صفقة عقارية بقيمة 190 مليون دينار

[بن جمعان]

قولي جم رقم العمارة وبأي قطعة وانشالله يوصلك الجواب -- لأن في أرض بجانب المطعم عاليسار
على الشارع الرئيسي انبنت فيها ثلاث عمارات - أخاف تقصد هذوله !!

 

[نوخذه]

السلام عليكم
ورثة منو ؟؟؟؟؟
هل انت طول عمرك شفت احد بهذا المكان ؟؟؟

سوق الأوراق قواك الله وسامحني على التأخير لاني ما دخلت
المنتدى من ذاك اليوم بالنسبه للأرض نعم هم ورثه شيوخ
ومعاهم عايله من تجار الكويت المعروفين والنعم بالكل وهي
عليها نزاع من زمان لان في منهم يبي البيع والباجي رافضين
والسنين الي طافت كانت معروضه للبيع وصار الخلاف ونسحبت من السوق
وشاكر لك أخوي سوق الاوراق وبشرني عن اكتتاب وربعها

 

[بوعبدالله _ 66]

السلام عليكم
شلون تدري عن الارض من سنين ؟؟؟ ليش كم عمرك الحين ٩٠ او ٨٠ او ٧٠ سنة ؟ ماعرفنا من يملك تلك الاراضي ؟ انا من ٥٠ سنة ماشفت احد يوطوط لو في احد يملك تلك الاراضي جان ماتركها كل تلك السنين فاضية !!!!! ....
منو يذكر الاراضي اللي جدام سينما الحمراء اللي فيها كراجات ومطاعم قديما ؟؟؟؟
شلون تم استغلالها ؟ وشلون تم بيعها ......؟
مع العلم درسونا بالجامعة عن الاراضي المشاعة هذه القطعة بالذات من الاراضي المشاعة اللي ما يملكها احد ...... الحين حق النفيسي الصالحية العقارية وحق بودي بيت الاوراق باعها حق الوطني ....... وتبي بعد ولا بس ...
لا بعد اعطيك ارض بطاريات وارة لولو ماركت ،،،
ولا بعد اللي اخطر من جذي .... الافنيوز ..... منو يذكر ارض الافنيوز ومن يملكها .... ومنو اللي قسم الصناعات الوطنية وباع تلك الاراضي بتراب الفلوس ...... ولا بعد سينما السيارات وحولي الصيفي والاتدلس والحمراء ..... اراضي كلها ملك الدولة قدمت لشركة السينما عبر نظام B.O,T ... بعد انتهاء مدة العقد تم بلع الاراضي اذا هم صاجين شارين تلك الاراضي فعلا !!!!!

والحين اعطيك ارض ثانية .... اللي بشرق جدام المطعم العراقي سابقا ..... هذه كانت ارتداد اشارة ... تدري شتو فيها الان ؟؟؟؟ ثاني اكبر برج بالكويت ؟؟؟؟ تدري حق اي شركة ؟؟؟؟؟ !!!! على ما اعتقد اذا عرفنا من شرى ارض الشعب البحرى راح نعرف منو اللي ااستغل ارتداد اشارة شارع خالد بن الوليد .....!!!
ياعمي احنا مو نتهم احد احنا نقول الحقيقة كاملة بدون نقصان .... ارض الشعب البحرى مو حق احد لو يبت لي وثيقة ماراح اصدق ..... انت الظاهر مو عايش بالكويت ..... ارض قيمتها ملايين تترك اكثر من ٦٠ سنة الا اذا انت عمرك الحين ٩٠ سنة راح تعلمنا سر تلك الارض ....
تبي بعد قصة سوق شرق ومارينا وعقارات الكويت ولا بس ؟؟؟؟

اخونا بويوسف انت ماتقرا الردود ودوم متسرع .. اذا تتكلم منو يملك الارض ف اخونا عندك سلف ذكرلك انها مملوكه ل الشيخه حصه المبارك الصباح واذا تتكلم عن 50 سنه يعني سنة 1963 واهي بعد الدستور يعني مو بعيده والجماعه قالولك انها ارض عليها خلاف من الورثه من 20 سنه وهذا السبب اللي خلا ممنوع يتم فيها اي مشروع .. وهذي الارض بالذات نعرف قصتها بالكامله ومعروفه عند اهل الكويت .. اما اذا انك تدخل اراضي الشركات فهذا موضوع غير عن هالموضوع وماله شغل .. وهذي قطعة ارض صغيره وكانت مزرعه وفيها بيت بالخمسينات والبيت مازال موجود .. ولكن الشق العود فيه منااااطق سجلت بوضع اليد هني المشكله ولا هذي الارض كلش مو مشكله يابويوسف

 

[المهذب جداً]

خاص-بوراشد: تم في مزاد علني بيع ٢٦٥٠٠٠متر مربع في الدعية ما كان يعرف سابقآ بإسم "أرض الدعية" ورسى المزاد على شركة كيبكو بمبلغ 190 مليون دك