بيعه بهديه امس عجيبه!

[مقام العز]

اما الناس مجنونه او العقار السكني اسعاره في القاع وحنا ماندري؟ معروض بيت من فتره في هدية السوم 380الف دينار,حضر زبون راغب البيت عند المكتب وطلب مقابلة صاحب القسيمة نسق صاحب المكتب موعد الاثنين في ساعه معينه تقابل الطرفين قال الشاري لراعي البيت حد البيت قال ماني حاده قال سوم قال الشاري سومتي وحده اما تبيع او راح اتراجع عن السعر.. تتوقعون كم فرق الشاري السومه؟ ب30الف دينار طقه وحده!! اسأل الشاري ليش سويت جذي يقول بطيره لاحول ولاقوة الابالله

 

[كنز المعرفه]

هذا دليل على إن السوق غير صحي وفيه تلاعب
لازم يكون هناك دور للمقاصة العقارية ما أدري ليش جامده ومو راضيه تتحرك​

 

[أبو عبد الرحمن]

اما الناس مجنونه او العقار السكني اسعاره في القاع وحنا ماندري؟ معروض بيت من فتره في هدية السوم 380الف دينار,حضر زبون راغب البيت عند المكتب وطلب مقابلة صاحب القسيمة نسق صاحب المكتب موعد الاثنين في ساعه معينه تقابل الطرفين قال الشاري لراعي البيت حد البيت قال ماني حاده قال سوم قال الشاري سومتي وحده اما تبيع او راح اتراجع عن السعر.. تتوقعون كم فرق الشاري السومه؟ ب30الف دينار طقه وحده!! اسأل الشاري ليش سويت جذي يقول بطيره لاحول ولاقوة الابالله

إذا ما باعله بهالقيمة فالصحيح إنها ما تعتبر سومه ويرجع سعره إلى سومته الاخيرة إذا كان صاحبها لازال عند سومته وهي 380 ألف لأنه حدد يا تبيعني بهالقيمة أو أسحب سومتي وأتراجع عن الشرية يعني سعر بيع مو سوم وإذا المكتب العقاري حسبها سومه وبنا عليها بحيث لو أتاه زبون آخر وقاله السوم 410 فصاحب المكتب غير أمين ويعتبر غاش .

 

[أبو عبد الرحمن]

هذا دليل على إن السوق غير صحي وفيه تلاعب
لازم يكون هناك دور للمقاصة العقارية ما أدري ليش جامده ومو راضيه تتحرك​

السوق صار له فتره غير صحي والكل طمعان بالثاني إلا ما رحم ربي الشاري طمعان في البايع والبايع طمعان بالشاري وهذا يبي أقل سعر وهذا يبي أعلى سعر ، والمسكين إلي ضاع بينهم هو إلي فلوسه على قده ويبيله بيت يضفه هو وعياله .*

 

[فرحان جداً]

شاري عماره والا ببيت هذا؟

 

[مقام العز]

تمت البيعه 410000 صافي للبائع الله يبارك للجميع.

 

[صقرالبحر]

ممكن نعرف اي بيت عشان نعرف قيمته صح ولا لا او كم مساحته وموقعه ... بيت وبس ؟؟

 

[عاسف الأصايل]

بيت في الفنطاس الزراعيه شراها شاعر هاجري معروووف مساحته 850 ب 420 الف دينار

 

[ياسر الروقي]

بيت في الفنطاس الزراعيه شراها شاعر هاجري معروووف مساحته 850 ب 420 الف دينار

تقصد سعد علوش يوم شرى بيت بن حثلين
خووش فيلا والله يبارك له

 

[فرحان جداً]

استغرب انا هالناس من وينلها هالفلوس...الله يرزقهم ويرزقنا بمثل ما رقزهم

 

[zidantheking]

ما يشتري بيتي بلمليون و اروح الضاحية ؟؟

 

[nmb2000]

لا تهقون واحد تعبان بالفلوس ويفسفسها علي بيت ، لو يتم منع التأجير في المناطق السكنية كان شفنا الاسعار الطيبة ، لأنك اليوم لما تسأل عن سعر بيت يقولك فيه دخل كذا ؟ يعني صار استثماري مو سكني ؟ والشي الثاني للحد من التأجير هو تحديد اسعار استهلاك الكهرباء يموجب شرائح وحسب حجم اسرة مالك البيت ؟

 

[I T C]

استغرب انا هالناس من وينلها هالفلوس...الله يرزقهم ويرزقنا بمثل ما رقزهم

والله ياخوي نفس السؤال اسأل نفسي كل يوم؟؟؟؟؟؟

 

[مقام العز]

لا تهقون واحد تعبان بالفلوس ويفسفسها علي بيت ، لو يتم منع التأجير في المناطق السكنية كان شفنا الاسعار الطيبة ، لأنك اليوم لما تسأل عن سعر بيت يقولك فيه دخل كذا ؟ يعني صار استثماري مو سكني ؟ والشي الثاني للحد من التأجير هو تحديد اسعار استهلاك الكهرباء يموجب شرائح وحسب حجم اسرة مالك البيت ؟

في هذه أصبت كبد الحقيقة ... يا nmb2000 وين اللي قام وقعد لتطبيق القانون في هذا البلد وازال الدوايين والحدائق بحجة طبق القانون ليش مايطبق القانون هذا سكني ولا استثماري؟ المشرع نظم العقار وصنفه الي تجاري واستثماري وسكني. نطالب بتطبيق القانون

 

[JustSmile]

السلام عليكم،

مع احترامي للجميع صاحب البيت و السوام كلاهما
يحتاج الي من يحجر عليهم

اسوم بيت بـ 410 الف دينار لماذا!!

اشتري ارض و ابني افضل منه بدل البيت بيتين

اللهم لا تأخذنا بما فعل السفهاء منا

 

[مقام العز]

السلام عليكم،

مع احترامي للجميع صاحب البيت و السوام كلاهما
يحتاج الي من يحجر عليهم

اسوم بيت بـ 410 الف دينار لماذا!!

اشتري ارض و ابني افضل منه بدل البيت بيتين

اللهم لا تأخذنا بما فعل السفهاء منا

قلناله ياخوي اشتر بالعقيله او اي منطقة اخرى قال لا ابي هديه وشرط يكون علي الشارع وعند ربعي وخواني. وزيدكم من الشعر بيت قديم ::verymad::