@@@ ديوانية المؤشرنت اليومية @@@ ... 2

[رابح رابح]

اليوم اللي كان يملك الكاش مايدري اي سهم يأخذ من كثر العروض المغرية بالحدالادنى ، قمنا نتخطرف يمين شمال ،،، لا هذا لاهذاك

والله اعلم شنو يصير باجر

دخلنا وامرنا لله اولاً واخيراً

بوعبدالله عندي كاش ١٢٠دينار
شرايك ينفعون اخذ فيهم اسهم ١٠ شركات ونزل لكم السوق

 

[رابح رابح]

عملية جراحية ناجحة للأمير ونتائج الفحوصات مطمئنة​

الإثنين, 03 مارس 2014
قال الديوان الأميري إن صاحب السمو أمير البلاد الشيخ صباح الأحمد أجرى الفحوصات الطبية المعتادة في أحد المستشفيات في الولايات المتحدة الأميركية، وكانت نتائجها بفضل الله تعالى ناجحة ومطمئنة، كما أجرى سموه عملية جراحية بسيطة تكللت بتوفيق الله وفضله بالنجاح، وسوف يغادر سموه المستشفى بمشيئة الله تعالى بعد فترة النقاهة المعتادة. سائلين المولى جل وعلا أن يديم على سموه موفور الصحة وتمام العافية.

 

[الصيااااااد]

بوعبدالله عندي كاش ١٢٠دينار
شرايك ينفعون اخذ فيهم اسهم ١٠ شركات ونزل لكم السوق

خلاص بوخالد هذه الحجة بطلت عقب اليوم

شوف سينما مرتفع ٣٠ فلس

وبورتلاند مرتفع ٦٠ فلس

ويوباك مرتفع ٤٠ فلس

ومع ذلك مافية مقارنة بأسهم اخرى منخفضة ماعدى فلكس ٣٠ فلس هبوط

 

[الصيااااااد]

البيع واضح والتخارج واضح

إن شاء الله ونأمل من الله العقلان باجر

الله يهونها ويردون اللي طلعوا

لااروح وطي دخلت اليوم

 

[الصيااااااد]

@alshahednews: بيع 3 محافظ مالية في مزاد علني http://****/eP5OLyOeI7

​

ياجماعة الخبر هذا شنو يقصد ؟؟؟

وليش ماحطوة بالاعلانات ؟؟!!

 

[الصيااااااد]

فندوة نبي شفافية اكثر

 

[قاروه]

بوعبدالله عندي كاش ١٢٠دينار
شرايك ينفعون اخذ فيهم اسهم ١٠ شركات ونزل لكم السوق

انا أقول أخذالجماعه وغدهم او عشهم ونفسيتك تكون حد اعلى

 

[Now]

اليوم مزاجي أمشي وأوزع لايكات على المشاركات بالمنتدى

المهم: قطر .. ابوظبي .. دبي .. بدأ التصحيح

وسوقنا الدايخ ما عندي تعليق عليه ..

 

[Now]

بس نقطة صغيرونه .. لازم تنقال:

اليوم لاحظت ان اغلب اللي عندهم اكاونتات بتويتر وما يتكلمون عن البورصة .. داشين البورصة .. وكلهم يتحلطمون بنفس الوقت
الحين باقي شغلة وحدة .. اللي اهي تعتبر "شعلة" انطلاقة السوق .. مانشيت واحد او خبر بالصفحة الاولى لأحد الجرايد عن (انهيار السوق)

 

[رابح رابح]

انا أقول أخذالجماعه وغدهم او عشهم ونفسيتك تكون حد اعلى

هلا هلا باخوي
اغديهم صعبه ريوق يمكن
بطاط وفوقه كتشب علشان نتخيل البطاط المساهمين والكتشب المؤشر احمر مسيطر

 

[رابح رابح]

بس نقطة صغيرونه .. لازم تنقال:

اليوم لاحظت ان اغلب اللي عندهم اكاونتات بتويتر وما يتكلمون عن البورصة .. داشين البورصة .. وكلهم يتحلطمون بنفس الوقت
الحين باقي شغلة وحدة .. اللي اهي تعتبر "شعلة" انطلاقة السوق .. مانشيت واحد او خبر بالصفحة الاولى لأحد الجرايد عن (انهيار السوق)

بوعادل الله يعيني اليوم على الدوانيه خاصة البواليل بيزفوني زف وبيقولون لي قلنا لك بس انت راسك يابس ماتطيع
شكلي ماني رايح الدوانيه الاعقب مايرتفع السوق
.. حق الشماته ياسعد

 

[سرور]

البيع واضح والتخارج واضح

إن شاء الله ونأمل من الله العقلان باجر

الله يهونها ويردون اللي طلعوا

لااروح وطي دخلت اليوم

اليوم رحت السوق اشتري
قال لي الوسيط اصبر .. راح تحصل أسعار أحسن وماشريت
ايش رايكم لأني مقتنع حيل بالأسعار الحالية ؟!

 

[سرور]

بوعادل الله يعيني اليوم على الدوانيه خاصة البواليل بيزفوني زف وبيقولون لي قلنا لك بس انت راسك يابس ماتطيع
شكلي ماني رايح الدوانيه الاعقب مايرتفع السوق
.. حق الشماته ياسعد

اذا رحت الديوانية قول لهم سمعت النصيحة وبعت واذا شربت الشاي وخلص الوقت
قول لهم الصج ..
وهني ماراح يلحقونك للسيارة

 

[Now]

اليوم رحت السوق اشتري
قال لي الوسيط اصبر .. راح تحصل أسعار أحسن وماشريت
ايش رايكم لأني مقتنع حيل بالأسعار الحالية ؟!

من الصعب جدا ان شخص يقولك اشتر وبيع

لكن لو انا منك .. انتظر حتى تتضح الرؤية !

 

[رابح رابح]

اذا رحت الديوانية قول لهم سمعت النصيحة وبعت واذا شربت الشاي وخلص الوقت
قول لهم الصج ..
وهني ماراح يلحقونك للسيارة

سرور بدور لي دوانيه يعطوني لجوء اقتصادي

 

[Now]

S&P 500 Futures
5 minutes charts

 

[سرور]

سرور بدور لي دوانيه يعطوني لجوء اقتصادي

فيه ديوانية مادري مقهى بالمنطقة الحرة
كلامهم كله عن البورصة
هذي تصلح

 

[سرور]

من الصعب جدا ان شخص يقولك اشتر وبيع

لكن لو انا منك .. انتظر حتى تتضح الرؤية !

اظن بعض الوسطاء عندهم اخبار افرش

 

[الصيااااااد]

اليوم رحت السوق اشتري
قال لي الوسيط اصبر .. راح تحصل أسعار أحسن وماشريت
ايش رايكم لأني مقتنع حيل بالأسعار الحالية ؟!

والله ياسرور على حسب السهم ، وانت سيد العارفين

 

[رابح رابح]

اظن بعض الوسطاء عندهم اخبار افرش

الوسطاء مساكين مايدرون شالسالفه بروحهم يسئلونك وياخذون الاستشاره منك
الوسطاء يفيدونك بشغله وحده مهمه انهم يعرفون الكبار يقطون او يجمعون