افضل دولة اوروبية

[bo7anon]

السلام عليكم


ممكن اقوى دولة اوروبية تنصحونا نزورها وبقوة ؟

لندن
سويسرا
اسبانيا
تركيا


بخاطرنا نروح وحده منهم عقب العيد
لان ماحب دول اوروبا الشرقية ابي وحده من هال4 دول

وجم يكلفون بدون تذاكر ؟


لان عمري ماطبيت اوروبا وبصراحه بغير ملينا من دول العربية

 

[كويتي محب]

اذا طلعتكم شبابيه + اول مره لاوربا .. -->london

 

[bo7anon]

اوكي جم تكلف لندن اذا بقعد فيها من 10-12 يوم ؟ بدون تذكرة

وابي افضل فندق وافضل شارع والفندق يكون سعره مناسب لا هو رخيص ولا هو غالي
المهم كل شي يكون يمه على الاقل مكانه استراتيجي ومابي كله عرب

عرفت شلون اللي يفيدني

وشكرا

 

[الشرقاوي]

انصحك وبشده وعن تجربه 18 سنه
سويسرا او النمسا
وان كنت افضل النمسا وخاصه منطقة التيرول وهي غرب النمسا تحت ميونخ يعني تروح لها عن طريق ميونخ وكلها ساعه وانت في جنة الله على الارض وهناك في قريه جميله جدا اسمها سيفيلد وقبلها مدينه المانيه اسمها غارمش
هذا اكنت تبحث عن الهدوء والطبيعه والامان
اما اذا كنت تحب المدن يمكن تصلح لك لندن مع اني ما احبها وافضل عليها فيينا الف مره
والتكلفه اذا كنت مع صديق بغرفه وحده لمدة اسبوعين ماتزيد عن 1500 دينار وانت مرتاح على الاخر وبفندق لايقل عن 4 نجوم وتاجر لك سياره راح تستمتع بشكل غير طبيعي

 

[bo7anon]

ولله خططت حق لندن خلاص

انشالله شهر 10 او 11 بالكثير

بقعد 12 يوم واتنقل مابين لندن ومانشستر

بس منو يقولي جم تكلف الروحه بدون تذكرة !

وين اسكن بفندق ولا شقه اسبوعيه ؟

 

[مزيون العرب]

الله يوفقكم ويفرحكم

ويردكم بسلامه

 

[ليث متواضع]

ماكو غير النمسا أنا مارحت لها لكن أعرف واحد خلاني أشوف مقاطع الفيديو صراحه أنجنيت

 

[أبو الجوري]

لندن شنو فيها غير شارع اكسفورد ؟؟

 

[الدينار]

بالنسبه لى واذا كان القرار لى سويسرا أو ألمانيا بلد يقدر السياح عكس الانجليز ومعاملتهم السيئة والمناظر الفاضحة فى لندن وباريس

سويسرا ابعد عن زيوريخ وجنيف وبازل مع أنى قعدت فيهم كم يوم
اذا كنت ممن يحب الطبيعه
أنترلاكن
لاوتو برونين
جريندل فالد
مونترو
أروسا
زيرمات
لايسن
وعندى الكثير الكثير
واذا كنت تحب السهر وسافرت ايطاليا فمدينة لوجانو أفضلك
ولا تنسى تزور لوزيرن قمة الجمال وتأخذك السفينه فى جوله بحريه فى بحيرتها
انا زرت سويسرا 3 مرات
كل مره أكتشف شئ جديد وعلى فكره الجنوب الالمانى والنمسا وسويسرا نفس الشئ الطبيعه واحده
اذا ألمانيا تنزل ميونيخ وخلال ساعه ونصف أنت فى جارمش تقعد فيها كم ليله ومن قارمش تطلع قرية فو شين أسميها قرية الضباب صدقنى خيال فى خيال وحالك يقول سبحان الخالق البارئ

 

[تويجر]

استغرب اللي يقول لندن شنو فيها

الحين لندن شنو فيها ....؟؟؟

اويلي على لندن وزين سويت انك بتروح لندن واذا انتوا مجموعه اسكن بشقه احسن وارخص وقسم سفرتك بين لندن ومانشستر واذا انت من اهل الكره الدوري راح يكون بقمته

سؤال للي يقول لندن شنو فيها
الدول اللي ذكرتوها شنو فيها على شان نعرف نقارن؟