"" سوالف بوالعيس <<< حركات ---

[إبن الوليد]

اوووووو يابوالعيـس طحت على الماضـي وهو غرامي

اشكرك بوالعيس ​

 

[إبن الوليد]

المهم نرجع لمحور حديثنا

الفنان عباس البدري من الفنانين القدامه إللي لهم بصمه بالفن لكويتي

له أغنيه حلوه وكلماتها كويتيه بسيطه لكن معناها كبير ومعبر

وإلي اليوم الناس تسمعها وتطرب لها .. هذي كلماتها

v

تسأليني


تسأليني من متى قلبي
يحبج ما ألومج لي سألتي

تسأليني من متى قلبي
يودج ماألومج لي جهلتي


من سنين كاتم الاشواق عنج من سنين مكتوي بنيران حبج


ياما رددت آنا اسمج وإنتي اسمي تجهلينه
ياما باحلامي صحبتج من مدينه لي مدينه


من سنين كاتم الاشواق عنج من سنين مكتوي بنيران حبج


أنا مو من حقي
أزعل لو هوا بالج طواني

انسى عمري عندي اسهل
من فؤادج لو نساني

من سنين كاتم الاشواق عنج
من سنين مكتوي بنيران حبج

جان توني الحين أعلمج

اعذريني​

............ اغنيتك بوالعيس .............


[YOUTUBE]ksvy_tF8Cnw[/YOUTUBE]​

 

[العاشق]

كثرااانين عسى الله لاااايكثرهم

 

[الذيبة]

بــًـو الـٌعــيــِسُ بـيــٍكُـ


هذه المفاجأة غلبت جميع التوقعات

أمتعني موضوعك بحق ، وبَهَرني فكدت أحلّق بعيداً في فضائه..

فلك مني أرقُّ معاني الدفء والمودة


تـقـبًــل خِــالــــُص مـــوُدتــٌـي


الًــذيييٌــبــِه

.​

​

 

[بوالعيس بيك]

العاشق .. فضل

داشه عرض .. الذيبه

حشر .. بوشيشه


أسعدني مروركم بموضوعي

كلامكم رفع المعنويات وشجعني علي الاستمرار بالسوالف

أشكركم ​

 

[داشه عرض!!]

اقرق ونحن من خلفك عاش بو العيس القرقه

 

[زهره]

ديربالكم

بوالعيس انفجر

ونطق​

 

[بوالعيس بيك]

اقرق ونحن من خلفك عاش بو العيس القرقه

انتي بس تابعيني وآنا بقرق علي مخج ​

ديربالكم

بوالعيس انفجر

ونطق​

إيي صح مابقيت أنطق ​

 

[بوالعيس بيك]

بهالسنين صارت الأمراض الله يكافينا الشر وياكم , صارت الأمراض مثل موديلات السيارات
كل سنتين ثلاث يطلع مرض جديد ماكنا نعرفه , أول شي حذرونا الأطباء من أمراض القلب
وبعدين أمراض العصر علي قولتهم السكر والضغط وعقبها فلونزا العصافير والكتاكيت لين وصلنا فلونزا الخنازير
إحنا من وين لنا خنازير ؟! بصراحه صارت السالفه واضحه باين إنه شركات الأدويه قامت تسوي أفلام هنديه وتكلك علينا بس عشان تسوق أدويتها

عموما ندخل بالموضوع المهم
قبل فتره من كثر ماقمت أسمع بكل مكان عن فلان فيه هشاشة عظام وفلان فيه كولسترول ودهون وغيره وغيره قمت أوسوس ورحت للطبيب
أبي أسوي فحوصات وأتطمن ولله الحمد عقب الفحوصات نصحني الدختر
بتغيير نظامي الغذائي وممارسة رياضه المشي

وبالفعل غيرت أكلي ومارست الرياضه لفتره , ترا ياشباب رياضة المشي
فوائدها كثيره وضروري تمارسونها , تعالج أمراض القلب والشرايين والسكر وتحرق الدهون وتنشط الدوره الدمويه وتقوي عضلات الجسم

