شركة الإستشارات المالية الدولية ش.م.ك.مقفلة (ايفا)..2

[waham]

عمامي اللي كنتوا تجادلوني في موضوع ايقاف ايفا عن التداول!!!

وينكم مالكم حس

ولا بس فالحين له مهايط على روسنا؟؟؟

"خير الكلام ما قل و دل"

ربك كريم وان شاء الله تعود

 

[مليون واحد]

ايفا راجعه للتداول
لامحاله
وازيدكم من الشعر بيت يومين حد اعلى

 

[st.tropez]

اخواني الاعزاء اكرر كلامي .. يمكن تشوفون الناس ما تعلق عن الايقاف لان احنا متعودين على ايفا يتم ايقافها بهالفترات و مردها تالي ترد و سالفة البيانات و تقديمها تم او لا و اسئلة عديدة كنا نسالها قبل بس الوضع مافيه الا كل خير.دايما جذي مع ايفا فلاتحاتون ان شاء الله ترد تاخرت او لا.. لا تشيلون همها و تضايقون نفسكم و تحاتون خصوصا عن تقديم البيانات .. ان شاء الله بترد و الله يوفق الجميع و يرزقكم

 

[امرك عجيب]

يقال الميزانيه الان عند المفوضين بس تراجع ثم تعتمد احتمال علي منتصف الاسبوع القادم

 

[الجفين]

صبحكم الله بالخير شباب نبي اخبار عن الشركه الي متأكد يقول تكفون والله انغثينا طالت السالفه

 

[الجفين]

لي الحين ماكو شي

 

[Suntan]

ايفا راجعه للتداول
لامحاله
وازيدكم من الشعر بيت يومين حد اعلى

وازيدكم من الشعر بيت يومين حد اعلى

 

[البيروتي]

البورصه في اعلاناتها الشركه لم ترسل بياناتها

والشركه ممثله بالسلمي يقول ارسلنا بياناتنا

 

[الجفين]

الله يجازي الي كان السبب

 

[امرك عجيب]

يااخوان انا متواصل معاهم يوميا اليوم طلبو منهم استفسارات وراح اتاخر الرده اعتقد على كلام ايفا قبل نهاية الاسبوع والله المستعان

 

[الحبترى]

​

​

​

لا حوله ولا قوه الا بالله , احجزوا بيزاتنا لى متى كل اسبوع يقولون نهايته صارت دبلت جبد​

 

[الجفين]

يالسلمي روح مووت احسن لك تقول مسلم البيانات قبل نهاية المهله بااسبوع ولين اليوم الاخ امرك عجيب يقول طالبين منكم استفسارات خاف عندكم ملكيات البنك الوطني او بيت التمويل اقول استريحو بس والله حرقتوا قلوبنا والله حسيبكم

 

[مليون دينار]

قروض الشركة كبيرة جدا

افضل سهم بالمجموعة عقارات الكويت

 

[h1964kw]

مع انه افضل سهم بس حركته ابطأ حركة في المجموعة

 

[بوشملان_78]

السلام عليكم

يا جماعه في اشخاص معانا بالصفحه يقولون كلام اعتباطي ويكتبون معلومات غير صحيحه وماله داعي ذكر هالاسماء

ذاك اليوم واحد يجادلني بخصوص صالح السلمي ويقول كان قصده ايفا فنادق والاخ الثاني يقول ايفا تعودنا عليها والثالث يقول صالح السلمي صريح بكل تصريحاته !!!!

شباب لو سمحتوا ورغم ااني لا املك هذا الموقع فللي ماله بموضوع شرح الامور او عنده اي ابداء للآراء العقلانيه والمنطقيه فلا يشارك في هالصفحه ولا يعشم خلق الله بكلامه المعسول ...

انا اقوله شوف الاعلان مال اليوم والاخ يقولي يمكن اعلان قديم ههههههههههههه

ابذمتكم شنو هالبشر ؟؟؟؟؟؟ حتى الهنود اللي مالهم بالاسهم يفهمون كلامنا بالمنطق

والاخوان طايحيله ترقيع حق اشوية حياله ماينعرف صجهم من جذبهم....

