شركة يونيكاب ش.م.ك مقفلة ( يونيكاب )

[راجي الجنه]

شنو الوضع

 

[الاثمار]

شنو الوضع

ان شاء الله اليوم يتحرك

 

[راجي الجنه]

ان شاء الله اليوم يتحرك

ماتمت ولاصفقه ههههه
ماشاءالله

 

[basharele]

شنو هالسهم ...يخرب بيته

 

[السور]

يتحرك مع حركة السوق
السهم عنده توزيعة لازم يصعد

 

[fah00d]

يا ليل ما أطولك

 

[بوسعود]

وشلون تمشى الـحمسه ​

 

[راجي الجنه]

ماراح يرتفع الا لما يدخل مالك جديد ب25%

 

[بوسعود]

السهم مو مثل اول يصعد اذا دش مالك جديد
وهذا اللى لاحضناه من دخول سند القابضه والجون
المتحده بنزول السهم واعتقد نزول السهم تـحت 50 فلس
وماحصل اليوم الى سعر 49 فلس هو تصريف وخاصه اللى قط
3 ملايين على سعر 49.5 مع ان السهم اموره طيبه بس ملاكه فيهم
حسد وبخل ومايبون وياهم احد من الصغار ويبون يطلعونه من السهم !!

(( يونيكاب 49.5 3,150,000 10:38:44 ))​

 

[fah00d]

السهم مو مثل اول يصعد اذا دش مالك جديد
وهذا اللى لاحضناه من دخول سند القابضه والجون
المتحده بنزول السهم واعتقد نزول السهم تـحت 50 فلس
وماحصل اليوم الى سعر 49 فلس هو تصريف وخاصه اللى قط
3 ملايين على سعر 49.5 مع ان السهم اموره طيبه بس ملاكه فيهم
حسد وبخل ومايبون وياهم احد من الصغار ويبون يطلعونه من السهم !!

(( يونيكاب 49.5 3,150,000 10:38:44 ))​

اختلف معاك بوسعود ..

لا يمكن ان يكون التصريف بهذا الشكل ..

انا متابع يومي لهذا السهم ..

تم طلب ٤ مليون اليوم لكي يتم التبادل بعلم مسبق بين الطرفين ..

لو كان عرض كميه كبيره بسعر اعلى من سعره الحالي .. سوف يوحي للمضاربين بأن هناك صعود ويتم دخولهم والتصريف عليهم ..

اما اللي صار اليوم عكس ذلك .. طلب بسعر منخفض ومن ثم البيع عليه

 

[بوسعود]

اختلف معاك بوسعود ..

لا يمكن ان يكون التصريف بهذا الشكل ..

انا متابع يومي لهذا السهم ..

تم طلب ٤ مليون اليوم لكي يتم التبادل بعلم مسبق بين الطرفين ..

لو كان عرض كميه كبيره بسعر اعلى من سعره الحالي .. سوف يوحي للمضاربين بأن هناك صعود ويتم دخولهم والتصريف عليهم ..

اما اللي صار اليوم عكس ذلك .. طلب بسعر منخفض ومن ثم البيع عليه

اوكى دام السهم اموره طيبه للى قط 4 ملايين على الطالب بسعر 49.5
ليش يبيع اسهمه ولو بينهم اتفاق يعنى ليش يخسر نفسه بهالكميه هذى
وللعلم كمية كبيره ومااعتقد انه مضارب او مستثمر للمدى القصير ولكن
السؤال ليش باع ومن شنو خايف ليش ماباع ايام سعره 57 و62 الا اذا
اللى باع التأمينات اللى نزلت حصتها وهى الاكبر من 22 الى 14 بالميه
لناس معينه وهذا اكبر فساد تم يعنى التأمينات شاريه السهم بسعر 105
وهى مو مـحتاجه سيوله على شان تبيع بس من عقب سالفة فهد رجعان
وعقب استقالة رئيس مجلس ادارتها عبدالله جابر الاحمد بدت التأمينات
بالبيع بخساير بأسعار من 50 فلس وللعلم ان صعود السهم من 50 الى
57 و 62 كان من بيع من الروضانا الى سند قابضه الى شركة الجون
الشركه عليها حكم بسداد فوق مليونين الى خاجه وصدر حكم يوم الاحد
9/4/2017 وقبلها حكم 400 الف من على طراد من شهر او اقل وهم
رفضت المـحكمه تظلم للشركه على شركة الفوارس دعوى حجز تـحفظى
وفيه دعوى على الشركه من بهبهانى ورفضت وكل القضايا مستمره الى
اخر درجات التقاضى ونرجع لسالفة التصريف يعنى اللى قط اربع ملايين
سهم ماباعهم نتجية جنى ارباح لان السهم صارله 7 شهور سعره فوق
50 فلس ولكن صرف على الشارى ومهما كان الاتفاق بينهم كون سعر
49.5 خساره للبايع لامـحاله والتصريف نوعان اذا ماخانى التعبير ربـح
وخساره لوجود خطر قادم وباع خوف ينزل السهم الى مستويات دنيا انا
مو ضد السهم ولا اكره الناس فيه كونى املك فيه نسبه لايستهان فيها
المهم ننطر توزيعتهم واعلان الربع الاول من هالسنه وتالى لنا رجعه
ولما ذكرت السهم اموره طيبه على شان عندهم سيوله 8 مليون ووزعو
5 بالميه منـحه ولكن امور القضايا اللى عليهم يدل عليهم التزامات دين !​

