.............. قـصـص ومـغامـراتـــــ ...............

إبن الوليد

موقوف
التسجيل
6 يناير 2011
المشاركات
10,004
السلام عليكم ورحمه الله


قبل ان اقول هذه القصه والمغامره

ارجوا ان لاتأخذوا فـكره سيئه عني


حدثت لي سنه 1993

وانا من محب اقتناء اكثر من سياره

اخصص ولازلت سياره للمغامرات وطلعات البحر والبر

وسياره خاصه للكشخه فقط وسياره متوسطه للمشاوير العاديه والاسواق وغيره




سياره المغامرات في ذلك الوقت كانت جيب ابوشنب موديل 1973

المهم

رحت مشوار طويــل لمزرعه ابي بالوفره وكان الوقت بالصيف

رايح بس ابي العب وخربط ، وبيني وبينكم معي شوزن صيد

وارمي الجلاب المغلوثه واحد واحد واذبحهم ، لان الجميع كان يشكي منهم

وكانت تصير مطارده عنيفه مع الكلاب وانا الاحقهم وارميهم

حتى ان انتشرت سمعتي بالمزارع بأن ولد فلان ذبح الجلاب كلها بالوفره

وعقبها ابي طردني مااجي المزرعه ولا اقرب صوبها وانا وربعي


المهم

السالفه الجايده هنا


وانا راجع في احد المرات من الوفره وفي الطريق

شفت شخصين واقفين يأشرون بأيديهم ، وكان الوقت صيف لاهوب وغبار عامي عيونهم



قلت حرام الافغانيه صعبه يحصلون سياره راده للديره والطريق فاضي مافيه احد

وقفت لهم وركبتهم معي

واعطيتهم ماء صحه ورتاحوا شويه :confused:

جان يطالعوني ويغزوني بعيونهم الحمراء اللي حسيت فيها شر

وانا مجكنم مو حول اجسامهم الكبيره حيل

جان يقول الاول الذي بجانبي ، ليش مافيه مكيف بسياره ؟؟

وبعصبيه

قلت هذا نوع السياره مايجي فيه مكيف اصلاً ومافيه ديكورات بالمره

كله حديد بحديد


قال انت فقير شنو هذه سياره قديم مافيه مكيف ؟؟

قلت اي والله انا كويتي فقير :cool:

قال الثاني كويتي فقير ويضحك


هنا انا قلبي صار اسود ساده وصرت احب الشر لهم بسرعه

وحقدت عليهم


قلت في قلبي الحين انا مسوي طيب فيهم ويقعدون يتخنبقون على راسي

مايدرون عني :)


جان انفذ خطه بسرعه


وقلت لهم انا فيه غنم في هذا البر ابي امر اشوف 5 دقيقه وارجع اوصلكم

قالوا ، بهذه الطريقه روح شوف غنم وهم مستهزئين

وانا لاعندي لاغنم ولاشي


جان انزل صحرا ، وكانت كلها غرازات ورميل مطعسه


واشوف ذيك الغرازه المحترمه واغرز فيها متعمد من غير لايحسون بأني متعمد


سويت نفسي بأن السياره خلاص ماراح تطلع من الغرازه

نزلت وقمت احفر بيدي للاطار الامامي والخلفي بشكل وهمي وجذب

واسوي نفسي مجتهد وعرقان ووجهي حمر

وهم يطالعون ، ويقولون نساعدك نساعدك

اقول لهم لا ، ان شاء الله تطلع ، وخلاص انا مايبي يروح غنم

خلي سياره يطلع نرجع للطريق

وقلت لهم انا يركب سياره انت سوي ادفع من ورا


خليت واحد واقف من جهه ، والثاني من الجهه الاخرى

وقاموا يدفوع بسياره الى الامام


مايدرون ان السياره اصلاً ماتغرز وفيها دبل جير 4 ويل


واحرك بسرعه واطلع من الغرازه وروح بعيــد عنهم :mad:


واوقف بعيد عنهم واغلق الشبابيك واقفل الابواب



ياويلهم الان وياسواد ليلهم ::verymad::

