بنك وربة الإسلامي...... ( بنك وربة )

[wiiner]

مقاومته صار اسمه (سهم بنك ورطه)

 

[بوسعود]

انا مااشره على هالناس اللى قاعده تبيع كون السهم منحه ولاعندهم درايه بالاسهم على بالهم منحه اميريه كاسابق عهد المنح الاميريه ولكن اشره على الهيئه العامه للاستثمار اللى هى الوحيده اللى تملك فيه يعنى بنك حكومى بحت يشوفون سهمهم ينزف وهم يتفرجون يعنى هذولى اهل التنميه والاقتصاد ؟!
نصيحه اللى يبى يستثمر يشترى دام بهالاسعار وينساهم يطلعون له نقدى ومنح دامه سهم اسلامى وبلا وجع راس وقلب من مضارب بسوق ورقى بحت ولا إن صح المعنى سوق اللصوص على بابا وحراميته .

 

[صقر2010]

مشكله أهل المنحه!!!

 

[سرور]

مايمديه يصير مقاومه السهم توه طالع من الحفيز
مقاومه والسهم توه نازل السوق

صبحك الله بالخير يالغالي
انا اعتبرها مقاومة .. تدري ليش ؟!
الحين نسبة كبيرة متحسف على سعر 425 انه ما باع ويتأملون يرجع
ولذلك اعتبره مقاومة وننتظر الدعم
تحياتي

 

[fahadeg]

صائدو بنك وربة يتلاعبون بالصغار!
تراجع سهم بنك وربة مع نهاية جلسة الامس لاول مرة منذ تداوله للبورصة مع تراجعه الى 375 فلساً بعد ان بلغ الحد الاعلى بـ 425 فلساً الا ان الضغوطات البيعية والمضاربية بدأت تلعب بالسهم من اجل تجميعه رغم زيادة طلبات الشراء.
وكان آخر سعر تداول على السهم قد بلغ 375 فلسا في حين بلغ أعلى سعر اليوم 425 فلسا وأقل سعر 375 فلسا وبلغت كمية الأسهم المتداولة على السهم 37.9 مليون سهم عبر 9557 صفقة بقيمة نقدية متداولة بلغت 15.7 مليون دينار.
وقال محللون لـ (النهار) أن السهم تحرك من 300 فلس خلال اربع جلسات وبلغ 400 فلس الا ان التراجع يعود الى الخوف بالاضافة الى قيام من استحوذ على سوق الاسهم في سوق الجت باسعار 140 و150 فلساً بدءاً في البيع لتحقيق ارباح وهو ما استغله المتداولون.
وقال محللون ان هناك من يتلاعب بالسهم ويضع علامات استفهام حول طلب 10 ملايين سهم يوميا قبل المزاد بدقيقة واحدة وهو امر قانوني ولكن ان يتكرر السيناريو خلال الاربع جلسات الماضية فلابد من متابعة ذلك مع الجهات الرقابية طبقا لنص المادة 122 من قانون هيئة اسواق المال لانه يعطي ايحاء رغم ان الهيئة سبق ان قامت بمحاسبة كثير من المضاربين على ذات الافعال مسبقا.

المصدر: Mubasher - AR

 

[حفار قبور]

مساع مريت يم مبنى البورصة وإلا الزحمة ما شاء الله فوق التصور

بالعذر ينزل السهم للحد الأدنى

 

[sound blaster]

تم البيع 350 .. وجاري شراء احذيه ماركه بقيمة السهم

شكرا على المنحه

ونتمنى ارتفاع السهم للي ماباع

 

[القناعه كنز]

مادامه معروض بالكميات الحاصله الان ما اعتقد المجموعات الاستثماريه تشتري
ينتظرون الى يوم الخميس ويشترونه بسعر 300 فلس او الاسبوع الجاي
في امل انهم يحصلون عليه 250 فلس

 

[sound blaster]

الي كان موجود بالبورصه ويشوف المعروض وحال الناس .. راح يعرف ان السهم متوجه ال 250

 

[BOAHMAD]

المنطق يقول سوف يتركون السهم ينزل دام في ناس ترغب البيع
الله العالم رايح للربع دينار

 

[wiiner]

الله يستر

 

[سرور]

الي كان موجود بالبورصه ويشوف المعروض وحال الناس .. راح يعرف ان السهم متوجه ال 250

خلصت الحفلة
مابعنا ولاسوينا .. الله كريم

 

[sound blaster]

خلصت الحفلة
مابعنا ولاسوينا .. الله كريم

مالومك .. انا من ثلاث ايام ابيع ونفس المشكله تتكرر من المقاصه ويتوقف البيع ..!

.. ولما بعت بعد جهد جهيد .. وحسيت اني كنت في هم وانزاح ... ورحت لمطعم البلد اتريق .. اتصلوا علي تعال وقالوا تعال في خطا ولازم اوراق التحويل الخ الخ ..ماكملت اكلي ورجعت لهم ...

