بيت حكومه العدان للبيع

[kuwaitassets]

للبيع بيت حكومه في العدان موقع مميز بطن و ظهر و سكه جانبية مدخل و مخرج سهل شارع رئيسي موسع حد البيع 225 الف دينار
مؤسسه أصول الكويت العقارية
نقال 67792430
هاتف 22641881

 

[عبدالله السادس]

السعر خيالى موسعر بيت يمكن تقصد قسيمه ؟​

​

 

[مزادي محترف]

والله حرام عليكم يامكاتب العقار طيرتو العقار فوق شنو بيت حكومه 225اخذقسيمه ابرك

 

[مقام العز]

ب٣٠٠الف يبيع شنو ٢٢٠

 

[BO-MUBARAK]

الله اكبر عليكم بيت حكومه 225 الف البيت مكلف الحكومه 45 الف صار 225 الف لا حول ولا قوة الا بالله حسبي الله ونعم الوكيل

 

[SotckEng]

ياباشا ماتبي نص مليون ؟؟؟ تكفى اخذ نص مليون

والله مشكلتنا من البلطجيه اللي كانوا ينظفون المعيز والحين صاروا يبيعون في العقار ؟؟؟

كفر المعيز

 

[aljoker]

يمكن البيت فيه ذهب او الماس

 

[lightmoon]

يا جماعه اشفيكم شبيتو على الرجال ترى فاهمينه غلط الرجال يبى بالدينار العراقى يالله كل واحد يعتذرله رجاء ههههههههههههههههههههههههه

 

[الدينار]

بيت حكومه 225 الف سعر فى الخيال مستحيل ينباع بالسعر هذا حتى الراس 3 شوارع وبجانب الخدمات ماوصل اقل من هالسعر

 

[kuwaitassets]

الى الاخوان اللذين ردوا على العرض ارجو العلم اننا لا نملك هذا البيت و هذا السعر حد من قبل مالكه و حنا وا اتدخلنا بالسعر و نصحنا ان السعر عالي لكنه يقول ان البيت بطن و ظهر و سكه و على شارع ريسي ويقول بعد ان البيوت الداخلية اسعارها 190 الف بالنسبه حق المعز و المعيز هاي اشرف مهنه لاشرف مخلوق و هو النبي محمد صلى الله عليه و سلم ولا يجوز الاستهزاء بالناس خصوصا حنا بشهر رمضان الكريم و مبارك عليكم الشهر

 

[بــوعبدالله]

ياخوي مع احترامي لك انت انقص عليك من راعي البيت
من اللي قالك البيت الداخلي ب 190 ألف ؟
انت شريطي وماتعرف الأسعار بذمتك ؟
البيت الداخلي قاعد ينباع على 160 الى 170 ألف ويكون اما زاوية أو بطن وظهر

للأمانة شي مبالغ فيه جدا وكان المفروض ماتقبل عرضه بهذا السعر عشان مكتبك مايفقد مصداقيته جدام العالم

 

[شوبنق تايم]

حبيبي الداخلي اذا طار طار 170

انت مكتب عقار وتعرف لا تقص علينا وتسوي مسكين وعلى نياتك !

لكن ما نقول الا حسبنا الله عليكم يا مكاتب العقار ويامحتكرين العقار اذيتونا وتبون تاكلونا

ولا بيت حكومه ربع مليون إلا 5 ألاف !!!!

 

[فرحان جداً]

يا راعي الموضوع شنو 225 لا غلطان خلها 250 والا 300 لان بالحالتين ماكو شراي فليش حاط 225...حط 250 300...شر البلية ما يضحك...ادفع اجار ابرك من اشتري بيت حكومه او حتى قسيمه بهالاسعار

 

[فرحان جداً]

مكاتب هندسيه بديت اشمئز منهم ومستحيل ادق عليهم حتى استفسر

1-الدروازه
2-أصول الكويت العقاريه

والله انا لو مكانهم استحي اكتب هالاسعار ..يعني الدروازه يقولك سعر مناسب والا سعر فرصه ولما تدق لاهو فرصه ولا قاله الله والظاهر فرصه لهم وما شاف المناسب.....والاخ أصول الكويت يعني مكتبهم يشتغل بكل شفافيه وصراحه....والظاهر متحلم وقعد من النوم وحط هالسعر

 

[SotckEng]

صدقت اخوي فرحان مكتب دروازة الصفاة صار مليق وسمج جدا جدا ؟؟؟

شوف اعلاناتهم في موقع الدليل العقاري ؟؟؟ صارلهم خمس سنوات يعرضون نفس العرض والاسعار الخياليه ؟؟؟

يعني استحوا شوي على الاقل ؟؟؟ ياخي وقفوا اعلاناتكم اسبوع خلو عيوننا ترتاح من ابو ادهم وابو مدحت واه وهو وهم ايوه هو ده ؟؟؟

 

[الدينار]

الى الاخوان اللذين ردوا على العرض ارجو العلم اننا لا نملك هذا البيت و هذا السعر حد من قبل مالكه و حنا وا اتدخلنا بالسعر و نصحنا ان السعر عالي لكنه يقول ان البيت بطن و ظهر و سكه و على شارع ريسي ويقول بعد ان البيوت الداخلية اسعارها 190 الف بالنسبه حق المعز و المعيز هاي اشرف مهنه لاشرف مخلوق و هو النبي محمد صلى الله عليه و سلم ولا يجوز الاستهزاء بالناس خصوصا حنا بشهر رمضان الكريم و مبارك عليكم الشهر

أخوى تسمحلى ولا تزعل
أولا البيت حكومه الشارع 150 الف هذا اذا كان نظيف
ثانيا البطن والظهر أو الزاوية من 160 الى 170 الف بعموم القرين
والراس 3 شوارع ونظيف وشفت لى واحد عارضه للبيع بالقصور 180 الف
وأنا أقولك خله يوصل الراس 3 شوارع 185 الف لكن مو بسعر الخيالى اللى عارضه 225 الف
تسمحلى صاحبك مو بياع هذا اللى اقدر اقولك

 

[شوبنق تايم]

ادعوا لطرد مندوبين مكاتب العقار من المنتديات لان المنتديات ما وضعت لوضع عروضهم

الي يبيهم ويبي عروضهم يروحلهم في مكاتبهم

والي يبي يحط عرض ما يحطه باسم مكتب عقار واذا ثبت انه تبع مكتب عقار توقف عضويته

واقتراح للاداره الكريمه ان مكاتب العقار تخصص لهم مساحات اعلانيه في الصفحات وتكون بفلوس مو ابلاش وعشان تستفيد ادارة المنتدى شوي منهم

 

[barbarian]

يا الحبيب السعر خيالي ومن الاخر مالك البيت مو بياع وانت يا صاحب المكتب المفروض ما تعرض بيت حكومه بـ 225 الف وانت تدري ان محد راح يشتريه هذا الشي مو زين للمكتب وراح يفقد مصداقيته مع الوقت

البيت حده اذا نظيف 190 الف

 

[kuwaitassets]

العرض لاغي

للرفع يرجى اعتبار العرض لم يكن ولاغي
علما اني حاولت امسحه من المنتدى لكن ما في خيار الغاء للمشاركات و عليه يعتبر العرض لاغي