خرير ماء بالطوفه بهذل البيت (بالصور) الله يجزاكم خير شالحل ؟

[بوناصر56]

السلام عليكم :-

عندي خرير ماي في طوفة السلم (المصيبه ان يمشي داخل الطوفه - بدأ الخرير من زاوية الطوفه في الاعلى ويمشي الى الاسفل بشكل عمودي - الحين زحف متر يسار الزاويه الي بدى منها و كل مره يزحف و يتلف الصبغ وياه )

يا جماعه شنو اسهل طريقه للكشف عن الخرير . واشلون اعرف مصدر الخرير ؟

للعلم خلف الطوفه بالاعلى تقريبا في حمام تكرم لكن الحمام غير مستغل و مع ذلك في خرير

فهل هذا الخرير في بايبات مكسوره كون الحمام غير مستغل ولا وين بالضبط ؟؟؟ واشلون اسهل طريقه اكشف عنه هل في اجهزه ولا طريقه معينه للكسر



هذي الصور

 

[هاربر2]

اخوي اكيد في بايب ماي قاعد يهرب اعتقد من الحمام الي فوق الله يعينك لازم تكسير الطوفه وكشف البايب الي داخل واصلاحه حتى لو مو مستعمل الحمام اكيد البايب داخله ماي حتى لو ما استعملته يضل في ماي داخل شوفلك واحد صحي يكشف لك الامر الله يعينك صلحه بسرعه قبل لا يبهدل البيت لك

 

[hbtko]

مره صارت معاي الحنفيه مالت الدش الطوق النيكل الي حولها شلته لقيتها تنقط من داخل وبدلتها شوفها قبل لا تكسر

 

[ostath]

شوف اذا فيه طريقه تمنع الماي من الوصول للحمام عند طريق سكر مثلا.
و بالنسبه للكشف عن الماي ...في شركه تكشف عن مصدر الماي بس راح تكلفك الشغله...ممكن تجيب معلم صحي يكشف على المكان و ينصحك شتسوي. ​

 

[بوناصر56]

مشكورين عالمرور

اخوي استاذ انا يبت معلم صحي المعلم قال من البايبات و لازم يكسر الطوفه و كذلك الحمام لم يلقى من وين التهريب بالضبط و هذا مكلف جدا جدا

شالحل معقوله ما فيه تطور ما فيه شركات عندها اجهزه للكشف ؟ بدال لا اهدم و اكسر في البيت و المصيبه يقول المعلم اذا كسر الطوفه ما لقى التهريب يكسر الحمام واذا ما لقى التهريب لازم يكسر من التلبيس من بره البيت و نركب سقاله

كلام يخرع

 

[الشرقاوي]

اخوي انا كنت اعاني من رائحه كريهه واثار خرير ماء على جدار احدى الغرف الملاصقه لبيت جارنا
وبعد معاناة استمرت اكثر من سنه من الروائح مع ان بيتي جديد اكتشفت ان هناك تسرب من بايب حمام جاري كان هو السبب والحمدلله تم اصلاحه وانتهت المشكله
الحل هو الكشف على تمديدات اي حمام ملاصق للغرفه باسرع وقت حتى لاتتفاقم المشكله

 

[الـسـيف]

عندك البانيو المصرف اذا شفت الكنكريت صافي داخل المصرف

حط سيليكون .. وشوف .. يمكن مع غسيل الحمام من الخدم هذا سبب الخرير

 

[فرحان جداً]

الصحي يبيله تبديل وان طعتني بدل الشبكه كلها

 

[ostath]

مشكورين عالمرور

اخوي استاذ انا يبت معلم صحي المعلم قال من البايبات و لازم يكسر الطوفه و كذلك الحمام لم يلقى من وين التهريب بالضبط و هذا مكلف جدا جدا

شالحل معقوله ما فيه تطور ما فيه شركات عندها اجهزه للكشف ؟ بدال لا اهدم و اكسر في البيت و المصيبه يقول المعلم اذا كسر الطوفه ما لقى التهريب يكسر الحمام واذا ما لقى التهريب لازم يكسر من التلبيس من بره البيت و نركب سقاله

كلام يخرع

قلتلك فيه شركه تفحص سبب الماي و من وين..لكن الشغله حسب علمي مكلفه...الحل انك تمنع الماي من الحمام او ما تخلي أحد يدش الحمام فتره و شوف النتيجه هل تقل الرطوبه...اذا ما قلت ممكن مثل ما قالك معلم الصحي...شيل طابوقه طابوقتين من الطوفه و شوف الخرير من وين ياي...اهم شي تعالج التسرب ..مو ترقع بالبيت او الصبغ...لا لازم تعالج التسرب​

 

[بوناصر56]

فرحان جدا :- ما فهمت عليك والله و مشكور عالمرور

اخوي السيف :- عزك الله الحمام قبل ايام كنه نستخدمه الخرير كان خفيف ... الحين لم وقفنا الاستخدام الخرير زاد و قام يتفخ الطوفه كالبالون .