على العموم الجميع مستاء ومتضايق بسبب المهزله والمذله .. وكان الحل بمنحه ماليه قدرها 200 دينار .. منها ماتخرب البورصه وتصير سوق الجمعه مثل الي صاير .. ومنها الواحد يقتنع وياخذ فلوسه بكرامه ..

لسان حال الموجودين يقول ابيع بخساره 350 ولا أبيع بكره ب 70 فلس .. هذه قمار مباح ...والقمار ماله أمان

قمة المهزله في البورصه .. ناس متبطحه على السلالم وشياب يزحفون .. وحريم يتزاحمون ..

اعتقد أن فكرة الأسهم كانت غبيه ومخالفات وتعب البيع .. ماتسوى المبلغ ..

 

[مجد 91]

السعر العادل للشراء 300فلس وانتم بكيفكم

 

[الكوتي]

السعر العادل 100فلس

ههههه

هو بكيفكم

القيم الدفتريه 91 فلس

وخسران مليونين

 

[نوماس 1972]

السلام عليكم يا أخوان اليوم رحت للبورصه الساعه 8:50 عرضت اسهمي لليع بسعر 350 فلس وكانت الكميه المعروضه 2.600.00
المهم وصل عدد الصفقت 2.800.00 وراجعت المكتب قال لم تتم الصفقه قلت مايصيرانا راجعت بالايفون ودخلت ع موقع البورصه كانت الكميه مليونين وستمائه الف يعني انباعت قالو لم تتم الصفقه لين قفل السوق المهم الحين فتحت اللاب توب انا مشترك اون لاين ابيع واشتري بالبيت لقيت المحفظه فيها 1.677.605
مكتوب القوة الشرائيه يعني اقدر اشتري بهالمبلغ وانا كان عندي بلمحفظه فقط 6 دنانير فهموني هل تمت الصفقه ولا ويش ؟ جزاكم الله خير أرجو الأفاده

 

[سرور]

السلام عليكم يا أخوان اليوم رحت للبورصه الساعه 8:50 عرضت اسهمي لليع بسعر 350 فلس وكانت الكميه المعروضه 2.600.00
المهم وصل عدد الصفقت 2.800.00 وراجعت المكتب قال لم تتم الصفقه قلت مايصيرانا راجعت بالايفون ودخلت ع موقع البورصه كانت الكميه مليونين وستمائه الف يعني انباعت قالو لم تتم الصفقه لين قفل السوق المهم الحين فتحت اللاب توب انا مشترك اون لاين ابيع واشتري بالبيت لقيت المحفظه فيها 1.677.605
مكتوب القوة الشرائيه يعني اقدر اشتري بهالمبلغ وانا كان عندي بلمحفظه فقط 6 دنانير فهموني هل تمت الصفقه ولا ويش ؟ جزاكم الله خير أرجو الأفاده

أفضل شيء مر بكرة مكتب الوسيط وخذ ورقة حسابك
وراح يبين .
بس من كلامك انها تمت لان فيه رصيد

 

[الراقي]

بداية السيل نقطة
كل يوم راح يزيد الضغط وفي ناس ماعندها مانع تبيع بأي سعر
اذا مافي تنافس على السهم بين اكثر من طرف سلم على السهم ريمكن ينزل بسعر مايخطر على البال

 

[نوماس 1972]

بداية السيل نقطة
كل يوم راح يزيد الضغط وفي ناس ماعندها مانع تبيع بأي سعر
اذا مافي تنافس على السهم بين اكثر من طرف سلم على السهم ريمكن ينزل بسعر مايخطر على البال

الرابح المركز الأول سوق الجت لأنه الكميات الي تنعرض لليع من 70 الف وانت صاعد يعني منهو عنده 50 طفل ع شان يكون عنده هالعدد هذا سوق الجت شرا من 70 فلس لغايه 140 وعليك الحساب يعني ماعنده مانع يبيع لو 180 فلس

 

[Q8_POOS]

السلام عليكم يا أخوان اليوم رحت للبورصه الساعه 8:50 عرضت اسهمي لليع بسعر 350 فلس وكانت الكميه المعروضه 2.600.00
المهم وصل عدد الصفقت 2.800.00 وراجعت المكتب قال لم تتم الصفقه قلت مايصيرانا راجعت بالايفون ودخلت ع موقع البورصه كانت الكميه مليونين وستمائه الف يعني انباعت قالو لم تتم الصفقه لين قفل السوق المهم الحين فتحت اللاب توب انا مشترك اون لاين ابيع واشتري بالبيت لقيت المحفظه فيها 1.677.605
مكتوب القوة الشرائيه يعني اقدر اشتري بهالمبلغ وانا كان عندي بلمحفظه فقط 6 دنانير فهموني هل تمت الصفقه ولا ويش ؟ جزاكم الله خير أرجو الأفاده

نعم تمت الصفقة
راجع حركة المحفظة اللي عندك وتشوف