شبيت ليت السياره وحنا بنهار

جان انطلق عليهم ابي ادعمهم

واجيهم بسياره وصوت السياره عالي


واحد راح يمين يركض ويصيح ، والثاني راح يسار هم ركض


انا رحت للي كان مضايقني اكثر

ووراه وراه وراه لغايه مااحط الدعاميه قريب عند جسمه وهو يصيح


يلف يسار الف وراه يلف يمين الف وراه ويصيح يحسب اني راح اذبحه

اكثر من 30 دقيقه وانا وياه مطارده لغايه ماطاح على الارض

ابيه يتحرك مايقدر خلاص انتهى حتى اني صدمته بالاطار خفيف جدا

ماكوا فايده بس يرفع ايده ويترجاني

خليته

رحت للثاني

مالقيته ادوره بصحرا ماشوفه اختفى :confused:

عرفت انه منسدح بالارض ، قلت لازم اطلعه ويحوشه نصيب

والف كم لفه جان اشوفه منسدح بالارض :D ..

اهلا وسهلا

جان اجيله مسرع

نهض وصار يركض يركض بقوه

الصراحه انا كنت معصب بس يوم شفت ملابسه ارتفعت ووصلت لغايه بطنه من قوه السرعه كسر خاطري وضحكت

بس قلت لازم اخرعه شوي مثل ماخرعوني بطريق وطمعوا فيني

وهو يركض وانا وراه بسياره لغايه ماطاح على الارض وهو يصيح

وتركته لاني شفت الدموع بعينه

وانا لم اكن اصلاً انوي الشر اكثر من ذلك ، بس حبيت ادبهم :D


بس سلامتكم اهم شي لاتحقدون علي :)


انتم عاد ماعمركم صارت لكم مغامره او غضبتم على احد وعاقبتوه
 

away1979

عضو مميز
التسجيل
4 يوليو 2008
المشاركات
10,947
الإقامة
Kuwait

انا عبالي بتسرد عادل بالموضوع :rolleyes:

طلعت شرير :eek::eek::p:p
 

ورد و هيل

عضو مميز
التسجيل
21 يوليو 2010
المشاركات
7,241
الإقامة
قلب امي
حشررررررررررررر



امبيييييييه



اجررررررررمت بالناااس..:eek:


هذااا وانت نااااااوي الخيررررر وو نااوي توووصلهم ....:cool:
 

away1979

عضو مميز
التسجيل
4 يوليو 2008
المشاركات
10,947
الإقامة
Kuwait
حشررررررررررررر



امبيييييييه



اجررررررررمت بالناااس..:eek:


هذااا وانت نااااااوي الخيررررر وو نااوي توووصلهم ....:cool:


ورد شفيج حشر يحب الخير :rolleyes:

بس إذا ضايقه احد بحجوه يدهسه بالسيارة :eek::confused::D
 

إبن الوليد

موقوف
التسجيل
6 يناير 2011
المشاركات
10,004

انا عبالي بتسرد عادل بالموضوع :rolleyes:
طلعت شرير :eek::eek::p:p

اوي

لا والله بس هم الشر في عيونهم انا عندي الحاسه ماتخيب

وصدقني لو انت كنت في مكاني لشفت الشر في اعينهم
حشررررررررررررر
امبيييييييه
اجررررررررمت بالناااس..:eek:
هذااا وانت نااااااوي الخيررررر وو نااوي توووصلهم ....:cool:

ورد صدقيني هم طلعوا مجرمين

ياورد والله الشر كان في اعينهم بس اخوج حريص ومجرم على سنع :d ..​
 

إبن الوليد

موقوف
التسجيل
6 يناير 2011
المشاركات
10,004

ورد و هيل

عضو مميز
التسجيل
21 يوليو 2010
المشاركات
7,241
الإقامة
قلب امي


راحت فيها سمعتي بالمنتدى :confused:


ورد صدقت :confused: صدقيني انا مومجرم

كله منك اوي المزيــون​




لااااايضيق خللللللللقك :rolleyes:



ااااااااااكيد صددددقت ...:)



-
 

إبن الوليد

موقوف
التسجيل
6 يناير 2011
المشاركات
10,004
لااااايضيق خللللللللقك :rolleyes:
ااااااااااكيد صددددقت ...:)
-

