تثمين منطقة الجليب

[BLACK-END]

خبر الوطن اليوم عن تثمين الجليب وتحويلها الى مثلث ذهبي على قولتهم,

السؤال اذا فعلا تثمنت الجليب ، هل سيكون لها تأثير على اسعار المناطق المحيطة ، مثل اشبيلية,,,,, وما هو مدى التأثير؟

وشكرا مقدما

 

[أم محمدالشمري]

بسنا مشاريع

سمعت بهالخبر و الله
لي معارف و أهل هناك منهم ملاك بيوت ... يا ترى عندهم خبر؟ الديرة كله مشاريع فوق مشاريع بسنا خلاص و خلوا الناس تعيش بسلام ... عندكم فيلكا عمروها و حطوا حيلكم فيها ... مو كافي صار المواطن يعيش بشقق حاله حال المقيم و السبب كثرة الوافدين فيها و مزاحمتنا بعد و المشكلة إن بعض الأخوان حتى من تييله تبي أجار يقول لك آسف بس للأجانب و المقيمين!!!! أفا .. أفا و الله.

ليت حكومتنا تراعي المواطنين و تخلي توزيع البيوت يصير عشوائي مثل بعض الدول العربية يعني أي بيت يرجع للحكومة يجددونه و يسوون قرعة و يتصلون عالمالك الجديد و ضروري يمنعون تحويل بعض البيوت للجان خيرية و حضانات و خلافه مو يمنعون البقالات اللي أحيانا صج ودك لو في واحد قريب منك أحسن من إنك تلف و تتعب بالمصافط و كل اللي تبيه بطل ماي و طحين و ككاو لليهال.

و ردا على ملاحظتك أخوي تأكد إن مو بس أشبيلية راح ترتفع أسعار أجاراتها بل كافة المناطق المجاورة يعني اللي تقدر تشم ريحة هالمشروع و هو ما زال حبر عالورق بعده ما جف و من ألحين تابع معاي ارتفاع الأجارات تدري عشان يتابعون بداية التخطيط لين آخر التشطيبات و التطورات بعد. الناس تتلهف عالفلوس تلهف مو طبيعي سواءا عنده أو ما عنده. أشبيلية كانت 300/350 و اليوم 400/450 و مو بس إهي ... جوف العمرية كانت أجاراتها حلوة بس من صار الأفنيوز غزونا العاملين فيه من شتى الجنسيات و صار طق عصي على مساكنها و وصلت أجاراتها لل 500 دينار بالشهر. الله يستر ... مادري شلون بيعيش المواطن العادي ... عنده هالمعاش من ينزل يقسمه سبعة آلاف قسم و خانة التوفير ... صفر فلس!

 

[أم محمدالشمري]

تفضل
هادي أولها

(للايجار دور ـ غرب الجليب 3غرف ـ غ خادمة ـ صالة ـ بلكونة ـ حوش دور ثاني مصعد موقف سيارتين لزوج و زوجته و طفلين 500 د. ك يمنع الوسطاء )

هالإعلان من يومين ها؟ 500 للدور .. الله يرحم أيام 270 كنا نجوفها صعبة بس يابوا روسنا و رضينا بس هالمرة 500 عالدور في منطقة عادية يا ترى منو راح يجيب راس منو؟

 

[كنز المعرفه]

هناك متنفذين ونواب صارلهم فترة يشترون قسائم غير مخالفه و الآن الحكومة تبي تصالحهم عن طريق التثمين !

يقولك من ضمن مشروع المثلث الذهبي
بناء ملاعب غولف وصالات ترفيهية و أبراج !!!!

أبراج جنب المطار


وبعد ما يخلصون من الجليب الدور على الفروانية والسالمية والأحمدي وبعدها تخلص الـ 37 مليار مالت التنميه ::verymad::


حرام عليهم تبعثرون الأموال العامة وين النواب الشرفاء
تبون تعدلون اوضاع المنطقة وعطوهم شهادات أوصاف وبعدها حولوها استثماري
وهذا وجهي لو تاجر واحد استثمر في المنطقة​

 

[محيسن اللقلق]

هناك متنفذين ونواب صارلهم فترة يشترون قسائم غير مخالفه و الآن الحكومة تبي تصالحهم عن طريق التثمين !

يقولك من ضمن مشروع المثلث الذهبي
بناء ملاعب غولف وصالات ترفيهية و أبراج !!!!

أبراج جنب المطار :d


وبعد ما يخلصون من الجليب الدور على الفروانية والسالمية والأحمدي وبعدها تخلص الـ 37 مليار مالت التنميه ::verymad::


حرام عليهم تبعثرون الأموال العامة وين النواب الشرفاء
تبون تعدلون اوضاع المنطقة وعطوهم شهادات أوصاف وبعدها حولوها استثماري
وهذا وجهي لو تاجر واحد استثمر في المنطقة​

بداية نبارك لاهلنا اهل الجليب بالتثمين وان كان لحد الان مابينت مايته ولا تسعيرة المتر ولا شنو الآلية بالضبط اللي راح يتم فيها التثمين ...
وعلى قولة اختي ام محمد الله يعين البعض على اسعار الايجارات وصج لي قالوا مصائب قوم عند قوم فوائد ...
بعقب على جزئية التثمين لباقي المناطق وخصوصاً السالمية كوني من اهلها اقولك اخوي كنز لو تفحط ماراح تتثمن بوقتها الحالي بسبب عدم امتلاك هوامير التثمين ومن يقتات على التثمين لبيوت السالمية او على الاقل لربع البيوت كما هو حاصل بالجليب ... حاولوا وداروا ودزوا مليون وسيط ومندوب لشراء بلوكات وبعض البيوت وماحصلوا الا الرملة اللي تصك وجيهم
شياب الفريج صاحين لهم ومنهم من توفى رحمة الله عليه ومنهم من هده الكبر ، والطامة الكبرى انهم يبون يشترون بسعر التراب ، يعني فوق شينهم قوات عينهم ...
اصبح هناك يئس شبه تام من الاهالي ، ومنهم من بدأ يرمم بيته ومنهم من ناطر فرج الله ...

تحياتي لكم ...​