تغريدات .... بوأحمد ....

[al7addag]

اول شي . الله يعطيك الف عافية يالحبيب. وطنيه د ق رقمها 231

 

[Albaghdadi]

وطنيه دق .. قلت التداول مشكله .. ماليا ما عندي فكره عنه .. فنيا .. دعم بغاية الاهميه عند 75 71 .. اغلاق تحت الاخير يروح 58 وهذا دعمه الاخير .. والله تعالى اعلم

 

[خالد kh]

بوأحمد تجارة وين اهدافه لو سمحت

 

[Albaghdadi]

بوأحمد تجارة وين اهدافه لو سمحت

تجاره اغلاق فوق 74 ليومين فوق ايجابي وايد للسهم بوجهة نظري .. دعم 70 67 .. مطبات هوائيه 79 82 90 هدف .. والله تعالى اعلم

 

[المستشار الصغير]

قواك الله بو أحمد​

وجزاك الله خير​

​

​

 

[Albaghdadi]

يقويك يا الحبيب حياك الله

 

[Albaghdadi]

منتجعات .. السهم اعطى اشارة خروج مضاربي من السهم باغلاق تحت 85 .. دعم اخير وفي غاية الاهميه وهو 73 74 .. نتابعه ونشوف والله اعلم

انا قلت هذا دعمه لا قلت بيع ولا قلت انطر !!

 

[( عتيج )]

>> واحد يقولي بيع والثاني يقولي انطر !

حلها بسيط بو محمد
بيع نصف الكميه
وارضي الاثنين هههه

 

[Albaghdadi]

وعلى فكره .. شايف الفجوه على 69 ؟؟

 

[Albaghdadi]

حلها بسيط بو محمد
بيع نصف الكميه
وارضي الاثنين هههه

والله بوفيصل ما قلت له بيع ..

 

[Albaghdadi]

سؤال بومحمد جم كميتك وجم متوسط سعرك ؟

 

[333gust !!!]

حلها بسيط بو محمد
بيع نصف الكميه
وارضي الاثنين هههه

الحقني يا بو فييصل ,,,,,,
تعاونو علي اثنيينهم >> المشكله اثنين هم جباريت ,,, واخاف اتكلم از ياده ل يحوشني طشاار
>>> انزين وذا بعت نص الكميه والسهم شلع فوق شسوي بالله ؟ اخذ فلوسي من منو ؟

 

[Albaghdadi]

يالله زين .. دامك تقدر تبرد زين ..

 

[333gust !!!]

يالله زين .. دامك تقدر تبرد زين ..

والله يا بو حمود ,,,, انا ابي ابيع سهم ثاني علشان ابرد علييه يعني نفس الموضوع صبه حقنه لبن >> ابي ابيع طال عمرك شي بسيط عندي في القرين قابظه ونازل علي بس مو مشكله المشكله انا قاعد ازود الكميه بهالسهم واخاف من الانهيار .....؟

 

[Albaghdadi]

زين تكفا .. ابي طلب لا تردني .. ابيك تحللي السهم .. بشكل بسيط ومختصر .. حللي سهم منتجعات ولا عليك امر

 

[Albaghdadi]

قرين قابضه ومنتجعات ناقصك تمويل الخليج .. وتكمل القعده :>

 

[Albaghdadi]

بوووووووووحمود مابي سيرته الذاتيه .. ابي تحليل بسيط ..

 

[Albaghdadi]

انوفوست .. للامانه تفاجأت فيه .. على كل الخساير والازمه الاقتصاديه وعلما بانه شركة استثماريه الا انه ما عنده خسائر مرحله .. وكل اللي صار انه استنزف الارباح المرحله .. وبقى منها 1.45 مليون دينار .. الشركه عندها مطلوبات نوعا ما كبيره ولازالت مستمره في الخسائر .. وخلنا ناخذها بالتفصيل كما هو في بيانات النصف الاول ..

رأس المال 32.5 مليون دينار تقريبا .. الموجودات 83.5 مليون .. منها نقد وما يعادله 1.7 فقط .. السيوله شحيحه .. احتياطات 14.9 مليون دينار احتياطات ( شي طيب ) .. ارباح مرحله 1.45 ..

المطلوبات 34.7 مليون دينار ..

قيمة دفتريه 171 .. وهي في تناقص .. وفي ثبات في المطلوبات من السنه اللي طافت .. معناته الشركة قاعده تجدول او اهي فترة سماح الله العالم ماكو تصريحات بالشي هذا على حد علمي ..

الجميل في الشركه انه ليس لديها خسائر مرحله وهذا بحد ذاته امر طيب .. والشركه عندها احتياطات طيبه ..

ما تحتاجه الشركه في اعتقادي ..

التوزان في الاعلان والعوده الى الربحيه ووقف نزيف الخسائر .. اعادة جدولة الديون بشكل واضح ومعلن من خلال خطه متفق عليها مع الدائنين .. اعادة ثقه المساهمين للشركة حتى يمكن الحديث عن زيادة راس المال ..

والله تعالى اعلم

تحليل مالي لشركة انوفوست دام انه تم ذكر تحليل السهم فنيا ..

 

[333gust !!!]

السهم طال عمرك وصل الى اعلى سعر له وهو 114 وبدا رحلة الهبوط الى ان وصل ال قاعد 87 واتستطاع الصمود فتره طويله نسبيا ,,,,,, بعد ذلك هبط السهم لكي يغلق الفجوه المتمثله بسعر 85 وايضا لم يستطع الصمود طويلا ,,,,,
وهذا المهم >>> السهم بعد ان كسر 85 دخل في قناة هابطه فرعيه والله العالم وين نهايتها ؟
الشكل الفني ,,,
السهم شكل نموذج المثلث الهابط وهو واضح بعد كسر القاع 85 ,,,,, الهدف كما هو واضح بالوتد المرسوم على عجل تقريبا 27 نقطة هبوط ,,,,
وهذا الي مينني بالسهم ,,,, حيث انه الهدف بعيد وايضا لدينا دعم عند مستوى فيبوناشي وهو 77- 78 وهذا ايضا دعم للمستطيل السابق الذي ان شرحته راح اكتب صفحتين حيث كان السعر يسير في مستطيل الضلع العلوي عند 85 والسفلي هو 75 ,,,,
السهم كاسر جميع المتوسطات ما عدا متوسط الـــ 200 ؟
>> كنت اشتري على متوسط الــ 150 وهو 81 الا انه خارها وكسر ,,,,

 

[Albaghdadi]

المتوسطات 10 25 50 100 200 .. 150 بعمري ما تعاملت معاه .. عموما الفجوات شلونها معاك ؟ هل ممكن يكون سيناريو ارتداد من 77 .. ومتوسط ال 200 على جم ؟