ايي يعني لازم اقول انهم كانوا يفكرون بالشر ، وهو مجرد شك فقط

بس انا خلصت عليهم وتوبتهم عبره لنفسهم والله اعلم انها كانت خيره لهم في حياتهم

حتى اني فكرت فيهم هل مافعلته بهم صح او خطأ

وقلت نعم الذي فعلته معهم صح لأني لم اكن انوي اكثر من ذلك

وانا من الاشخاص الذي لايفقد عقله وهو في قمه غضبه ابداً ، دائماً دقيق جداً وحريص


يعني تخيلي لو السالفه صايره لــ اوي المزيون جان راح بخرايطها ككككك

 

away1979

عضو مميز
التسجيل
4 يوليو 2008
المشاركات
10,947
الإقامة
Kuwait

ههههههههههه والله إنك حبيب ياحشر وقلبك ابيض وكلنا نحبك :rolleyes:
 

إبن الوليد

موقوف
التسجيل
6 يناير 2011
المشاركات
10,004

ههههههههههه والله إنك حبيب ياحشر وقلبك ابيض وكلنا نحبك :rolleyes:

مافيه شك والقلوب شواهد يابعد عمري
 

إبن الوليد

موقوف
التسجيل
6 يناير 2011
المشاركات
10,004
مرحبا :)

مع اجمل حكاياتي ومغامراتي البسيطه جداً

حدثت لي في مطار القاهره سنه 1994 / شهر 9

قمه الاحراج


كنت انا واصدقائي متوجهين الى مطار القاهره عائدين للكويت

بعد ان امضينا 7 ايام نحوس بالقاهره ، وسبحان الله القاهره من 1994 لغايه 2000 وهي حزينه والسياحه في قمه تدني مستواها

المهم

دخلنا مطار القاهره ننتظر الطائره الكويتيه القادمه من الكويت

وحصل تأخير للطائره تقريباً 4 ساعات

واحنا جالسين على الكراسي رايت امراه جميله تقدر عمرها 48 سنه

وكانت لوحدها

فكرت ثم فكرت وقلت لاصدقائي انا سوف اذهب لهذه المراه الجميله واجلس بجانبها

قالوا من صجك فيصل لاتحرجنا شنو تبي فيها :confused:

قلت خلوني بس الطياره باقي عليها 4 ساعات والمراه هذه كويتيه قاعده بروحها

يمكن نفسيتها تتعب او يجي احد يطمع فيها

انا ابي اصير لها محرم لغايه ماتصعد الطائره


رحت لها وجلست بجانبها

ثم القيت السلام والتحيه

وابتسمت وردت التحيه بااجمل

كانت روعه في كل شي

قلت لها انتي من الكويت

قالت اي مو مبين علي

قلت اي مبين علشان جذي انا جيت يمج

قالت ليش

قلت الصراحه خفت عليج وانتي بروحج

ضحكت وقالت لا الحمدلله الدنيا امان لاتخاف

سألتها انتي وين ساكنه بالكويت

قالت بمشرف

ثم قالت وانت وين ساكن

قلت انا ساكن بصباح الناصر

ضحكنا شوي

جان اقولها تصدقين لو انتي بالكويت انا مااتجرأ اكلمج

بس علشان بالغربه اتجرأ شوي وارجوا ان مافي ازعاج لكي

قالت لا بالعكس انا مثل اختك الكبيره

فعلاً كان فرق العمر كبير بيننا انا 24 وهي تقريباً 48


هذاري سويت فيني مقلب ماانساه بحياتي وانا ماادري :confused:


خلتني اسولف وافضفض وهي تتبسم وتقول سوالفك حلوه

وانا رايح معاها ، وربعي من بعيد ميتين ضحك وتعجب

ربعي يقولون احنا عارفين انها راح تستانس عليك


المهم

السالفه موجذي


السالفه لما جاء رجال كبير وقعد بجانبي وكان اصلع شوي :confused:


جان يقول نعم اخوي ايش عندك قاعد يم زوجتي :eek:

انا انشقت الارض وابلعتني :eek:

