تغريدات .... بوأحمد ....

[Albaghdadi]

من غير البورصة حياك البيت موجود باحضان الطبيعة

حاضر ابشر بسعدك

الله يزيدك من خيره .. بيتنا توه خالص في منطقه اسمها بتاتر .. بس للاسف وقفنا عند التاثيث لاسباب امنيه .. الربيع العربي غيرت الحسبه ..

 

[بو*سليمان]

الله يزيدك من خيره .. بيتنا توه خالص في منطقه اسمها بتاتر .. بس للاسف وقفنا عند التاثيث لاسباب امنيه .. الربيع العربي غيرت الحسبه ..

ويرزقكم يا رب

لا داعي النفجيشين بالمخ طال عمرك

الله يعطيك العافية يا رب وشاكرلكم المداخله اللطيفة

واعتذر عن خروجي عن فحوى موضوع التحليل والاسهم

 

[Albaghdadi]

في واحد من الاخوان كاتب في صفحة المدينه انه اتصل على الاخت منال بن حيدر مديرة العلاقات العامه في شركة المدينة وقالت انه البيانات الماليه ارسلت بتاريخ 31/10 .. اذا كان هالخبر صحيح فاحنا نعيش في بيئه لا تصلح لا للاستثمار ولا المضاربه ولا حتى انك تفتح بقاله .. 20 يوم ولا في رد على البيانات الماليه !

نحصلها من التجار الحلوين .. والا من الروتين الحكومي العسل ..

 

[Albaghdadi]

ويرزقكم يا رب

لا داعي النفجيشين بالمخ طال عمرك

الله يعطيك العافية يا رب وشاكرلكم المداخله اللطيفة

واعتذر عن خروجي عن فحوى موضوع التحليل والاسهم

بالعكس انعشتني يا بوسليمان بكلامك عن لبنان .. بلد الجبال والجمال .. الشكر لك ..

 

[Albaghdadi]

ودي اسوي لعبه .. خياليه شوي .. بس بشوف توجه الناس ورايهم .. اتمنى التفاعل ..

لو عندك كاش مليون دينار .. شنو الاسهم اللي تشتريها بدافع الاستثمار ؟ ؟

 

[بوووحمد]

ألافكو
التجاريه
بيتك
بوبيان
الأهلي المتحد (الكويتي)
صكوك - ممكن

 

[ناوي]

ابواحمد مساك الله بالخير والعافيه وراحة البال
أي استثمار اي بطيخ هذا سوق حرام حتى المشاركه فيه الشركات اللي الواحد يتأمل فيها خير ويشوف ارباحها بالملايين نازله واللي على وشك الافلاس صاعده والامر من هذا تلقى ناس مقتنه اقتناع تام بالشركات الاضحوكه ان جازت تسميتها بذلك وباجر الحقوني يا محللين السهم شنو صار فيه كمثال بسيط تمويل الخليج وصفحته والاساليب اللي تمت المناقشه فيها والسوق مايدري يلقاها من التجار ولا من ادارته الدايخه

 

[بو مازن]

​

أوك نلعب خيالي ​

تفتكر لو عندي مليون دينار ما اخاف عليها من حرامية البورصة ؟​

أي سهم الأن معرض للنزول القوي​

ابرك لى استثمارها في عقارات بالخارج أو مشروع صناعي بتركيا​

 

[12345Fawaz]

عقارات الكويت اولا وصكوك والاسمنتان كلهم

 

[سرور]

ودي اسوي لعبه .. خياليه شوي .. بس بشوف توجه الناس ورايهم .. اتمنى التفاعل ..

لو عندك كاش مليون دينار .. شنو الاسهم اللي تشتريها بدافع الاستثمار ؟ ؟

مزايا
أبيار
بيتك
دانة
اسمنت الشارقة
اشرايك موخوش محفظة .. وسكر الجهاز سنة وتعال وشوف واطمش

 

[Albaghdadi]

ابواحمد مساك الله بالخير والعافيه وراحة البال
أي استثمار اي بطيخ هذا سوق حرام حتى المشاركه فيه الشركات اللي الواحد يتأمل فيها خير ويشوف ارباحها بالملايين نازله واللي على وشك الافلاس صاعده والامر من هذا تلقى ناس مقتنه اقتناع تام بالشركات الاضحوكه ان جازت تسميتها بذلك وباجر الحقوني يا محللين السهم شنو صار فيه كمثال بسيط تمويل الخليج وصفحته والاساليب اللي تمت المناقشه فيها والسوق مايدري يلقاها من التجار ولا من ادارته الدايخه

السوق بس مو بس بيت التمويل الخليجي .. ذاك اليوم قعدت مع شباب .. كلموني عن فتره ما كنت فيها بالسوق وهي 2004 .. كلموني عن اسعار للاسهم ما كنت اتوقع انها كانت تتداول عندها .. مثال الرابطه ومشاريع الكويت ومجموعه كبيره .. بعد اربع سنوات كل هالاسهم تضاعفوا عشر مرات وفي بعضهم اكثر ..

