاسهم]

السلام عليكم انا ودي اسال راعي النوضوع ليش اذا صار السعودي اخضر ماتكلم وتحط صفحه وتقول السوق السعودي اخضر

 

[Q8-Fund.Manager]

السوق السعودي: المؤشر يقلص خسائره ويغلق عند 6509 نقاط (- 0.5 %).. كأدنى مستوى إغلاق له منذ مارس الماضي ​

واصل المؤشر العام للسوق السعودي انخفاضه بداية هذا الأسبوع، وسجل جلسة اليوم انخفاضا
لأدنى مستوى له منذ مارس الماضي عند 6509 نقاط (- 0.5 %)
وسط انخفاض لأغلب القطاعات، وبتداولات بلغت حوالي 4.2 مليار ريال​

 

[فاااارس الاسهم]

الاقتصادي/سعر برميل النفط الكويتي يواصل صعوده ليصل الى 110.94 دولارا بعد ارتفاعه أمس بـ 46 سنتا

 

[yarab]

السلام عليكم انا ودي اسال راعي النوضوع ليش اذا صار السعودي اخضر ماتكلم وتحط صفحه وتقول السوق السعودي اخضر

اي والله سؤال بمحله 100% تدري ليش انا متعايش مع الموقع اكثر من 6 سنوات الي اكتشفتا التالي :-
-يوم ما تتكلم عن السوق او اي سهم باخبار ايجابيه خذ مني على طول اول شخص يرد عليك يقولك ( انت طبل عالسهم )

- يوم ما تتكلم باخبار سيئة عن السهم اتكون انت فوق الممتاز وتشوف الردود نعم مضبووط السهم سيء والبورصه سيئة

سؤال من زمان اسال روحي فيه بس للاسف ما في جواب الا ان الناس اصبحت قلوبهم متشائمة والغل في اعينهم فنصيحه لك يا فارس الاسهم لاتمدح سهم حتى وان كانت اخبارك مليون بالميه صح

 

[LONG TERM]

اصلا سوقنا مايحتاج ستر من رب العالمين كل يوم قاعد ينزل

يا خوي كلامك هذا ما يجوز ... حتى لو كان من غير قصد


نحن وسوقنا وكل شي تحت رحمة رب العالمين ونحتاج ستره ... شنو ما نحتاج ستر !!

 

[ابو محمد 2007]

الرجاء شطب المشاركة لان فيها شرك عظيم لا يجوز هذا الكلام جزاك الله كل خير

 

[ahmaaad]

السلام عليكم انا ودي اسال راعي النوضوع ليش اذا صار السعودي اخضر ماتكلم وتحط صفحه وتقول السوق السعودي اخضر

لان ببساطه اذا ارتفع السوق السعودي ماقمنا نرتفع وياه
واذا نزل على طوول نزلنا وياه والاحد الي فات تاثر سوقنا بنزول السعودي
وبعدين ليش زعلان من الموضوع ترى انا مويايب شي من عندي
والمتداولين الي ناوين يشترون باجر مو من حقهم يعرفون هالمعلومه؟؟؟

 

[KUWAIT_V]

مو بس السوق السعودي

الأسواق العالميه كلها نازله

مادري شنو السبب

الله يستر بس

 

[مليون دينار]

مو بس السوق السعودي

الأسواق العالميه كلها نازله

مادري شنو السبب

الله يستر بس

اسواق العالم كلها تضارب

 

[yarab]

صاحب الموضوع وينه انشا صفحه لليوم واكتب صعوووود البورصه السعوديه

 

[فاااارس الاسهم]

ليش ماتفتح صفحه وتكتب السوق السعودي اخضر اكتب خلنه انشوف شفت انك مكيش وتبي السوق ينزل

 

[فاااارس الاسهم]

خلك تحب الخير وفتح صفحه واكتب السوق السعودي اخضر