تبلعمت ، جان اقول انا كنت اسأل اذا تبي مساعده لأني شفتها بروحها

تدخلت الزوجه بسرعه وهي كانت تتبسم لزوجها ان يتركني

وقالت فلان ترى الولد محترم ماقال شي

قال الزوج زين شنو قاعد يقولج

قالت يبي يصير محرم لي لغايه مااصعد الطائره لانه خايف علي

قال الزوج علينا هسوالف

قلت الله يرضى عليك انا الان مرتاح انك معاها

في هذه اللحظه زوجه الرجل تسوي حركات لزوجها ، يعني لاتحاجيه

صج كانت المراه هذه واثقه من نفسها ، وزوجها واثق من زوجته

خلوني بينهم وطاحوا سوالف معاي

ودخلتهم بسوالف السياسه والدين والدراسه

واقعد احوس فيهم بسوالف


هنا الرجل حبني حيل وانفتحت الشهيه عنده :)


وقام هو يسولف سوالف حلوه ، طلع داهيه ماشاء الله عليه


ثم قال لي انت تعرفني ؟؟

قلت لا والله مااعرفك

قال انت تقرأ الجريده الفلانيه ؟؟

قلت نعم اقرأ واعرفها

قال تعرف الصفحه الفلانيه والعامود الفلاني ؟؟


قلت نعم اقرائها اكيد انت الكاتب فلان معقوله ، صاحب الـ :)


قال نعم انا الكاتب الفلاني


ومدحت بكتاباته وعموده المشهور الصراحه


وبالغصب استأذنت منهم علشان بس اروح لاصدقائي


بس المراه سوت فيني مقلب

كان بامكانها تقول ترى زوجي معاي ، روح لايشوفك

بس خلت زوجها يكبس علي

واخر شي انا ياالله افتكيت من زوجها


وسلامتكم



عندي سوالف اقوى من جذي بس اخاف من بوسلمان يزعل علي

يعني تخيل انا اقدر اقط السالفه وانحاش خلف سور الصين والبد هناك

بس بوسلمان عنده جهاز gps يلحقني للصين وعند سور الصين العظيم

ويصكني ايقاف ثلاث مرات زياده تأكيد اني ميت :)

بعد عمري بوسلمان

سلام عليكم ورحمه الله ، وتصبحون على خير
 

Low Fat

عضو مميز
التسجيل
2 سبتمبر 2009
المشاركات
3,276
الإقامة
قطعه 13
.





يبا الأفغاني والباكستاني مجرمين والمخدرات أقل شئ يتعاملون فيه

والاجانب بشكل عام ماينفع فيهم الطيب خصوصآ البنغالي والسوري

.. وبالعكس لو تطيبت فيهم تردوا فيك يستثني من ذلك المصريين فقط لاغير ................. :cool:


.... حلوه سوالفك ياحشر كمل كمل وياليت سوالف مغامرات عاطفيه ;)








.
 

saadkuwait

موقوف
التسجيل
27 مارس 2009
المشاركات
2,526
بارك الله فيكم
626dwls.jpg
 

إبن الوليد

موقوف
التسجيل
6 يناير 2011
المشاركات
10,004
.
يبا الأفغاني والباكستاني مجرمين والمخدرات أقل شئ يتعاملون فيه
والاجانب بشكل عام ماينفع فيهم الطيب خصوصآ البنغالي والسوري
.. وبالعكس لو تطيبت فيهم تردوا فيك يستثني من ذلك المصريين فقط لاغير ................. :cool:
.... حلوه سوالفك ياحشر كمل كمل وياليت سوالف مغامرات عاطفيه ;)

.

انت احلا وطلتك احلا ،، والنك نيم مالك اشوفه ينشرح صدري

طيب اقول جم وحد تزوجت خارج وداخل الكويت

اكيد العاشق وبوالعيس مايصير فيهم شي ؟؟ :confused:

والله لو لا خوفي على شعوركم لاتبجون جان قلت

بس ماني قايل نجوم اعرفه يطق ويموت :d ...



