&& ابــــيات مــن ذهــب &&

[plus q8]

دنياك لو تعطي مواثيق وعهود
خداعة ما تنومن بانقلابه

ان اقبلت بالعون هبت لك النود
وسقاك من نو الثريا سحابه

وان ادبرت قدامك الدرب مسدود
عفت الحياه ورزقها واكتسابه

من اقبلت دنياه تكسيه ماهود
ومن ادبرت دنياه لا واعذابه

كم واحد دايم هقاويه بالجود
وعن الملامه مقفيات ركابه

بيته كما عد من البدو ما رود
ريف الضعيف اللي قليل زهابه

يثني لها وان جرها كل مقرود
ويمشي على درب الخطر ما يهابه

عانى من الدنيا تعاسات وصدود
وجداه عضات النواجذ بنابه





2
شد ابومطلق وخلاني خلاوي
كن ما حولي من الناس انزلية

كثرة الاحزاب بعده والنحاوي
كثرت الاحزاب والنية ردية

من تخير عندنا بالربع غاوي
بالنظر ولا المذاهب جعفرية

شيخة الرديان من كبر البلاوي
ضيعوا تاريخهم بالجاهلية

راكب اللي ساسها بنت اللحاوي
منوة اللي بدل النية وبنية

ما حلى مرواحها والليل ضاوي
ما حلى مرواحها مع جرهدية

روحت تبغى المعشى بالصداوي
عند ابومطلق يعشيكم طليه

عند من يضحك حجاجه للفداوي
مدهل الضيفان شوق العسوجية

من ربوعن محرقين للقهاوي
يذبحون الحيل وقت المعسرية

بلفه بالعلم من راسك شفاوي
معك امانه لاتهاون بالوصية

قل قصيرك عقبكم كنه جلاوي
عقبكم وجه عن العالم نحيه

قاعد وانا على الروحة شفاوي
شفي المرباع يم الجندلية

ماحلى لقط الزبيدي بالمطاوي
لختلط نوار عشبه مع نصيه

واصبح الصقار يبدي بالنزاوي
هد والسراح مالحق الرعية

في عثامير بها الصيد متخاوي
واجتمع صقارها وبواردية

ديرة ما ربعوا فيها الشواوي
مدهل للي يعفون المطية




3
يامل عين حاربت لذة النوم
كن الدوا في حجر عيني كواها

والقلب يطري له هواجيس وهموم
والعين كثر اوجالها صب ماها

وليا شكيت الحال ماني بمليوم
عليك ياشوق الهنوف وذراها

يابو عمر يالقرم يا ذابح الكوم
ياكاسب الطولات يا منتهاها

لاحظت بالدنيا غيارات وثلوم
وازريت لاعرف وجهها من قفاها

دنيا كفا الله شرها دايم الدوم
ماتنعرف ضحكاتها من بكاها

الله خلق بالناس معكى ومحروم
ناس حجب عنها وناس عطاها

ولاكل ما تتعب له النفس مقسوم
ولا كل رجال يعرف امعناها

ولاكل من يركب على الخيل شغموم
ولاكل من هام الطويلة رقاها

والحر خلا مركبه واركب البوم
حكم من الدنيا وهذا جزاها

كم واحد ف يما مضى ينطح القوم
تفرح به اللي قاصرات خطاها

اليوم مثل اللي عن الدرب منجوم
تلعب به الدنيا على ماطراها

ويضحك به اللي قالب راسه الزوم
اللي له الدنيا تكشف غطاها

اللي ليا جات المواجيب معدوم
وليا نخوه لحاجة ما قضاها​

المرحوم "فهد بن خالد بن طنيف"​

 

[plus q8]

انا لاقلت لي شلونك وانـا ضايـــــــق اقـول بخيـر
مدامك سائـلٍ عنـي اكيـد ان ضيقـــــــــتـي راحـت

انا من كثر ماحبك اشوفـك فـي عيونـــــــي غيـر
تضيق النفس من غيرك ولامن شفتـك ارتاحـت

احبك كثر .. ماتطـري فبالـي وتشغـــــــل التفكيـر
كثر .. ماشيلـك بعينـي ونـاسٍ منهـــــــــا طاحـت

احبك كثر .. ما ادمح خطــــاك ان خانـك التعبيـر
كثر .. ماخانت الرفقه بكتـم اسرارهــــا وباحـت

