سؤال الله لا يهينكم ... عن شركة الاتحاد للوساطه

[قناص_السوق]

اخواني وين اماكن شركة الاتحاد للوساطه ؟و تنصحون فيها وشلون تداولهم الالكتروني ؟ وعندهم تداول الكتروني مجاني ؟؟؟
وكذلك وين اماكن شرق للتداول ؟؟؟ وعندهم الكتروني ولا لأ و اي شركه احسن ؟


وعندي سؤال ثاني ...
ليش في ناس يفضل تكون محفظته بأسمه ؟
وفي ناس يفضل تكون المحفظه الخاصه فيه بأسم شركة الوساطه ؟

وسؤال ثالث و اخير الله لا يهينكم ...
انا اليوم رحت البورصه الدور الاول كنت بفتح حساب تداول و كان زحمه و طق عصي و في شركات تقول ما عندنا عقد تداول خلص من الزحمه ..
بعدها رحت شركة وساطه بس ما ادري افكر بالاتحاد او شرق للتداول ..... طبعا فتحت حساب تداول الكتروني معاهم وقالي مجاني تتداول الكتروني و بفلوس شهريا 20 دينار اذا تبي اسعار السوق تطلع عندك في برنامج التداول .... وماكان في زحمه ولا اللويه الي شفتها بالبورصه .

انزين السؤال
ليش في ناس تروح مبنى البورصه عشان تشتري وتبيع و توقف بالزحمه و طق عصي و مذله ؟ ليش ما يتداول الكتروني بشركة وساطه خصوصا في شركات تداولها بلاش و اسعار السوق من موقع البورصه يقدر يحصلها ؟؟؟ شنو السبب

 

[بو فلاح]

السلام عليكم انا اتداول معاهم الكتروني من ٥ سنوات والله جيد واذا تعطل السستم يضبطونه اول ما تتصل عليهم
هناك مكتب خارج السوق العماره المقابله للبورصه المكتب مقابل باب دخول البورصه واضح واهم شغالين الى ١٠ الليل وممكن ١٢ واللي يشتغلون بالاتحاد راقين في التعامل عندهم نظامين الاول مرتبط مع البنك التجاري لو عندك حساب بالتجاري وهذا يسهلك عملية السحب التحويل من المكتب الى البنك واسمه بورصة التجاري
الموقع الثاني
الاتحاد للوساطه الماليه نفس السستم بس في حال البيع تستلم فلوسك شيك
وفي السلام ختام

 

[نوط بو20]

مثل ما قال الاخ بوفالح الله يحفظة
وانا اتداول معاهم من زمان بصراحه جميع الموظفين راقيين ومحترمين بالمعامله
وعلى طول يردون عالتيلفونات اللي توصلهم ولا مره تنرفزت ولا تضايقت منهم ....... والتداول الالكتروني(اللي على الايفون) اتوقع متشابه لجميع شركات الوسطه تقريبا
الظاهر اللي مسوي البرنامج بايعه على الجميع .

والله يوفق الجميع

 

[نوط بو20]

عذرا الاخ بوفلاح
حاولت اعدل المشاركة بس ما مشى وياي الموضوع

 

[قناص_السوق]

الله يعطيكم العافيه جم رقم تلفونهم لاني طلعته من النت و ادق عليهم محد يرد كلش نهائيا استغرب انتو بسرعه يردون عليكم ؟؟؟؟ 1837777 على هالرقم دقيت
على فكره حسابي التجاري

... وممكن الله لا يهينكم احد يجاوب عالسؤال رقم 2 و 3 ؟

 

[بو فلاح]

اليوم مشغولين مع الدمج اهم فاتحين العصر حق العملاء جزاهم الله خير
الارقام 22901999
22901918

 

[بو فلاح]

على فكره يا اخي الكريم الاتحاد التداول مجاني ما في رسوم على التداول الالكتروني

 

[حسين المسحمي]

بالنسبه لشركة الاتحاد انا اتداول فيها ممتازه وسلاسه وخدمه ممتازه ونادر ماتشتكي منها امورها تمام وبساطه

 

[قناص_السوق]

رحت الشركه و التقيم صفر ​

سستمهم معقد و موظفين مالهم خلق يشتغلون ولا انصح بها ابدا عيل موظف اسأله اخوي اشلون امول حسابي يقولي تييب ايصال اقوله انا اول مره شنو يعني ايصال يقول روح البنك قولهم ابي ايصال للمقاصه يفهمون لك و خلاص اقوله وبعدين يقول تييبه لي وبكل صراحه يقول أو تربط حسابك البنكي بحسابك مال المقاصه بس ما انصحك لان لازم تدق علينا و احنا مشغولين ما نرد خوش موظف والله و نفسيه حده ... و اقوله اشلون اعرف حسابي مال المقاصه واذا بربط اكيد البنك بقولي جم رقم حسابك يقولي بالسستم يبين عندك حست بالسستم ما لقيت والله ما ادري اي سستم يقصد الحبيب عباله انا هامور بالسوق ... شكرا لكم .... كمتداول جديد ابعد عنها لانها ستكون بداية خساره لك و شكرا

ولا بموقعهم كاتبين عندهم دورات تدريبيه وساعات عمل تدريب على برنامج التداول اسأل الموظف يقول لا ماكو جذي ؟؟؟

سياسة تكسب عملاء ولا شنو ؟؟؟


نصيحه ابتعدو عن الاتحاد الظاهر اشبعو من العملاء ... على فكره يا شباب الي يبي يربح لا يشتري اقل من 160 سهم نهائيا في حال توقع صعود لنقاط الحد الاعلى و لا بعد هذا لو كان الشركه سعرها تحت 400 فلس ولا ترى 100% تخسر لان القانون اليديد ما هو الا لمص دماء الفقراء و الي يبي يدش بدينار و على قد حاله يا دعم عماله او طالب جامعه .