وسامحوني يا اخوان على الاطاله والله يرزقكم ويفتح عليكم كل باب نعمه ورزق

 

[st.tropez]

اخوي بو شملان صل على النبي .. انا من اللي ذكرتهم تلميحا و اي نعم ارد اعيدها هالموضوع دائما يتكرر مع ايفا و احنا اللي من زمان معاها متعودين ..ما اشوف في غلط بكلامي و انا ما قلته الا لتطمين الناس اللي تدش تقرا ..خصوصا للي اول مرة يشتري بايفا و مو عارف شالسالفة فحبيت اطمنهم ان ماله داعي خوف ..يعني الوضع مو مثل الشركات اللي تخاف فلوسك تروح نهائيا ..لأ ..تطول شوي و مردها ترجع ان شاء الله ..لان لو الناس بس تسمع كلامك جان خافت وايد على فلوسها و قعدت تحاتي و هذا ماله داعي ..
و ترى انا شاري فيها و بالستينات و حتى انا فلوسي مجمدها فمثل مالك الحق تبدي رايك ..لنا كذلك
و اتمنى تاخذ كلامي بسعة صدر و صدقني ماقلت كلامي الا لأني ابي الطمأنينة و الراحة للناس ..

 

[امرك عجيب]

اليوم ماطلبوااستفسارات يعني هانت

 

[بوشكاش]

عندي احساس
ان ايفا راح
ترد هالاسبوع

 

[بوشملان_78]

السلام عليكم

اخوي العزيز st.tropez

ما اتوقع اني سويت كارثه لنا تكلمت عن ادارة الشركة السيئه وان الكل مستاء من عدم المصداقيه في الافصاح عن البيانات !! اسباب كثيره تثير الجدل حول عدم المصداقيه وعلى المده اللي تحتاجها الشركات في إعداد هذه البيانات ؟؟ وليش ماتكون جاهزه قبل انتهاء المهله الممنوحه من الهيئه والسوق ؟؟؟ هذه التساؤلات تخلينا نكتب ونتحاور ونضع كل هل الامور بالحسبان مره ثانيه اذا حبينا نشتري هالنوع من الاسهم إللي شركاتها ما تهتم لأموال المساهمين خصوصا المستثمرين على المدى القصير !!!!

وبعدين انا ما ذكرتك انت بشخصك او طعنت في اسلوبك بالتحليل والكتابه ,, انت والنعم فيك ,,, بس في كذه حاله من الناس حاولوا يطمنون المساهمين بطريقة عشوائيه .. يعني يكتب لك واحد ان الشركه راح ترجع للتداول الاسبوع القادم والثاني يكتب لك الاحد او الاثنين والثالث يكتب لك ان صالح السملي صريح فيه حواره وردوده !!! والرابع يكتب لك " تأكد من تاريخ الإعلان وكأنه يشكك فينا ويرقع للشركه"!! وعندنا وعندك خير يالحبيب ..

على العموم شاكر لك على الرد والتواصل وكافي اني كسبت شخص مثلك يالحبيب

والله يرزق الجميع صحه وعافيه ومال وعيال ..

 

[st.tropez]

اخي العزيز بوشملان شاكر لك سعة صدرك و ردك الجميل ..
اذا كانت الموضوع عن ادارة الشركة و السوق فمعاك حق 100 % ..و انا معاك مو حلوة تتجمد الاسهم فترة تعتبر طويلة للمضارب .. و عدم شفافية المعلومات تربك المتداولين و اصحاب الاسهم .. و الانتظار امر مرهق مع غياب المعلومات ..حاس فيك و الله .. اتمنى .. انها ان رجعت على الاقل تشفي غليلنا بصعود جميل ...اتمنى... و ان شاء الله خير ..الله يرزقك و يوفقك و يعوضك كل خير ..لك و لكل من يقرأ ..
الله كريم