احبك كثـر .. صقـارٍ تولـع فـي محبــــــــــــة طيـر
كثر .. مادلـة الطيّـب بريحـة هيلــــــــهـا فاحـت

احبك كثر .. ماحس بشعور انــــــي عليـك اغيـر
كثر .. مازيح هالغيره عن افكــــاري ولا انزاحـت

احبك كثر .. مالك داخلـي حـب وغـلا وتقديــــــــر
كثر .. ماغبت عن عيني ودموع امفارقك ساحـت

تصدق !! من عرفتك صرت احبك .. واكره التغيير
وانا اللي كنت اعشق كل نجمـه بالسمــــــا لاحـت

تأكد كـل ماتسئـل عـن حوالـي اكـــــــــون بخيـر
مدامك سائـلٍ عنـي اكيـد ان ضيقتــــــــي راحـت​

 

[plus q8]

هذي رديه بين امير القلوب رحمه الله
جابر الخير عسى الله يرحمك يابو الجميع

والشاعر الكبير مرشد البذال

رحمهم الله جميعا ....



نبدا مع قصيده الشاعر مرشد البذال الرشيدي ::--

لا والله الا ذعذعن الصفاري,,,,,هب البراد وقربت نقلة الطير

ذكر الحباري له نخزر الحداري,,,,اول عوانيها لقوها المداوير

كل اشقر في تلك السبق ضاري,,,,متكسر قلبه ع الطلع تكسير

ذكرتهم مسري بهاك الغداري,,,,مع جابر الاحمد طويل الاشابير

يابو مبارك ماطرى لك طواري,,,,تحيي الرسوم الاوله بالمظاهير

ياشيخ لاتنسى هذيك المساري,,,,يومك تصلي الصبح فوق من الصير

تشوف فيه من العواين مواري,,,,تلقى جرايدهن بروس العثامير

كل ورا جابر بسيره يداري,,,,اهل الطيور للشيخ جابر مناظير

ماحلا مغداهم بعشب وخباري,,,,باول طلوع النبت عشبه دواوير

وماحلا معاياهم بصوت جهاري,,,,الشيخ نشمي والجماعة مناعير

هذي طراة العمر قبل العزاري,,,,دنياك من غير الطرب مابها خير

======================
وهذا رد الشيخ جابر الاحمد الصباح رحمه الله

قولك تراه اليوم صاير وجاري .....الله يجزي ذيك الايام بالخير

ياما سرينا يم ذكر الخباري,,,,مجهامنا كل يوم مثل النواطير

مانعرف التنتات هي واللواري...لهن دوي يشبهن الزنابير

نمر يالريضان خضر فقاري.. زاه عشبها مع فياضن مزاهير

لامن طلع مختار عقب المساري,,,في موقع مافيه جرة مظاهير

اوهد صوب الروض وسط النهاري....غمر وصفف ياحسين التصاوير

واليا نزل عينه تشعشع بناري....نشوفهم جنب الذواري مخامير

مثل الملك جالس وحوله جواري...والله ما اصخي به بخيشه دنانير

ماهمنا برد ولاهوب ذاري....يوم ان للمقناص بالنفس تأثير

واليوم كل واحد يصيد العفاري....وصارو جميع الناس كلهم صقاقير

اصبر تشوف الطير فوق القواري....مطلعه راعية مع سكة الجير​

منقول​

 

[plus q8]

أنا الصديق اللي ليا طحت شـــــالك.
لا ضامتك دنياك والوقت بك مـــال.
أنا يمينك شد فيني شمــــــــــالك.
يمنى بلا يسرى ترى حالها حـــــال.
أنا عزاك وعزوتك لا جـــــــــــرالك.
من تاعس الدنيا هواجيس وأهوال.
ماني من اللي لا اغتنى ماوفــــــالك.
لولك عليه من الجمايل والأفعـــــال.
ماني خويك كان وقتك صفــــــــالك.
أنا خويك لأدبرت فيك الأحـــــــــوال.
خذني عصا موسى ليا كنت هـــــــالك.
أفلق لك بحور القهر قول وأفعـال.
بالك يجي في خاطرك يوم بــــــالك.
أنك تغيب ولا تجي لي على بــــــال.
لا..ياخذك فكرك على مثل ذلـــــــــك.
صعب آتخلى عنك مهما الزمن طــال.
ولا آقول لك في يوم مالي ومــالك.
ماترخص العشره ولاتغني امـــــوال.
اسمع جوابي قبل ماسمع سؤآلــــك.
خارج نطاق التغطيه وارسل ارسال.
-أنا- ليا "شح" الزمن في و صالك.
أمد "للنخوة"" على "وصلك" حبال.
أنا" -عمى- (عين) العدو لا نوى لك.
أنول "روحه" قبل ما روحك تنال.
بينك وبين الشمس "شجرة" ظلالك.
ما للشجر -قيمة- إذا "ماله" ظلال.
والليل مهما كان "مظلم" "وحالك.
ترسمني الضلما على صدره هلال.:..​