بارك الله فيكم
626dwls.jpg

الله يبارك فيك سعد

بس اذا لي معزه عندك كافي صور حزينه انا مااحبها واتضايق اطالعها
 

إبن الوليد

موقوف
التسجيل
6 يناير 2011
المشاركات
10,004
الخيال والاوهام


الخيال او الأوهام ,, هو الهروب من الواقع المرير ، الى وهم او خيال أجمل وأرقى من الواقع لبضع لحظات , والبعض يعجبة الخيال والوهم فيعيش فية مدي الحياة


*********************

قال الشاعر:


فلَسْتُ بنازِلٍ إِلاَّ أَلَمَّتْ،
برَحْلي، أَو خَيالَتُها، الكَذُوب




وقيل: إِنما أَنَّث على إِرادة المرأَة. والخَيال والخَيالة: الشخص
والطَّيْف. ورأَيت خَياله وخَيالته أَي شخصه وطَلعْته من ذلك. التهذيب:
الخَيال لكل شيء تراه كالظِّل، وكذلك خَيال الإِنسان في المِرآة، وخَياله في
المنام صورة تِمْثاله، وربما مَرَّ بك الشيء شبه الظل فهو خَيال، يقال:
تَخَيَّل لي خَيالُه. الأَصمعي: الخَيال خَشَبة توضع فيلقى عليها الثوب
للغنم إِذا رآها الذئب ظن أَنه إِنسان؛


وأَنشد:


أَخٌ لا أَخا لي غيره، غير أَنني
كَراعِي الخَيال يَسْتطِيف بلا فكر
وراعِي الخَيال: هو الرَّأْل​

 

إبن الوليد

موقوف
التسجيل
6 يناير 2011
المشاركات
10,004
LOW Fat


لن اكتب لك خيالاً بل واقع حصل لي

كم تشتهي الان ان تسمع وتقرأ عندما علمت انه واقع وليس خيال

ويشهد على ذلك بعض الموجودين في الاستراحه بأنه حقيقه ليست خيال


**********************************************

انا اعشق النساء التي يكبرني بالعمر


فعشقت امراه مؤلفه وكاتبه { ولااريد ان اذكرها لان الجميع يعرفها } ولكن هي هنا بالكويت


كنت اقرأ لها كل ماتدونه اكثر من 7 سنوات

وفي يوم من الايام قلت لن اصبر اكثر من ذلك

سوف اراسلها بالاميـل

وارسلت لها رساله تهز عرشها كما هزت عرشي طول هذه السنين

وقلت لها انا لم ارى مثلكي بحياتي

ولم افكر بأن المراه في عصرنا هذا يوجد به امثالك ، وفكرك النير



ثم ارسلت لي بعد يوم

وقالت ومااعجبك في كتاباتي



ملاحظه : اخي العضو واختي العضوه الحديث كان معها طويل وشيق

وانا احاول ان اختصر قدر الامكان حتى لايصيبكم الممل ;)



ثم قلت لها

انتي من النساء التي كنت ابحث عنهن ولم اتوقع في حياتي ان اصادفها

وانا عزيزتي الكاتبه

متابع لكي منذ فتره طويله

ولكن فاضت بي مشاعري ، واريد ان اسألكي عن حالتك الاجتماعيه

لاني لااستطيع البوح ، او القول إلا عندما اعرف اولاً


ثم ارسلت وقالت

انا لست متزوجه

وانت اصغر مني بكثير

ولكن قل ماشئت فأنا لك اذان صاغيه



ثم قلت انا اريد الزواج منك بعد ان وصفت لها كل شئ




ثم قالت بالحرف الواحد

بعد ان ضحكت في رسالتها

ليش تبي تنفرم شاورما من زوجتك الاولى



وقلت ومن قال لكي اني اريد الاستئذان او اخبار احد بزواجي



ثم قالت بعد ان تفاهمنا على كل شئ


قالت تعال في مكتبي ونتفاهم اكثر



وذهبت لها في مكتبها على موعد مسبق

وكنت كاشخ الكشخه اللي مابعدها بعد ولا وراها اكثر من جذي كشخه :)


وكان الموسم شتاء وانا تشداشتي بني محروق والجوتي بني محروق غامق والدلاغ بني والبزمات ذهب والغوله تحتها قميص ابيض خطوط خفيفه بني


