للبيع فيلا في هدية

[kuwaitassets]

فيلا دورين و نص و سرداب موقع شارع واحد قريب من الخدمات ارتداد كبير مقابلها لوقوعها على شارع كيرف منطقة هدية .سوم 250 الف تشطيب سوبر ديلوكس بناء 97
أصول الكويت العقارية 67792430 مكتب 22641881

 

[فرحان جداً]

محد قالك انها غاليه؟

 

[kuwaitassets]

شكرا على تواصلك معنا اخي فرحان جدا ......

و الله يا اخوي فرحان هو انا اشكيلك ولا مدري شنو أقولك لكن خلها على الله و الله نعم الوكيل , حنا فتحنا المكتب العقاري حقنا و قلنا الله يوفقنا - الله الموفق - لكن يا خوي كل اللي يعرضون بيوتهم عندنا يطلبون اسعار عالية و نقولهم ما يمشي ما يصير لكنهم مصرين على اللي يبونه - شتنصحنا نسوي نحطلهم اسعار من عندنا - علما انه دوم ننصح بان السعر عالي .
وشكرا على تواصلكم معنا

 

[مواطن 11]

انا مالي رغبة في الشراء لكن حبيت اعطي رأيي في كلام الاخوين

السعر حسب الايام هاذي واللي نسمعه جدا معقول على اراضي هديه (( القديمه ))

اما الجديده وهي اللي تبع الاسكان (( قطعه 5 )) فهي اقل مساحه

يا ليت الاخ يوضح اي قطعه وكم المساحه حتى الناس تفهم المعروض عدل

 

[صقرالبحر]

اللي اعرفه ان اراضي هديه اللي باعوهم وزارة الماليه
بالمزاد قبل شهر وصلو ١٨٥ الف ومعروضين ب ٢٠٠ الف حاليا
هذا سعر الارض بس

 

[بــوعبدالله]

^^
معلومتك غلط بغلط اخي الكريم
1- أراضي مزاد هدية قيمتها كانت 172 ألف
2- مساحتها 750 متر
3- غير مرغوب فيها والدليل هو دخول 4 أشخاص فقط لاغير للمزاد .. وفقط تم بيع أرضين

 

[kuwaitassets]

شكرا للجميع على ردودهم

اذا كان الحد الادنى لسعر الارض مساحة 400 م هو 172 الف دينار وبعد خصم سعر الارض من السعر المعروض لفيلا هديه المبين اعلاه يكون سعر المبنى 78000 دك فقط لفيلا دورين و نص و سرداب تكييف سنترال موقع امامه مواقف اعتقد ان السعر مناسب للاسخاص المناسبين اللذين لديهم امكانيات لانه لو واحد شرى الارض بروح و بنى على حسابه بيت نفس المواصفات رح يكلف اكثر من 250 الف هذا غير الوقت و الجهد

 

[بــوعبدالله]

^^
ياخوي مساحة الأراضي اللي بالمزاد 750 مو 400
وقيمتها 172 ألف
مادري على اي أساس خليت أرض ال 400 متر قيمتها 172 ألف !!
المفروض نص السعر تقريبا لأن مساحتها نص ال 750