 

[plus q8]

ياباغي العليا لها عشرة بنود
سجّل وأنا بملّيك واحفظ عددها


من شان مايلحقك عيبٍ ومنقود
احفظ وصاتي والوصاة اعتمدها


أوصّيك قبل الجسم يدب به الدود
في حفرتن لابد نسكن لحدها


دنيا العنا فيها مشاريب وعدود
وكم واحدن له حاجتن ماوجدها


عليك بالتقوى ترا العمـر محـدود
واردع هوى النفس الدنيـه وقدهـا



واحفظ صلاتك تكسب الرزق والفود
تكسب مكاسيـب الحيـاه وسعدهـا


وصوم رمضان وزك يالشامخ الطود
ترا البيـوت النايفـه مـن عمدهـا


وجالس هل التوحيد والعز والجـود
واتـرك مقاريـد العبـاد وقردهـا


الي على التفريق ياتونـك احشـود
فصيلتن دب الجهـل فـي جسدهـا


واحسن جوار الجار لو كان مقـرود
لـو جـار نفسـك لاتبيـن نكدهـا


والضيف عطه الطيب والطيب مردود
اكسـب جنـاب الطيبيـن وسندهـا


عقب الشحم والبـن قدملـه العـود
حيثك من الي مـن لفاهـا حمدهـا


وبنت الردي لو هي زلالن وقرهـود
حـذراك تقربهـا وتمسـك بيدهـا


خذ بنت قرمن عند الاجواد محمـود
لا جا نهار الهـوش بيـن ولدهـا


وزلة رفيقك لالفـت دون مقصـود
لاتمسـك الزلـه وهـو ماقصدهـا


ثـلاث مررهـا ولا شـك بشهـود
والرابعه شـب الحطـب لاوردهـا


هذي عشر وان كـان تبغينـي ازود
سجل على عشر الوصايـا وزدهـا


الظلم شين وتالـي الظلـم مـردود
والغيظ شيطـان القلـوب وكبدهـا


والصمت زينه والحكي سيف محدود
والحقـد غيمـه والتباغـظ بردهـا


فكر وميز واعرف البيض والسـود
واحذر قلوب الحاسديـن وحسدهـا


يابوك بين الناس طـارد ومطـرود
ماتجهلك بعـض الحـرار وهددهـا


وان ضامتك دنياك واصبحت مضهود
فاطلب من المولـى يحلـل اعقدهـا


الواحد الـي كلبينـا لـه اسجـود
الي جميع اعمـال خلقـه رصدهـا


هذي نصيحه وانت معطيني اوعـود
واهل الوفى والعرف توفي وعدهـا


قدمتها بالمسـك والطيـب والعـود
زرعتها لك زرع وانـت اتحصدهـا


حميتها مـن دون ملحـن وبـارود
خوفـن عليهـا المنتقـد ينتقدهـا


وختامها العليا لها اشـروط وبنـود
يالـي تبـا العليـا تمعـن وعدها​

 

[plus q8]

ياكثرهم لا قلت لك عـرفـة وجـيـه ,,,,, ويـا قلهم لا قلت قـدر ومعـزه​

رجـل تعـزه بعـد مــا تلتقــي فيـه ,,,,, ورجـل قبـل لا تـلتـقـيبــه تعـزه​

ورجـل تـرزه بالمجالــس مبـاديــه ,,,,, ورجـل فـلوسه بالمجالس ترزه​

ورجـل يمـوت ولا يجيبون طاريه ,,,,, ورجـل يجي طـاريه في كل حزه​

ورجـل ضعـيف ويستفـزه معـاديه ,,,,, ورجـل كــلام عـداه ما يستفــزه​

ورجل يهزه بعض موقف ويشقيه ,,,,, ورجل ماهوب ايات موقف يهزه​

ورجـل تلـزه يعتـرف لك بخـافيه ,,,,, ورجـل علـى خـافيه محـد يـلـزه​

ورجـل يوزونـه ويزعـل بنيخيه ,,,,, ورجـل يزعـل من يحاول يـوزه​

ورجل تكــزه لازم انـك تـوصـيه ,,,,, ورجـل بليا مـاتـوصـيه كــزه​

من لا فــرش للـرجله مــا تغطيـه ,,,,, ومـن لا يخـز الناس مـحد يـخـزه​

​

 

