الشركة الاهلية القابضة ( أهلية )

[diet]

شكلكم نسيتو الآجل

 

[SUPER1]

محقق ارباح فوق 5 مليون المفروض سعرة فوق 100 فلس واتوقع يعلق السهم عن قريب والله اعلم ومبروووووك للمساهمين

 

[SUPER1]

وبراي الشخصي اذا السوق صار اخضر ماراح نشوف الاسعار الحالية وبالتوفيق

 

[BOAHMAD]

حسب تحليلي الشخصي والله اعلم
من الصعب جدا ايجاد محفظه قويّه او صانع سوق قوي يدخل على السهم ويرفعه للاسعار اللّي تقولون عنها
الكميات المتداوله كلها لصغار المستثمرين ، وان دخلت محفظه او مضارب يطلع بفلسين ثلاثه مو اكثر

نتمنى دخول كاش طيب على الشركة عشان يرفعون السهم

 

[أبو فلسين]

تداول 48 مليون سهم واجد ليش هالكميه اللى انباعت معقوله بيكون لصغار المستثمرين لا يكون قاعدين يصرفون بس 48 مليون وين القناعه بالربحيه وين القناعه بسداد الدين
كان المفروض تداولها على هالسعار مايتجاوز 240 الف ويكون السهم معلق بعشر ملاين سهم مطلوبه لشراء
فى شي بالخفاء والله يستر

 

[مليون دينار]

تداول 48 مليون سهم واجد ليش هالكميه اللى انباعت معقوله بيكون لصغار المستثمرين لا يكون قاعدين يصرفون بس 48 مليون وين القناعه بالربحيه وين القناعه بسداد الدين
كان المفروض تداولها على هالسعار مايتجاوز 240 الف ويكون السهم معلق بعشر ملاين سهم مطلوبه لشراء
فى شي بالخفاء والله يستر

اغلاق سابق كان 11 ونص فلس

اقفال اليوم 16 فلس

السهم أعطي 9 وحدات صعود

 

[ابوفهد55]

شباب الي صار اليوم

تجميع او تصريف

 

[BOAHMAD]

مثل ماتفضّل الاخ بوفلسين المفروض لوكانوا يبون السهم وحريصين عليه
ومقتنعين بارباحه كان ماانباعت هالكميّه الكبيره
كان شفته معلق من اول السوق ومطلوب بكميات كبيره والتصريف يصير عالاقل على ٢٠ فلس وفوق
يكونون حققوا عالاقل ٢٥٪
لكن اللي حاصل والله اعلم الشركه ماعندهم كاش للدخول والمحافظ صادين عن الاهليه لعدم ثقتهم فيها
وشعاع كابيتل ايضا تفتقر للكاش الفائضً وماعندها استعداد للدخول عالسهم حاليا
اللّي قاعد يشتري صغار المستثمرين وبعض المضاربين
اللي شاري ١٠٠ الف بسعر فوق ويبي يوصّل سعره للعشرينات مضطر يضحي ويشتري كذا مليون بسعر ١٤ فلس
فما بالك اللي يملك مليون بسعر ال ١٠٠ فلس او اكثر او اقل ،،،، شكثر لازم يشتري عشان يقدر يطلع من السهم باسعار العشرينات ؟؟؟
هذا تحليلي الشخصي لاني احد هؤلاء الاشخاص اللّي مضطر يشتري كذا مليون

 

[BOAHMAD]

تنبيه !!!
اذا شفتوني قاعد امدح واطبّل للسهم ترى ناوي اصرّف عليكم
موتقولون ماقال ؟؟؟؟؟؟؟

 

[اياباخ]

ينخاذ السهم بكره ب16 ولا اقل يا اخوان اخوك عليمي تداول

 

[سفير الود]

والله حرام سهم ربحان اكثر من ٥ملاين وهذا سعره ان شاء الله باجر يكمل رحلة الصعود

 

[مليون دينار]

والله حرام سهم ربحان اكثر من ٥ملاين وهذا سعره ان شاء الله باجر يكمل رحلة الصعود

اي ارباح الشركة الى الان تعتبر متعثرة والمطلوبات كبيرة على الشركة وبنك التجاري رفض جدولة الديون

وثانيا شوف جم خسارة الشركة لمدة ثلاث سنوات وراح تعرف ان اصول الشركة تأكلت

الأهلية القابضة تسجل خسائر صافية قدرها 47.9 مليون دينار بنهاية عام 2008

ارتفاع خسائر الأهلية القابضة إلى 52.6 مليون د.ك (- 10 %) بنهاية عام 2009

خسائر "الأهلية القابضة" إلى 21.86 مليون د.ك بنهاية عام 2010

120 مليون دينار خسائر الشركة لمدة 3 سنوات

والقيمة الدفترية 42 فلس

 

[هده خله يتحدي]

اخواني ارجووو الحذررر السهم للمضاربة السريعه فقط وليس للاستثمار

 

[الصابري]

السلام عليكم شنو سالفة التصريف اليوم معقوله سهم رابح يبنباع علي الاسعار هذي نبي منك تحليل اليوم 

 

[SUPER1]

براي السهم اذا سعرة اقل من 20 فلس ينشري محقق ارباح وسعرة رخيص

 

[السهم المجروح]

مبروووكييين وعقبال غلف
بس شنو سبب هالبيع القوي وهل تتوقعون ارتفاع السهم وهذا اللي قاعد يصير تجميع ولاتصريف؟؟

 

[diet]

براي السهم اذا سعرة اقل من 20 فلس ينشري محقق ارباح وسعرة رخيص

بسك تطبيل

 

[السهم المجروح]

نبي تحليل حق هالسهم

لان الظاهر بينزلونه تحت 10

 

[شبكو]

اي والله نبي تحليل يا اخوان

 

[BOAHMAD]

موكل شركة يضبط معاها التحليل
الاهليّه حتى شارتها نصّاب ماينصاد