شركة رمال الكويت العقارية ش.م.ك مقفله ( رمال )

[Aljoman]

سجلت 7 أسهم اليوم الثلاثاء الموافق 2013.08.27 - ومنها " رمال " - أدنى سعر لهم آخر 12 شهر وللتفاصيل على الرابط​

 

[المؤشر السعري]

هل نزول السهم لاسباب متعلقه بالشركة او نزوله مع موجة نزول السوق
وشكرااا

 

[Madry212]

السلام عليكم

لأصحاب الخبرة كم تتوقعون راح يكون سعر السهم اذا صبرنا عليه لي بداية السنة ؟ وشكرا

 

[ABO FAHED]

الله يستر من هالأسهم
مع طلعة السوق كان ينزل ومع نزلة السوق تلاقيه ينزل أول واحد
بصراحة سهم يخوف والله يستر
حسبي الله ونعم الوكيل

 

[Madry212]

شنو اللي قاعد يصير بهالسهم
ليش كل هالنزول شالسالفة لي وين رايح؟؟؟
حسبي الله ونعم الوكيل

 

[eng.mohammad]

نرجوا من الاخوه تحليل عن السهم. وشكرا

 

[Aljoman]

سجلت 4 أسهم اليوم الأربعاء 2013.08.28 - ومنها " رمال " - أدنى سعر لهم آخر 12 شهراً وللتفاصيل على الرابط​

 

[fah00d]

أمانة لما كان سعر السهم 230 ..أحد مصادري ذكر لي ان في خلاف بين ملاك الشركه , وممكن ان تشوف صعود قوي أو نزول قوي .. لكن ماني متأكد من صحة المعلومه حتى الآن . ولكن من خلال ملاحظتي بالايام الاخيره التداول يوحي فعلا بوجود شيء ما .. والايام القادمه كفيله باظهار الحقائق ان شاءالله

الله يستر و يصلح بين الجميع و نشوف ارتداد يرضي ملاك هذا السهم المجنون

 

[رابح رابح]

لايضيق خلقك مرحله وتعدي شغل جمبزه ومالسهم افيه الا الخير السهم تشغيلي وارباحه ممتازه
اغلب ملاك الشركات قاعدين ينزلون اسهمهم علشان التجميع باسعار رخيصه

 

[ABO FAHED]

حسبي الله عليك من سهم
الله ينتقم من الظالم

 

[Aljoman]

سجلت 6 أسهم اليوم الخميس 2013.08.29- ومنها " رمال " -أدنى سعر لهم آخر 12 شهراً​

وللتفاصيل على الرابط​

 

[المؤشر السعري]

الله المستعان
السوق كله منهار مو سهمنا فقط
انشاء الله تنتهي سالفة سوريا ويعوضنا الكريم سبحانه

 

[المؤشر السعري]

اغلب الاسواق العالمية منهاره
حتى اليابان تأثرت
استعينو بالله

 

[ABO FAHED]

أنا إلي باطط شبدي
يوم ما طلع السوق ما طلع ويوم ما نزل سهمنا أول سهم نزل
لا حول ولا قوة إلا بالله

 

[marvel]

السلام عليكم

لأصحاب الخبرة كم تتوقعون راح يكون سعر السهم اذا صبرنا عليه لي بداية السنة ؟ وشكرا

اتوقع 220-250 فلس .. النزول الحالي غير مبرر واعتقد مجرد تكسير للتجميع باسعار رخيصة

 

[Madry212]

من بداية السنة السوق يصعد والسهم في نزول
والحين السوق ينزل هم السهم في نزول ... شالسالفة ؟

يا جماعة الخير ارجو من احد يفيدنا ويضع لنا تحليل جديد للسهم يوضح لنا وين رايح هالسهم ووين دعمة ووين مقاومته

وشكرا

 

[! فارس !]

شنو اخر الاخبار يالغاليين ؟

 

[blog-master]

صبحكم الله بالخير جميع ، هل استحواذ النصار على حصة الأغلبية في شركة المجموعة الدولية للاستثمار سيكون له أثر إيجابي على سهم رمال ؟؟ نأمل ذلك وبانتظار تحليلاتكم المثمرة . ودمتم بخير .

 

[Madry212]

السلام عليكم

يا ريت احد يفيدنا بتحليل للسهم ودعمه ومقاومته ووين اهدافه وشكرا

 

[مهند1969]

اخواني شفيه سهم الرمال السوق كله يرتفع الا اهو مكانك سر
الاخوان المحلليين الله يرحم والدين نبي تحليل للسهم