ياعيني ناوي اسدحها من اول نظره والشعر يطل على الجوانب مثل الحرير

والعيون السود خذوهاا صارت المسكينه من هواهم قامت تغني

الله يسامحني جنيت عليها


المهم

دخلت المبنى

وانا في الممر سألت اين المؤلفه والكاتبه فلانه

قال الرجل ، هذا مكتبها ، وعندها زوار

ثم قال الرجل من اقول لها

قلت لا لاتقول لهاا دعها على راحتها


وكان باب مكتبها مفتوح


ومررت من امام المكتب ووقعت عيني بعينها

ورجعت مره اخرى للرجل وقلت له قل لها فلان موجود

ثم اتاني الرجل وقال السيده تطلبك بالحظور في مكتبها

والمشكله الزوار لازالوا عندهاا

ثم دخلت عليها وقامت وسلمت علي

واجلستني بالقرب منها

5 دقائق وغادر الضيوف الطلبه بالجامعه من مكتبها

الظاهر كان عنهم بحث او شئ من هذا القبيل



الان :)


بدأ حديث الاعجاب من كل الطرفين


ياعيني عليك ياوليد


اكمل باجر والله تعبت مااقدر :eek:
 

هيفا

عضو مميز
التسجيل
12 أكتوبر 2010
المشاركات
4,760
متعه يا وليد متعه :)

متااااااابعه وكلي لهفه :eek:
 

Low Fat

عضو مميز
التسجيل
2 سبتمبر 2009
المشاركات
3,276
الإقامة
قطعه 13


انت احلا وطلتك احلا ،، والنك نيم مالك اشوفه ينشرح صدري

طيب اقول جم وحد تزوجت خارج وداخل الكويت

اكيد العاشق وبوالعيس مايصير فيهم شي ؟؟ :confused:

والله لو لا خوفي على شعوركم لاتبجون جان قلت

بس ماني قايل نجوم اعرفه يطق ويموت :d ...



الله يرفع قدرك يابوعبدالله .. ويشهد الله أني أحبك فيه ,,





.





low fat


لن اكتب لك خيالاً بل واقع حصل لي

كم تشتهي الان ان تسمع وتقرأ عندما علمت انه واقع وليس خيال

ويشهد على ذلك بعض الموجودين في الاستراحه بأنه حقيقه ليست خيال


كلي آذآن صاغيه :eek:


**********************************************

انا اعشق النساء التي يكبرني بالعمر

شئ إيجابي مثلي أحب أسولف مع اللي أكبر مني لأن هم خبرتهم بالحياه أكبر :) وهذي ميزه

وكان الموسم شتاء وانا تشداشتي بني محروق والجوتي بني محروق غامق والدلاغ بني والبزمات ذهب والغوله تحتها قميص ابيض خطوط خفيفه بني

من كشخته الناس حبته ... عيني عليك بارده ;)

أكيد تمشي وتقول ماشاء الله علي خايف من العين هههههههههه


ياعيني عليك ياوليد :eek:






... نبي القصه كامله لا تقطع فيها الحين هيفا شلون يجيها نوم لوووووووووول






.
 

إبن الوليد

موقوف
التسجيل
6 يناير 2011
المشاركات
10,004
متعه يا وليد متعه :)
متااااااابعه وكلي لهفه :eek:

ياعلج تدخلين الجنه من اوسع ابوابها مع الانبياء والصديقين

وفي عليين ياهيفااا ، من عيوني اكتبها واكون صادق بأذن الله

بس مو الحين ، والله مااقدر الان عندي بنيه تطلع من المدرسه والسايق مو ملحق

الله يرفع قدرك يابوعبدالله .. ويشهد الله أني أحبك فيه ,,
.
... نبي القصه كامله لا تقطع فيها الحين هيفا شلون يجيها نوم لوووووووووول
.


الله يرفع مقدارك يابوعبدالله

وابشرك الصمان الان وصلني بالواتس ساب عليه امطار وسيول

قول ان شاء الله ، احبك الله وملائكته الذي زرع محبتك في قلبي


****************

اما بخصوص اني جميل وحلو ، ماعليك من الحجي انا جيكر شوي :)


الحلو : اوي 1979

و العاشق يقولون انه فيه شبه مني بس احلا بوايــد

وقلم حر يجنن وعيونه تسحر الناظرين

وبوالعيس ولاتشوفه يطيح الطير من السماء


بعد اذنكم اروح لبنتي في المدرسه ، وبالليل اكمل السووووولافه :)
 
أعلى