وأحذركم من التتن ترا التدخين خطر خطر علي الصحه سواء زقاره أو شيشه
ابعدوا عنها وتركوها حدها خطره
المهم عشان لاأطلع من الموضوع عقب ما مارست الرياضه وغيرت نظامي الغذائي ضعفت ونقص وزني قام كل واحد يشوفني يقولي شفيك عسي ماشر يامعود لاتشيل هم لاتفكر
بصراحه قمت أتنرفز من هالنالس أقولهم يبا مافيني شي مسوي رجيم
مايصدقوني عبالهم عندي مشاكل ومهموم أعوذبالله

قعدت أفكر بيني وبين نفسي وقلت الحين كل يوم داق سيارتي سلف ورايح
أمشي عالبحر وأكلي كله مفيوح وشوي ونواشف وكل يوم وترك غداي سمج
خسرني السمج الكيلو بطعش دينار
وعقب هالتعب والحرمان والخساير يقولوني الناس مسكين الله يعينك

انبطت جبدي وجان أرجع نفس أول آكل علي كيفي دسم بدسم و وجبات سريعه وعقب كل وجبه أطيح له بالحلو بلا نظام غذائي بلا بطيخ

قلت في نفسي شدعوه عقب الرياضه بصير.. نسيم حميد..
خلها علي الله وتعالوا شوفوا نسيم حميد شسوي

v
http://www.youtube.com/watch?v=e0Nkeedbdm4&feature=player_detailpage​

 

[بوالعيس بيك]

موضوعي للشباب هالمره

كلنا عارفين إنه سن المراهقه من أخطر المراحل إللي يمر فيها الإنسان

المراهقه هي مرحلة التحول من سن الطفوله إلي الرشد ,
وعلميا يقولك إنه هالمرحله يسمونها مرحلة النمو المتفجر لأن بهالفتره
راح يتغير الانسان فسيولوجيا وعقليا ونفسيا وانفعاليا ودينيا وخلقيا ,,
ودايما نعرف المراهق من تصرفاته , يعني مثلا يكون عنيد عصبي متسرع
وكل هذا موبإرادته غصبن عنه موحاس بنفسه ,, وعلي فكره للحين مادخلت بالموضوع

موضوعنا اهو .. الحب ..

ياجماعه ماتلاحظون اذا كان واحد يحب نقول عنه مراهق !
صار البعض يستحي يقول أحبج حتي حق زوجته ( اسمحولي علي هالكلمه بس هذا واقع )

وفي ناس فاهمه انه الحب عذاب وتعب وشقي !
غريبه مع إنه الحب يكفي انه اسمه حب , كلمة حب حرفين لكن معناها كبير
الحب شعور جميل الحب أمل الحب راحه للقلب صدقوني

عموما آنا ماني مختص بهالأمور والكلام بالحب طويل عريض وآنا اختصرت
الكلام لأنه موهذا موضوعنا

موضوعي اهو.. فيصل ..

إللي عرفته انه الشاب فيصل حب له بنت وتعلق فيها وكان ناوي يتزوجها
فيصل كانت له ذكريات حلوه مع إللي حبها روحات وجيات وسوالف حلوه
فيصل أخذ وعود وعهود من هالبنت إللي بادلته مشاعر الحب
كان مستعد يسوي أي شي مقابل انه يرتبط فيها
دارت الأيام علي فيصل واختفت حبيبته فجأه ومن غير سبب وموعارف شلون يحصلها أو حتي لو يشوفها من بعيد

تحطم فيصل وذاق ألم الفراق وصار النهار طويل عنده والليل أطول
الحين اهو تقبل الوضع ولكن شلون ينسي ويرتاح , راح وسافر وللأسف
صورتها مافارقت خياله والذكريات معاه

وبس لي هني كافي , شوفوا هالتصوير حق فيصل
واقروا كلامه بداية الأغنيه وبالدقيقه 7,20 ودقيقه12,25 وقبل النهايه
وراح تحسون بمعاناة فيصل,,
والله حاس فيك يافيصل أعترفلك ومجبور أعترفلك

v
http://www.youtube.com/watch?v=4CkUg7rqB3Y&feature=player_detailpage​

 

[داشه عرض!!]

