مبروك للتاجر الزياده

[samak72]

http://alwatan.kuwait.tt/articledetails.aspx?id=261509

 

[9اوربيه]

ألف ألف مبروك للتجار واصحاب العقار على الثلاثين ألف بعد ما كانت 70 ألف ألحين 100 ألف وطبعا هذه الازيادة المواطن الفقير يدفعها لبنك التسليف والتجار راح يزيد سعر عقاره على حساب المواطن البسيط بس العتب على اعضاء مجلس الامه ألي حلفو اليمين بانهم يدافعون عن حقوق المواطن ويراعون مصالح الوطن ولكن للاسف لا هذا ولا ذاك بس علشان الصوت

 

[samak72]

طبعاً قبل سنة ٢٠٠٠ كانت السبعين تجيبلك بيت وتزيد وبانسبه للبنيان كانت تبنيلك ثلاث أدوار ولكن الأن حتى ١٠٠ ما تجيبلك ملحق ولا تبنيلك حتى دورين شنو الفايده من الزياده إلا لتنفيع التاجر على ظهر المواطن المسكين

 

[abualii72]

والله يا اخوان الحكومه ابتلشت
ان كان القرض 70 الف قلتوا ما يكفي
وان زادوه الى 100 الف قلتوا للتجار
قولوا الحمدلله بارك الله فيكم على النعمه اللي انتوا فيها

 

[ابوفيصل_]

دائما الي مو مستفيد دائما نجده معارض

في زيادة القرض الاسكاني

في اسقاط فوائد القروض

في رفع بدل الايجار

الا في رفع علاوة الاطفال والسبب الاغلبية مستفيد ة

 

[صقرالبحر]

اقترح منح المواطن مواد مدعومه بما يعادل 30 الف لضمان عدم ارتفاع الاسعار

 

[almellyarder]

السلام عليكم
عندي اقتراح ليش ماتنضاف الخرسانة الى المدعوم بحدود 500 متر ويكون الدعم مكتمل من الحكومة وفي هذه المرحلة يرتاح المواطن يبني ويأثث ولله الحمد

 

[q8_king1]

ماشفت احد موافق علي الزياده لا في تويتر ومواقع التواصل الاجتماعي وله في المنتديات اعقتد الحكومه اخطات يوم رفعت القرض الاسكاني واعتقد انه الحل معروف عند الكل وحله معروف واهو في طرح الاراضي او بناء المدن الجديده وليس بزياده الكاش و النتيجه معروفه زياده الاسعار والمشكله لم تحل الله يسامح المستشار الي شار عليهم

 

[صقر3]

الله يبارك فيك

 

[samak72]

والله يا اخوان الحكومه ابتلشت
ان كان القرض 70 الف قلتوا ما يكفي
وان زادوه الى 100 الف قلتوا للتجار
قولوا الحمدلله بارك الله فيكم على النعمه اللي انتوا فيها

ألف الحمد لله
بس هذي الزياده ما تنفع لازم الحكومه ما تزيد القرض بل لازم تدعم مواد جديده في هذا المبلغ لأن الكاش راح يأدي إلي زياده في أسعار مواد
البناء وراح تترك المواطن لقمه سهله للتاجر يتحكم ويرفع الأسعار ذيك الساع شنو فايدة الزياده

 

[samak72]

اقترح منح المواطن مواد مدعومه بما يعادل 30 الف لضمان عدم ارتفاع الاسعار

هذا هو الكلام الصحيح

 

[abualii72]

ألف الحمد لله
بس هذي الزياده ما تنفع لازم الحكومه ما تزيد القرض بل لازم تدعم مواد جديده في هذا المبلغ لأن الكاش راح يأدي إلي زياده في أسعار مواد
البناء وراح تترك المواطن لقمه سهله للتاجر يتحكم ويرفع الأسعار ذيك الساع شنو فايدة الزياده