[حربي وربي الله]

قصيدة رائعة للشاعر ​

راشد بن زميع القحطاني ​

فيها من الحكمة الشيء الكثير​

من زمرة الطاغوت حذراك حذراك​

لا تبتلي بجروح يصعب دواها​

​

وإلى مشيت اعرف دروبك وممشاك​

احرص على نفسك وخالف هواها​

​

أمارة بالسوء ما هي بتنهاك​

اقبض عليها لين يجلى صداها​

​

اقطع نواياها بدينك وتقواك​

هلّل وعند الله سريعٍ شفاها​

​

والعين لا تنظر بها من تعدّاك​

المحصنه لو تلتفت لك وراها​

​

اصبر على همّك وغمّك وبلواك​

عف وتعفف لا يغرك حلاها​

​

واترك حرام القوت ما هو بيملاك​

كل البطون الجايعه ما ملاها​

​

رشفة حلال اتسد جوعك ومضماك​

تسوى مشاريب الحرام وغثاها​

​

النار في جوفك وتصلى حناياك ​

نار الجحيم تزيد للي وطاها​

​

واحفظ لسانك لا يجرك ويبلاك​

لو غلا مشتراها اخذ الثمينه ​

​

الهرج ميزانك ويكشف خفاياك​

كلمة تعيبك لا تبيّن نباها​

​

صون الكلام وصون نفسك ومبداك​

للنفس حشمة لا تفصّم عراها​

​

اصمت مدامك عارفٍ سير مجراك​

لا تنقل النّمة وتبحث خفاها​

​

يزول قدرك عند أقرب دناياك​

لو هو ولدعمّك حياتك جفاها​

​

واحلم تراه الحلم يرفع مزاياك​

هو سيّد الأخلاق هو مبتداها​

​

وصّى به المبعوث ما هو بيخفاك​

شفعينا يوم الملاقاة طه​

​

خل الجهل لاتجعل الغيظ ياطاك​

ترى الجهل سم القلوب وعماها​

​

وإلى ابتليت ارفع إلى الله شكواك​

لا بدّها الأيام تكشف غطاها​

​

اصبر يزين الحظ ويزين مرماك​

الله يفرجها ويدفع بلاها​

​

لا تمنع المحروم لا من تنصّاك​

الناس لأجل الناس وأحسن عطاها​

​

ابذل لوجه الله والله يجزاك​

مثل الغروس اتطيب للي سقاها​

​

لا ضاع معروفك ولا ضاع حسناك​

إن كانها لله تلقى جزاها​

​

جارك ولو هو جار تسقيه منماك​

عليه لا ترفع يدينك عصاها​

​

أحسن جوار الجار لو كان يشناك​

ترى العرب تحشم كلاب اقصراها​

​

بكره يشد ويكتب الله فرقاك​

عساه يذكر جيرتك مانساها​

​

الظلم شين ويجعل النار مثواك​

راع الظليمه عيشته ما هناها​

إله العرش فوقك عالم نواياك ​

ينظر قلوب الناس وش محتواها​

​

يسمع بما تجهر وعارف خفاياك​

بأمره شروق الشمس ترسل ضياها​

​

هو عالمٍ غيبك وركّب خلاياك​

هو خالق فيك العروق ورواها​

​

والضيف له حقٍ إلى حل بحماك​

قلّط ضيوف الله وأكرم لحاها​

​

لا تحقر الضيفان واتشح بغذاك​

من ما عطاك الله قلّط عشاها​

​

وعليك باللي حزة الضيق يفداك​

لا شانت الدنيا ودارت رحاها​

​

لا من زهمته لو على الموت لباك​

عيني لجل عينك وروحي فداها​

​

ترى الخوي نبراس روحك وملْجاك​

لا كلّحت بقعا وزادت غثاها​

​

حذراك من بعض المخاليق حذراك​

بعض العرب ما تفرقه من نساها​

​

تايه وضايع بين ذولا .. وذولاك​

فيه الجهالة واصلٍ منتهاها ​

 