 

[بوسعود]

اليوم ولا صفة وحده ولو بفلس على سعر 50
وشنو هالتداول اللى يوحى ان اغلب العروض حق
واحد وربعه يعرضون ويطلبون ويتلاعبون على كليفهم
تداول اليوم 300 الف سهم على مجموع قيمة 15 الف دينار
انا خابر اذا السهم اعطى توزيع نقدى ولا منـحه يرتفع مو ينزل
الشركه لو فيها خير وهى كويتيه وداشه فيها التامينات اعلى كميه
المفروض يرأسها كويتى مو اجنبى ويرفع سعرها دام يدعون بالسيوله​

 

[fah00d]

طول بالك بوسعود .. عطه فرصه ان شاءالله يرد فوق ٥٠

 

[بوسعود]

طول بالك بوسعود .. عطه فرصه ان شاءالله يرد فوق ٥٠

يونيكاب 48.5 252,450 10:04:01
يونيكاب 48.5 10,492 9:06:46
يونيكاب 48.5 150,000 9:05:11

اقول يافهود للـحين مختلف وياى القط صار على 48.5 وعقبال
سعر 45 و 40 شركات العفن عمرها ماتطهر وانت خلك برايك​

 

[fah00d]

لاتحاتي بوسعود .. اعتقد تم نفض السهم بالكامل لا يوجد فيه أي مضارب ... انا كميتي اكثر من كل اللي انباع اليوم !

بعطيه فرصه الاسبوع القادم ..

واذا ما تلحلح .. سوف اتخارج جزئيا من السهم
( حسب وضع السوق والفرص الموجوده).

على كل حال الشركه بياناتها ممتازه بعد تخفيض راس المال وافضل من غيرها بكثير والشيء الايجابي ايضا توجه الشركه لمجال الغذاء والتعليم .. المجالات الدفاعيه التي لا تتأثر بالأزمات

اما عن السهم ف الاكيد ان راح يجيييله يوم

والله يوفق الجميع

 

[راجي الجنه]

ضدهم حكم ولهم حكم درجة اولى

 

[fah00d]

ضدهم حكم ولهم حكم درجة اولى

بهالحاله لازم يلعبون بلنتيات بالمحكمه

 

[راجي الجنه]

ضدهم http://cis.boursakuwait.com.kw/Portal/NewsPDF/232UNICAP94201710312605.pdf

لهم
http://cis.boursakuwait.com.kw/Portal/NewsPDF/232UNICAP1342017141310171.pdf

 

[بوسعود]

تـحليل مختصر من الاخ الاستاذ البغدادى بو احمد


اسكان .. سهم تقريبا مو قاعد اشوفه بالتداول نهائيا .

مع العلم انه ماليا تعدل بشكل كبير .

عموما نكلم فنيا .

السهم اول مقاومه جدامه عند 49.5 .. وتمتد الدعومات الى 52 فلس .

اغلاق وثبات فوقها بشارة خير .

اما في الوضع الحالي فالسهم يتداول بين المتوسطات بوضع مضاربي ايجابي .

ولكن بسبب انخفاض السيوله فالمضاربه في السهم شبه مستحيله .

حالي ال 48 تمثل حد البولنجر السفلي على اليومي .. وهو دعم هش .

الدعم الاساسي للسهم بوجهة نظري المتواضعه عند 44 .

ويجب ان انوه انه هناك فجوه على 41 تقريبا .. ارجو التاكيد منها .


تلخيص :

بما انه السهم ليس مضاربي .. فالحديث عنه في الوقت الحالي ماله داعي وخطر ، الا في حال الاغلاق والثبات فوق ال52 فلس .

الا ان تحديد الدعوم الرئيسيه للسهم ستجعل من الحديث عنه امر مهم ومستحق .

الدعوم القادمه هي 44 فلس على اليومي .. 41.5 على الاسبوعي واخير 38 .. 45 على الشهري واخير على 40 فلس .

هذه جميع النقاط المتمثله كدعوم للسهم ... وتبدا السلبيه بالاغلاق تحت 44 فلس على اليومي وبذلك يحق لنا الحديث عن باقي الدعوم على الاسبوعي والشهري .

هذا رايي المتواضع والله تعالى اعلم


منقول لعل تعم الفايده​

 

[fah00d]

كلام بو أحمد يأكد كلامي أن السهم خالي من المضاربين ..

اليوم كان في شراء على 49 و 49.5 بالرغم من تذبذب السوق .. وقبل يومين كان في شراء على 48

ليس تطبيل ولكن رؤيتي المتواضعه أن الشراء أكثر من البيع

مواعيد مهمه لتحديد مسار السهم للفتره المقبلة :
-الجمعية العمومية السنوية
- اعلان الربع الأول