ما ألومك لانك محبط .. ولكن ألومك لو انك مو قاعد تحاول تطور نفسك فنيا وماليا .. صنف الاسهم .. ولما اتكلم عن اسهم الاستثماريه اتكلم عن ميزانيه قوي وسعر مغري ..

برايي اصبر الفرج قريب .. بس خل اختيارك مدروس ..

 

[Albaghdadi]

​

أوك نلعب خيالي ​

تفتكر لو عندي مليون دينار ما اخاف عليها من حرامية البورصة ؟​

أي سهم الأن معرض للنزول القوي​

ابرك لى استثمارها في عقارات بالخارج أو مشروع صناعي بتركيا​

لو عندك مليون جان ما اتوقعك قاعد اتسولف معانا هني :> ههههههههههه لعبه لعبه .. يعني برايك ماكو شي يسوى بالسوق ؟

 

[Albaghdadi]

كملوا .. التفاعل حلو .. بس بسولف شوي .. القرار الاستثماري لازم يكون مبني على اسس اهمها البيانات الماليه والسعر السوقي .. بعيدا عن التشاؤم وقياسا على المعطيات المتوفره ..

كل الاسهم اللي تحت ال 100 فلس .. نزلت لهذه الاسعار لسبب واحد فقط .. وهو الخوف من الافلاس .. ويأتي الافلاس اما بسبب الخسائر الكبيره لاسباب متفاوته او من خلال عدم قدرت الشركة على سداد ديونها .. حلو ؟

طيب اذا الشركه مراح تفلس .. ولا قاعد تحقق خسائر .. اهيا ليش تحت ال 100 ؟؟ وهل من الطبيعي ان تظل تحت ال 100 ؟؟؟ باعتقادي لا ..

الاستثمار في الازمات يحقق اكبر عائد على المدى البعيد .. كون هذه الاسهم بعد الانتعاش بتعود الى اسعار جديده واحتمال تحقيق قمم جديده ..

في اسهم الى الان ما شفتها وللامانه مستغرب ..

ابحث في استثمارك عن .. المركز المالي القوي .. السعر السوقي الظالم .. ملاك حقيقيين ..

 

[بوووحمد]

شباب الريال قال حلم حلم مو صج - يعني حتى الحلم ممنوع

 

[بوووحمد]

شباب صلاة العصر على الأبواب

 

[ناوي]

مشكور بواحمد على الرد السريع بس سؤال فيه متداول بالسوق مو محبط ؟ مااعتقد ! ترى غالبية المتداولين عالبركه لولا الله رازق الناس في دكتورنا الغائب الحاضر بوهادي وحضرتك اللي تبينون للناس الدعومات والمقاومه ترى نروح ورى الشمس بسرعه وبعدين بصراحه انتوا مسوي جو حلو يستحق المتابعه والتعليق ويكفيكم فخر ان آرائكم بالمجان لله في الله وعسى الله مايحرمكم الاجر

 

[ناوي]

صحيح قال حلم بس الهدف المناقشه الراقية والطرح اللي نستفيد منه ويفيد المتداولين

 

[ناوي]

ابحث في استثمارك عن .. المركز المالي القوي .. السعر السوقي الظالم .. ملاك حقيقيين ..
كلام احلى من الحلو
عطنا مثال تكفى شنو الشركات اللي مركزها المالي قوي وسعرها السوقي ظااااااااالم

 

[بو مازن]

​

أوك دام أنك مصمم ..... شوية جد !!!​

الاسهم التي تستحق الاستثمار في السوق الكويتي قليلة و لا ادعى معرفتي بها جميعا أو متابعتي لها كلها ​

و لكن ارى في مقدمة مستحقي الاستثمار : البنوك (بغض النظر عن تحفظي الشرعي) و الاسلامي منها خاصة مثل بيتك ​

الاسمنتيات الخليجية ( لا أجد أي مبرر منطقى لان يكون سعر أي شركة منها أقل من 150 / 200 فلس بالنظر إلى قيمتها الدفترية و نسبة نمو ارباحها و ملاكها و ادارتها ، سوى أنه ضغط صناع السوق من اجل تجميع أكبر كمية ممكنة بمستوى الاسعار الحالي ، ومع استثناء فجيرة من هذا الرأي نظرا لديونها الكبيرة التي لم نرى أي مردود لها على نمو ارباحها .​

 

[Albaghdadi]

ابحث في استثمارك عن .. المركز المالي القوي .. السعر السوقي الظالم .. ملاك حقيقيين ..
كلام احلى من الحلو
عطنا مثال تكفى شنو الشركات اللي مركزها المالي قوي وسعرها السوقي ظااااااااالم

مثال واحد ؟! اممممممممممممثله .. كثيره .. عطنا فرصه لي بالليل خل اريح شوي ..