راعي الحقوق قال:
اللي يعرف ثنايا العلوم و خبايا السوق يدري ان اللي رفع السهم هذا و وداه السما ما كان سامي البدر
و بعدين يا من تدعون على هالسهم بالذات و من وصى عليه
وينكم عن شركات التشغيل اللي محققة خساير بالملايين مو بس بمئات الآلاف و أولها الأنابيب !!
و بعدين ليش صار الموضوع موضوع ثقة ؟؟ تبي أسمعك كلام عن إدارة الصناعات الوطنية و ملاكها يا أخوي الاعلامي يشيب راسك منه ؟؟؟
اللي فيكم عنده مصدر يقول ان مجموعة سامي البدر ربحانة بسهم بتروجلف و انها صرفت السهم بالعالي على الناس و الحين يلمونه بالنازل يجيب برهانه و أنصحه ما يتعب نفسه لأن أصحاب الشركة خسرانين بالسهم
اذا بتدعون على احد أدعوا على المضاربين اللي عفسوا السوق عفاس
سهم ما عنده ربحية و توه عظمه طري ودوه من 400 فلس لي 900 فلس
و بالأخير الدعاوي على صاحب الشركة
اتقوا الله يا ناس
خاف الله مو النفيسي صرح بالجرايد ارباح قياسيه!!! و هو و البدر كل يوم يطلعون بالجرايد يتكلمون عن المشاريع الكبيره.
هذا طبعا لما كان السهم صاعد , لكن من يوم ما طبع السهم ما سمعنا لهم حس.
انسى سعر السهم انا مستثمر اخر السنه تتوقع الشركه توزع ارباح مع الخساير المحققه؟! لو ان الخساير غير محققه مثل الانابيب كان لنا كلام ثاني
القهر ان الشركه ما وضحت اسباب الخسائر
يمكن الحفار بنشر او احتاج تصفيه ....
اتمنى اني اطلع غلطان و ان السهم يتعدل مع اعلان ارباح الربع الثاني
انشاء الله تكون ارباح