[رابح رابح]

خذني معك لاصير جسم بلا روح​

حيث أنها تقفي إذا اقفيت روحي​

​

أرحم خفوقا" بين الاضلاع له نوح​

عقبك يعلم ساجع الورق نوحي​

​

ليلي يطول أن غبت من غير مصلوح​

أن جاء النهار أطول وعيا يروحي ​

​

سري بحبك دايم الدوم مفضوح​

وإن ما نطقت دموع عيني تبوحي​

​

باب المحبه لك مدى الدهر مفتوح ​

وعن حب غيرك فيه تسعين لوحي ​

​

للشاعر خالد الفيصل ​

​

,

 

[plus q8]

ابيات اعجبتني :

ثنتين يعطونّك معزه و تقدير
دينك و فعل البر في والدينك،،
و ثنتين منهن يكثرون المخاسير
درب الضياع و صحبةٍ ما تعينك،،
و ثنتين عنهن ما تجوز المعاذير
سترك لاهل بيتك و مكسب يمينك,,
و ثنتين لو طال الزمن ما بهن خير
هرج القفا و مجاملة من يهينك،،
و ثنتين يطلقن الوجيه المسافير
ترديد ترحيبك و ضحكة جبينك،،
و ثنتين يسوون التعب و المشاوير
مواصل ارحامك و فزعة قرينك،،
و ثنتين نار و عار معنى و تفسير
ترضى الخنا و تخون مستأمنينك،،
و ثنتين لا تقبل بهن الاشاوير
الجار و الصاحب ليا قال وينك.؟
و ثنتين يشرن بالذهب و الدنانير
حشمة بني عمك و نصرة عوينك،،
و ثنتين جنبهن و احذرك تحذير
فعلٍ يشنّع بك و هرجٍ يدينك​

 

[al7bebe]

واني لأهوى النوم في غير حينه لعل لقاء في المنام يكون
تحدثني الأحلام اني أراكم فياليت أحلام المنام يقين

 

[al7bebe]

للشاعر ابو القاسم الشابي

إذا الشعب يوماً اراد الحياة **** فلا بد ان يستجيب القدر

 

[al7bebe]

نعيب زماننا والعيب فينا
وما لزماننا عيب سوانا


الامام الشافعى

 

[al7bebe]

من أجمل ما كتب الشافعي في الحكمة :

دع الأيام تفعل ما تشاء * وطب نفسا إذا حكم القضاء
ولا تجزع لحادثة الليالي * فما لحوادث الدنيا بقاء
وكن رجلا على الأهوال جلدا * وشيمتك السماحة والوفاء
وإن كثرت عيوبك في البرايا * وسرك أن يكون لها غطاء
تستر بالسخاء فكل عيب * يغطيه كما قيل السخاء
ولا تر للأعادي قط ذلا * فإن شماتة الأعدا بلاء
ولا ترج السماحة من بخيل * فما في النار للظمآن ماء
ورزقك ليس ينقصه التأني * وليس يزيد في الرزق العناء
ولا حزن يدوم ولا سرور * ولا بؤس عليك ولا رخاء
إذا ما كنت ذا قلب قنوع * فأنت ومالك الدنيا سواء
ومن نزلت بساحته المنايا * فلا أرض تقيه ولا سماء
وأرض الله واسعة ولكن * إذا نزل القضا ضاق الفضاء
دع الأيام تغدر كل حين * فما يغني عن الموت الدواء


من مكارم الأخلاق .... قال :

لما عفوت ولم أحقد على أحد * أرحت نفسي من هم العداوات
إني أحيي عدوي عند رؤيته * لأدفع الشر عني بالتحيات
وأظهر البشر للإنسان أبغضه * كما إن قد حشى قلبي مودات

 

[plus q8]

زمان و أيام البساطه​

 

[plus q8]

الشاعر: سلطان الهـــــــاجرى​

 

[plus q8]

الشاعر راجح ال شامر العجمي​

 

[plus q8]

لاتشتكي من جور الأيام للناس
ادفن همومك في ثرى الصمت كله
أسرار عمرك خلها تحت الأنفاس
لاصـــار هراج القفا فاطن لـــــه
هذاك يفرح لالمس جرح الأحساس
وهــــــذا مناه لا لقـــا فيــك علــــه​

 

[بن عيدان]

 

[بن عيدان]

 

[بن عيدان]