لمعرفة الرقم السرى لروم بورصة الكويت

[أبو مناور]

السلام عليكم والرحمة حفاظا على الوقت الثمين ومنعا للمتطفلين والغير مهتمين فقد تم وضع رقم سرى للروم تجنبا للمشاكل والدخول للمستثمرين فى البورصة الكويت ولأستلام خدمة الرسايل sms على الأجهزة النقالة نرجوا الأتصال على أبو مناور وذلك لمعرفة الرقم السرى ولتسلم المعلومات بالموبايل للمراسلة البريد الأكترونى أبو مناور ودمتم سالمين

 

[السهم المجهول]

شكرا لك يا بومناور حرصك على محافظة الوقت الثمين لرواد الروم ولكن أنا اقترح لو أن يتم الغاء الرقم السري للروم يكون أفضل وذلك لكي تعم الفائدة على الجميع وبالنسبة للمتطفلين البركة بالأدمنية الموجودين .

وشكرالك ....

 

[نقوشي]

الساعة 9,30 مساء

مافيها إلا شخصين فقط


وحاطين قفل بعد ... !!!!!

 

[alde77any]

مشكورن علي الجهد الطيب
والله يجعله في ميزان حسناتكم

 

[CENTRALBANK]

شنو اسم الغرفة

 

[alde77any]

b o o o r s a h al k u w a i t

 

[CENTRALBANK]

بغيت الرقم يالربع

 

[الضحاك]

ليش يا اخونا الكبير بو مناور القيود والباسورد ......

شلون ندش الحين على الروووم ....

كنا مستفيدين من خبرتكم ....

بس الحين مثل اللي حاط السد العالي جدام النهر .....!!!!

 

[سيزر كويتى]

يعطيكم الف عافيه

السلام عليكم ورحمه الله وبركاته
مره دشيت رووم الى تقول عنه ابو مناور
لغيت ادمن جم واحد نقطهم يمكن 7 اشخاص باقى 4 مو نقطين قلت ليش ماسمع روم حلو هذا عن بورصه الكويت وانا من ناس اللى يشتغلون بالبورصه معنى ستفيد منهم
لغيت ادمن مايسولف بالبورصه زين يمكن ملل كل سوالف بالبورصه
بالاخير اخ طايح مع وحده بسولف معاها سوالف مالها معنى

قلت ليش مادش على ادمن بالبرايفت اقول ياخى شيل عنى نقطه بسولف عن البورصه وخلك من سوالف مع البنات لاحول لا قوة الاله بالله بالاخير طردنى قلت الله يهدي انشالله والله مانى ذاكر اسم الادمن عشان مانى ظالم احد من الاخوان بس مااقول لاحول لاقوة الاله بالله اسفين انى قلت الحقيقه مع سلامه

 

[برق الشرق]

حشا مو غرفة بورصه!!
لا يكون قاعة السي آي إيه ,ولا البنتاغون!
عموما الله يهني سعيد بمسعوده.
وفى المنتديات بركة وزيادة,ولا عزاء للغلابة مثل الضحاك وربعه.

 

[غازى]

وضع رقم سري للغرفة لمنع المتطفلين اللي مالهم علاقة بالبورصة وهذه النوعية لا تدخل المنتدى

الأفضل وضع الرقم السري هنا بالمنتدى بدل المسجات

 

[pilot35]

السلام عليكم

الله يعطيك العافيه اخوي ابومناور على جهودك انا حبيت اقول شغله بخصوص الروم بالبالتوك يااخوي والله مرات ادور الروم القاها اخر شئ والبارحه مالقيتها ماكو احد داش الظاهر عموما اذا دشيت احصل 3 او 4 ندش نسلم ماحد يرد الادمن مايرد واللى بالروم مايردون واذا صار فيه كلام بالروم يسولفون عن سهم حتى مره دشيت تحجيت كلمت الناس اللى بالروم يسولفون اقولهم عطونى فكره عن سهم الفلانى ماحد يرد انادي كل واحد باسمه الادمن اناديه باسمه مايرد يسولف وكأن ماحد قاعد يناديه قلت يمكن لاق لكن مولاق تشلخت وانا انادي حتى السلام مايردون مادري التطنيش متعمد والله اعلم والحركه هذى صارت فينى 3 مرات ادش واسئل واتحجي والكل مطنش الله يباركلك بالروم حبيبى لكن اذا الروم جذيه مايدشها الا 3 ويطنشون مادري ليش القفل اتمنى يكون صدرك وسيع وتتقبل كلامي عن طيب خاطر