اخوي الشرقاوي :- تقصد يمكن يكون في بايب مجاري ؟ بس اهو بدون رائحه كريهه الخرير


اخوي ostath الله يعطيك العافيه والله ما تقصر بس تقصد اقفل البايب الي يوصل الماي ليه الحمام من التحكم المركزي بالبايبات من فوق السطح و لا شنو بالضبط تقصد من هني امنع وصول الماي للحمام تكرم و ارقب 3 ايام ؟

وممكن عنوان الشركه و رقمهم الي يفحصون ؟ خصوصا ان الصحي يقول احتمال يكسر وايد ويبلش في طوفة السلم ابتداء من الزاويه العلويه واذا ما لقى الخرير يروح يكسر طوفة الحمام الي بظهر السلم و اذا ما لقى راح يكسر من بره البيت

 

[الـسـيف]

بوناصر الخرير واضح انه بسيط .. انت اولا حط اصبعك او شوف بعينك البانيو .. فتحت التصريف من داخل فيه سيليكون والا لا ...
نفس المشكله عندي ..واذا تقول قبل ايام .. الماي توه يوصل للطوفه ..وشوف الطوف الثانية بعد ايام بيوصل لها الماء ..

باختصار المشكله في البانيوا اذا لم تجد السيليكون داخل الشخال ..المصرف

 

[بوناصر56]

اخوي السيف الحمام غير مستخدم يعني البانيو محد يحط رجله فيه ولا يحط ماي خير شر باختصار بابه مقفول صارله سبوعين اتمنى انك تكون فاهم عليي و الله يعطيك العافيه والله ما تقصر و عساك طول عمرك ذخر لاخوانك و فزاع لهم بالمساعده

وقبل سبوعين كان مستخدم و كان في خرير بس ما كان تنتفخ الطوفه .... الحين من وقفنا الاستخدام بدى الخرير يزيد و الطوفه تنتفخ كالبالون

 

[خالد32]

حتى لوماتستخدمه يابوناصر يكون فيه بايب مكسور اوينقط انا ياخوي عانيت ماي نفس طريقتك ينزل على غرفة العجوز وعلى الصاله وجبت سباك ب180 دينار فكلي الحمام كله اللي فوق الغرفه بالضبط وحط حمايه عازل وركب سراميك جديد وبدل البايبات كلها مال جمعية الصباحيه ابوهيثم وانتهت المشكله..
وحصلتلي مره ثانيه بس تغرقت الطوفه من برا وجا وحشى فتحت البانيو سليكون وحط دار مداره سميت ابيض وانتهت المشكله يبيله واحد فاهم ابوهيثم 99311216 او شوف بالوسيط الشركات اللي يفحصون بجهاز وين الكسر بالضبط ب مكلفين ترى

 

[خالد32]

شفت حمامك اللي تقول خربان المشكله فيه 100% جيب واحد يقلب عاليه واطيه يبدل كل شئ فيه بدون تكسير خل يحط البايبات خارجيه ويخلي المكسور بالطوفه بلعنه بس يلغيه ولن يكلفك 30 دينار

 

[ostath]

انا قصدي مثل ما تفضلت. فوق السطح سكر على البايب اللي واصل لهالحمام و انطر كم يوم يعني اسبوع تقريبا و شوف النتيجه اذا خفت الرطوبه فالمشكله بالبايبات. ​

 

[Packard Bell]

أعتقد أن الخرير اللي عندك سببه خط الماء الحار القادم من السخان المركزي وهذا يعود لعدة أسباب:

1. عدم استخدام الماء القادم من السخان المركزي لفترة طويلة وعدم عزلة عن الشبكة الخاصة بالحمام "قد" يتسبب في أحوال كثيرة في شحن الخط بسبب ضغط الماء المتراكم ومن ثم تتعرض أضعف نقطة في نفس الخط ( الأكواع) للتسريب في حال طالت مدة الضعط، خصوصا إذا كان الخط يفتقد لصمام أمان و كان الحمام موقعه في الأدوار العلوية.

2. إذا كانت هناك ترسبات ملحية على الحائط من الداخل، فهذا الشئ يؤكد أن التسريب سببه خط الماء الساخن، وذلك بسبب أن الضغط الاسموزي للماء الساخن يمكن الأملاح من النفاذ من الطبقة الخرسانية العازلة، أما في حال الماء العادي فأنه عادة لا تكون هذه الأملاح ظاهرة بالجانب الآخر من الحائط.

نصيحة لك بأن تقوم بعزل خط الماء الساخن القادم من السخان المركزي، وبعد أن تقوم بعزله.. يجب عليك أن تقوم بتفريغه من أدنى نقطة موجودة في الحمام المعزول و متابعة مكان التسريب بعد أيام.

ملاحظة: التسريب اللي شاهدته ما هو بالفعل إلا تنقيط من نقطة Joint ضعيفة.. لأن لو كان التسريب قوي كان البيت كله تأثر​

 

[Maxima]

اخوي مثل ماقال احد الاخوان
خل بايبات الحمام خارجية بدون تكسير البايبات الداخليه
سو للقديمه الغاء بس من المصدر الرئيسي

 

[كاظمة1]

اقطع الماى عن الحمام وشوف فى تغير حدود اسبوع

 

[الخناجر]

ماتدري ليش هذا من دعاوي اناس باخس حلال المسلمين او مستغرب لاش الخرير راح تشوف ابشر ابشر

 

[ابو خالد74]

يمكن من السيفون