انا متابعتك لا تحاتي يالزلي الموضوع
ميرسي بريك

 

[العاشق]

بوالعيس وينك

http://www.youtube.com/watch?v=SN0NyKmuVBc&feature=related​

 

[away1979]

اي والله وينك بو العيس

[YOUTUBE]KSHxznhBBN8[/YOUTUBE]​

 

[كوهجي]

الحنين للقديم ..

كنت استغرب اذا الوالده قامت تسولف ..

وتقول أول وأول ..

الحين صار دورنا ..

والغريب حتى الشباب هم يقولون أول

الظاهر الانسان دايم يشتاق للقديم

شكراً بو العيس

قالوها .. اللي ماله أول ماله تالي ​

 

[بوالعيس بيك]

انا متابعتك لا تحاتي يالزلي الموضوع
ميرسي بريك

دام يازلج الموضوع معناته إني بديت أدخل التاريخ من أوسع أبوابه

شكرا طاشه عرض

 

[بوالعيس بيك]

بوالعيس وينك

http://www.youtube.com/watch?v=SN0NyKmuVBc&feature=related​

هلا بوالعشق

v
http://www.youtube.com/watch?v=zD1R1FBgbyQ&feature=player_detailpage​

اي والله وينك بو العيس

[YOUTUBE]KSHxznhBBN8[/YOUTUBE]​

أواي هلا بالحبيب

v
http://www.youtube.com/watch?v=gKkRGM1f-vs&feature=player_detailpage​

 

[داشه عرض!!]

دام يازلج الموضوع معناته إني بديت أدخل التاريخ من أوسع أبوابه

شكرا طاشه عرض

لا وانت الصاج بدش موسوعة غينيس

 

[بوالعيس بيك]

الحنين للقديم ..

كنت استغرب اذا الوالده قامت تسولف ..

وتقول أول وأول ..

الحين صار دورنا ..

والغريب حتى الشباب هم يقولون أول

الظاهر الانسان دايم يشتاق للقديم

شكراً بو العيس

قالوها .. اللي ماله أول ماله تالي ​

أشكرك يالكوهجي علي مرورك العذب

تقول الحنين للماضي هاااا

ماألومك , ادخل وشوف هالمقطع , إيه ياحلو أيام أول
v
http://www.youtube.com/watch?feature=player_detailpage&v=RqVi68tYKJY​

 

[بوالعيس بيك]

ياجماعه شتعرفون عن حقوق الرجل ؟!

ترا علي فكره آنا أشوف انه الرجل ماله حقوق تصدقون

الحقوق كلها للمرأه , انتوا بس فهموني آنا موقاعد أتكلم بالسياسه ,,
آنا قاعد أفكر بس , ودام أنا أفكر إذن أنا غير موجود ,قصدي موجود بس وين حقوقي
بعطيكم مثال علي كلامي ,,
الرجل عشان يقدم علي بيت أو اذا يبي قرض اسكاني من التسليف أهم شرط انه يكون متزوج , بينما المرأه تقدر تقدم علي بيت وتقدر تطلب قرض اسكاني بدون ماتكون متزوجه .

وبالمحكمه في حالة الطلاق الحق كله يكون مع المرأه ويتبهذل الرجل
ماعلينا لاتحسبوني معارض أو بسوي لويه لا بس هذي مقدمه حق هالمقطع الظريف

تعالوا ضحكوا شوي
v
http://www.youtube.com/watch?v=Co8GgdPQIBg&feature=player_detailpage​

 

[بوالعيس بيك]

نتمني التوفيق والفوز بإذن الله

لنادي الكويت الرياضي ضد نادي موانغ تونغ التايلندي

عصر اليوم ( وينك يابدران )

وهذا تشجيع مني للعميد الكويتاوي
v
http://www.youtube.com/watch?v=1qFWy0MRP5M&feature=player_detailpage​