 

[الراقي]

ياسبحان الله جميع الي شتكنا منهم في سابق تم طردهم من الروم واحد وره الثاني لايكون انا سيد وانا مادري

 

[الفردوس]

السلام عليكم ياخوان بغيت الرغم السري اذا احد يعرفه يدزة علي الخاص ومشكورين

 

[متقاعد]

بو مناور شيل الرقم السرى عن الغرفة اللة يرحم والدينك علشان الشايب اللى اكبر منك يخوك ماصدقنا نعرف ندش الغرفة بدون رقم اللحين ابتلشنا

 

[أبو مناور]

] بسم الله الرحمن الرحيم لم يوضع القفل الا بعد تدخل بعض المتطفلين والسذج ومن لهم مآرب آخرى من البشر ونحن فى أدارة روم بورصة الكويت نعلن عدم رغبتنا فى أستضافت الفئات المذكور ووضعهم على قائمة السوداء ...
ونزولا عن رغب أخوانى بالمنتدى فقد تم ألغاء القفل وفتح الروم للجميع وبالنسبة لأسأله الكتابة داخل الروم تشتت المتكلم ومن أراد التكلم مع عضو داخل الروم يتم على البرايفت و للحافظ على الوقت والنظام يكون بشكل حضارى وراقى وسلس ودمتم سالمين

 

[almared]

] بسم الله الرحمن الرحيم لم يوضع القفل الا بعد تدخل بعض المتطفلين والسذج ومن لهم مآرب آخرى من البشر ونحن فى أدارة روم بورصة الكويت نعلن عدم رغبتنا فى أستضافت الفئات المذكور ووضعهم على قائمة السوداء ...
ونزولا عن رغب أخوانى بالمنتدى فقد تم ألغاء القفل وفتح الروم للجميع وبالنسبة لأسأله الكتابة داخل الروم تشتت المتكلم ومن أراد التكلم مع عضو داخل الروم يتم على البرايفت و للحافظ على الوقت والنظام يكون بشكل حضارى وراقى وسلس ودمتم سالمين

كلامك طيب يا بو مناور ... وتشكر علي ما تقوم به من جهد واضح لمساعدة الشباب ... ولكن ما يحز بالنفس هو كلام احد الادمنيه البارحه بالليل .... وهو يقول اللي يدخل روم ثانيه غير هذي الروم راح ينطرد من عندنا وينعطي باند ... ليش مو الواحد حر في التنقل بين الغرف ... أصلا هو يفيد او يستفيد بالتنقل لتعم الفايده علي الجميع ... والكل يقوم بمساعده اخوانه والله محد يترجي شيء غير الدعاء ... وللعلم يا اخوان ان بو مناور يضحي بماله للغرفه وبأغلب وقته علشان الشباب ينصحهم ويوجهم والله يجزاه خير واستفادو منه اغلب الشباب اللي كانو يدخلون ... وصحيح ان اغلب الاحيان يدخلون ناس لا لهم بالبورصة ولا الاسهم وهدفهم التشويش وهم ليسو بقله منهم من يغلط بالكلام ومنهم من يضع مواقع ممنوعه ومنهم .... والغرفه فيها كبار السن وفيها بعض الاخوات اللي محد يرضي بهذه الامور وهو صاحب الغرفه ولعلم الشباب أن حتي المحافظ والصناديق يدخلون ناس لمدح أسهم أو لذم أسهم لأهداف تضر بمصلحه الاخوان .

الله يوفق الجميع ،،،