يا اخوان بارك الله فيكم
اتركوا عنكم الحسد الزياده ماهي احتكار لاصحاب القسايم فقط حتى يطالبون بزيادة المدعوم ب30 الف لا
الزياده للجميع اللي يبني او يشتري بيت من حقه زيادة 30 الف وعسى الله يرزق الجميع
وقولوا الحمدلله رب العالمين

 

[samak72]

يا اخوان بارك الله فيكم
اتركوا عنكم الحسد الزياده ماهي احتكار لاصحاب القسايم فقط حتى يطالبون بزيادة المدعوم ب30 الف لا
الزياده للجميع اللي يبني او يشتري بيت من حقه زيادة 30 الف وعسى الله يرزق الجميع
وقولوا الحمدلله رب العالمين

أي حسد أخوي إحنا نتكلم عن الزياده وتأثيرها على الأسعار
إلي بيشتري بيت راح يرتفع عليه السعر وراح تشوف بعينك ولي بيبني أو برمم كذلك راح ترتفع ليه المواد يعني إحنا قاعدين نتكلم عن الكل لأن الكل راح يتضرر مو بس إلي يبي يبني قسيمته

 

[أبوسهم]

ناس ما يعجبها العجب
اللي يقول يبي مواد مدعومه ب 30 الف بدل الزياده اعتبر الزياده وقيمتها 30 الف للمواد المدعومه واعتبر الزياده كأنها لم تكن إلا جان اتفكرون تبنون قصور هذا شي ثاني وبعدين كل واحد يتكلم على نفسه لا اتعممون على الناس ترى اغلب الناس راضيه
بس حمدو ربكم على النعمه

 

[samak72]

لا حوله ولا قوة إلا بالله العلي العظيم
الناس دوختهم اللفلوس ما قاموا يعرفون الصح من الخطأ نقولهم تيس يقولون حلبوه

 

[abualii72]

لا حوله ولا قوة إلا بالله العلي العظيم
الناس دوختهم اللفلوس ما قاموا يعرفون الصح من الخطأ نقولهم تيس يقولون حلبوه

اخوي بارك الله فيك
غيرك مو محصل شقه وانت اتشرط ب 30 الف لازم تكون مدعومه لاسمنتك وحديدك علشان قسيمتك وبس
قول الحمدلله والشكر واحمد ربك على النعمه ترى النعمه زواله بارك الله فيك

 

[samak72]

الشباب إلي يقولون إحمد ربك على النعه أقولهم ألف الحمد لله على النعمه ولكن النعمه ممكن تنقلب إلا نقمه إذا ما وظفتها أو ما وضعتها في المكان والوقت الصحيحين

 

[أبوسهم]

اللي يقول تنقلب نقمه خل يخلي تفكيره لنفسه لأنه اللي يقول هالكلام لو يحطون له الشمس على يمينه والقمر على يساره ما يملي عينه شي
الواحد المفروض يقول الف شكر وحمدالله على النعمه اللي احنا فيها واحنا محسودين من وايد ناس على العز اللي عايشين فيه غيرنا مو محصلين غرفه يعيشون فيها اقول بسكم تفلسف واللي مو عاجبه يشرب من البحر

 

[الدكتور بو فيصل]

يا جماعة ، تحمدوا الله سبحانه على النعمة ، وتركوا عنكم التحلطم .

 

[q8_king1]

يا جماعة ، تحمدوا الله سبحانه على النعمة ، وتركوا عنكم التحلطم .

مادري اذا عندك فكره عن الدستور او اطلعت عليه تره في قانون بالدستور يكفل السكن للمواطن الكويتي وتوفير بيت..... بالوقت الحاضر صار المواطن ينتظر 18 سنه واكثر وحتي اخوانا الي اشترو في شرق القرين باسعار خياليه مايقدرون يسكنون بسبب نقص الكهرباء ومحتاجين لايقل عن سنه ونص حتي توصل الكهرباء ولما يصير ايجار الكويتي 550 دينار وللمعاريس فقط ومعه هذة نحمد الله ونشكره لاكن المطالبات واجبه علينا الانه الوضع من سيء الي اسوء