اليوم مريت المسيله

[كابتن كويتي]

السلام عليكم ... مساكم الله بالخير ياأخوان
انا قررت اشتري ارض بالمسيله قالولي سعرها مناسب يعني بالعربي قدر فلوسي فطلعت مع الحجيه ( المدام) لازم ديموقراطيه المهم وصلنا المسيله طبعا انا ماعندي خلفيه بالاسعار ولا اي قطعه احسن بس لاحظت بان القطعه 4 و3 وفي قطعه مقابل شارع الغوص يعني هالقطع اللي مبلشين بنيان بس الغريب والباجي خالي ياليت اعرف السبب وثاني شي انا قريت يعني معلومات بسيطه وغير مؤكده ان ناس يقولون الاسعار راح تنزل لاسباب كلها وهميه بالكويت ماكو شي ينزل وناس قالوا لا بتصعد الايام الجايه
ياليت ياخوان تنوروني قبل لااشتري واي قطعه احسن

 

[كابتن كويتي]

اولا اشكر كل من مر وقراء الموضوع ولا احد شارك
ثانيا انا اشره على هل الموقع المفروض اول من يجاوب علي ويفيدني
ثالثا معقوله مافي احد في هالموقع احد عنده خبره يفيدني
رابعا كنت اتوقع باني ساحصل على الاجابه مثل الصاروخ لان هالموقع
حسب مشاهداتي للمواضيع انه مهتم بمواضيع العقار بالكويت
خامسا واخيرا ارجوكم يا اصحاب الموقع لاتهملوا مشاركات الزوار ممهما كانت تافهه
وعليكم السلام ومع السلامه واشكر لكم حسن الضيافه

 

[Kaubar]

لو حاط كابتنه كويتيه ههه ماراح تلحق عالردود

لكن الديره بخير

المسيله حلوه وغاليه واسعاره جدا مومناسبه

والحذر يقولون كهرباء مافي حتى سنه 2014 - 2015

 

[FLOOD]

السلام عليكم على هونك اخوى



ق 1 و 2 بالمسيله تكون قريبه من صباح السالم الاستثماريه قطع ممتازه بس مملوكه من التجار (اعتقد) لان مافى بيع عليها وايد


البناء الى حاصل بقطعه 3و4و5 وهى قطع جيده ايضا

اما بالنسبه للسعر الاسعار متفاوته بس اعتقد 375 شارع واحد ممكن تبدى من 158 حاليا و 400 متر ممكن تبدى من 165

المنطقه زينه بس مشكلتها مافيها كهرباء للحين من توصل راح تكتمل