الشاطر اللي يشتري باكر

[سرور]

الشاطر ينام على الكاش وينطر ورا حكم المحكمة الدستورية ويشوف تأثيرها على السوق
والفرص ماتنتهي بس اهم شيئ عندك سيولة تقدر تشتغل فيها

هذيل سبقوا حكم المحكمة اتغدوا فينا قبل مانتعشى فيهم

 

[الحبترى]

​

السلام عليكم ... الحقيقه النزول الدموى اليوم كان مباغت من صناع السوق والمضاربين الكبار وكان عكس التوقعات نزول الأربعاء والخميس والجميع ظن ان بداية الارتداد من اليوم , وجهة نظرى المتواضعه وانا لست بمحلل فنى , ولكن , راقب أسهمك ودعوماتها القادمه ومراقبه لصيقه للمؤشر السعرى وان حافظ على 8000 نقطه باقفال اتوقع والعلم عند الله بداية ارتداد السوق ونعود للايجابيه . وبالتوفيق للجميع ​

 

[فارس777]

طبعا يااخوان الشاطر اللي يشتري باكر للاسهم اللي يعرضون من اول الافتتاح بالشراء بالحد الادني وخصوصا للاسهم للي اسعارها قليله وماخذت حقها بالارتفاع فكلامي مو تاخذ اي سهم وتقول شاطر. لان اختيار السهم قناعه شخصيه انا عن نفسي بطلب هتس تلكوم حد ادنى او فوقه بشوي لاني مقتنع انه ماراح ينزل نزول كبير لان سعره وقت ماكان السوق طايح ب60 فلس وبكره اذا صدته ب70 فلس حلو وماعليه خوف ويمكن يرتفع خلال الجلسه والا الجلستين اللي وراها خصوصا ان قيمته الدفتريه عاليه 140 فلس. طبعا هذا على سبيل المثال وفي اسهم غيره حلوه وانا اتكلم عن المضاربين اما المستثمرين اذا اشتراه وصاده بكره خله يحط ببطنه بطيخ صيفي والمسثمر ماراح تفرق معاه اذا نزل فلس ولا فلسين بس اذا عدل السوق يمكن يصيده بالسعر الحالي ويمكن مايصيده والعلم عند الله

 

[Latino]

احدن يقول بيع واحدن يقول اشتر
واحدن يقول تصحيح واحدن يقول إنهار
احترت من هذا وذاك وراسي أنا افتر
نصبر والا نبيع وننحاش بجم دينار
يالله من القادم على سوقنا .. تستر
خسرنا أو ربحنا .. هي كلها أقدار

 

[الجولاني]

انا اتوقع تم تنزيل السوق علشان المحافظ الاجنبيه لان وجودها مهم لدعم السوق وضخ السيوله​

​

وطبعا هالمحافظ الملياريه ماراح تشتري اسهم بالقمم ​

​

وثانيا حتى لو كانت نظرتي خاطئه .... انتو ماحسبتوا حساب هالمحافظ انها على اهبة الاستعداد لشفط الاسهم كلها في لمح البصر​

​

طبعا كلامي ليس دعوه للشراء ولا لعدم البيع كلن عقله براسه ويعرف خلاصه ​

​

والاهم من ذلك ان حتى لو السوق صحح ودخل في موجه هابطه ماراح يضر السوق بشكل عام لان التصحيح يختلف عن الانهيار​

​

وفي الايام السابقه قبل الانهيار كان السوق يصحح وتشوف اسهم معلقه واسهم مرتفعه ارتفاع معتدل واسهم هابطه لان المعني بذلك هي الاسهم القياديه​

​

اما الي صار اليوم محض تمثيل او اسباب خفيه لايعلمها الا الله تعالى ثم المطلعين على بواطن الامور​

​

والله تعالى اعلى واعلم​

 

[alwahdani]

أخوي الظاهر قصدك الشاطر اللي ينحاش باكر ؛) إذا قدر

 

[الجولاني]

أخوي الظاهر قصدك الشاطر اللي ينحاش باكر ؛) إذا قدر

ههههههههههههه

الله يفرح قلبك مثل ماضحكتني