شارتات أبو عمر ،،، والله الموفق

[أبو عمر]

كل يوم يثبت لنا اخونا بوعمر علو كعبه في فن التحليل ما شاءالله عليك اخوي بوعمر عيني عليك بارده
بس علمنا اخوي بوعمر وين بيوصل المؤشر كحد اقصى ومتى برتفع وين بيوصل بالارتفاع ؟

مشاءلله عليك يابو عمر احترافيه في

التحليل الفني .. قال لاتستعجلون فيه تصحيح وفعلا ...

ترجع بالسلامه يالغالي

جزاكم الله خير
والله يسلمكم
وشكرا على الكلام الطيب

السلام عليكم ،،،
دكتورنا بو عمر شلونك ؟
للأسف اليوم كان السوق مأساوي وكلامك ما شاء الله كان كله واضح وصحيح ، الحين آنا منحكر في صفاة طاقه للأسف ، وقرأت تحليلك انه في حال كسر ٤٨ بتداول عالي ممكن يروح ٤٠،٥ ، ما تعتقد انه ٤٦ هي دعم مهم ؟ أرجو الإفاده بو عمر ، وشاكر لك

وعليكم السلام
مؤشراته منخفضه الحين وراح نشوف له ارتداد ويا السوق هاليومين ان شاء الله
لكن 40.5 هو هدف المثلث اللى انكسر
45 و44.5 دعومات جيده للسهم ممكن يرتد منها
والله أعلم

 

[debtor]

صبحك الله بالخير أبو عمر
والحمد لله على السلامة
ونورت صفحتك
الله يحفظك

 

[أبو عمر]

صبحك الله بالخير أبو عمر
والحمد لله على السلامة
ونورت صفحتك
الله يحفظك

صبحك اله بالنور
النور نورك ونور الناس الطيبه معانا
بعدنى في سفر لكن الانترنت أفضل الحين
تحياتي

 

[أبو عمر]

بس رد على بعض الناس اللي تقول ما حد من المحللين حط تنبيه أو توقع هبوط السوق ،، والى أين !
لا غلطانين ! ،، توقع اللى حاصل الحين وبالشارتات كان من 15 ديسمبر 2013 ،، يعني المسأله ما كانت مفاجآه .
المهم انت كنت تتابع منو !

طبعا الحين بدت تهل علينا التوقعات بالارقام االمتوقعه للهبوط من أهل التويتر وغيرهم ! ،، السؤال : وين كنتوا والناس الحين تدبست بأسهمها بأسعار فوق !؟ وانتوا : رايحين 8000 و 9000 !

واضح محاوله صعوده الى قمه القناة الصاعده عند 7900
نعم مخترق الترند لكم ممكن ينزل تحته عند التصحيح ،، مو مشكله .
والله اعلم

9 فبراير 2014

ما زال الصعود لتكوين موجه 5 بعد اختراق الترند ،، وما زلنا في القناة الصاعده ،، وسيعقبها تصحيح .
ننتبه للرقم من 7900 - 7930 ،، لو وصل الى 7900
والله اعلم
مشاهدة المرفق 221377

11 فبراير 2014
هبط من 7871 ( فرق 19 نقطه عن المتوقع لنهاية الصعود ، قبل التصحيح )

 

[أبو عمر]

شوف هالشارت أخوي لاعب البورصه
شارت ربع سنوي
ما شفت محلل ذكر موضوع شمعة دوجي بعد صعود اللي تشكلت بعد الربع الثاني ! ( ولا أنا طبعاً )
على هالشمعه المؤشر لازم ينزل الى ما دون قاع الشمعه اللي قبلها في الربع الأول ، أو الثاني من 2014 ،، وممكن ينزل يلامس الترند التاريخي الصاعد عند 6500 ! وهي منطقة مقاومه مهمه وتقريبا حوالين نسبه تصحيح 61.8 فيبوناتشي
والله أعلم
مشاهدة المرفق 219107

15 ديسمبر 2013

طبعا ارتداد متوقع اليوم من قاع القناة الهابطه ( الأزرق )
في حال المزيد من الهبوط نتوقع ارتداده من 7530-7535 ،، وبهذا تنتهي الموجه الهابطه 1 ،، يليها صعود صغير لتكوين موجه 2 يليها هبوط موجه 3 للموجه التصحيحيه .
نهاية الموجه التصحيحه قد يأخذنا الى مستويات 6590 - 6540
عموما هدف كسر الترند حسابيا بحدود 6674
والله اعلم
مشاهدة المرفق 219230

18 ديسمبر 2013

 

[أبو عمر]

شارت وتحليل في 15 ديسمبر

تأكيد في 18 ديسمبر
--------------------------------------------------------------------------------------------------------
بعد كسر الترند التاريخي ومتوسط متحرك 200 يوم ( وقلنا هذي مو مسأله سهله ! ) المؤشر صعد ولامس متحرك 200 يوم ليأكد الكسر وكمل هبوطه ،، وهو من بداية الهبوط في 11-11-2013 من الرقم اللي ذكرت انه بيهبط منه سابقا 7983 ما عاود صعوده مره ثانيه ومن يومها يسير في قناة هابطة واضحه .
كما أسلفت كانت نهاية الموجه الصاعده B من تصحيح الموجه 1 ،، والحين نكمل التصحيح للموجه C ( والمكونة من 5 موجات ما بين هبوط وصعود ) ونهاية الموجه التصحيحيه 2 .
هدف كسر الترند كما أسلفت 6674 ،، لكن محتمل ينزل اقل منها في حدود 6600 حاليا ،، لكن راح يوضح هذا أكثر بعدين .
والله اعلم
شارت يومي

مشاهدة المرفق 219812

وأخيراً 30 ديسمبر 2013
--------------------------------------------------------------------------------------------------------


حالياً بالنسبه للسوق عندنا موجه صاعده الحين مثل ما قلت أول أمس ،، أحاول أحسب وين ممكن تروح وأبلغكم ان شاء الله
لكن توقع الهبوط بعدها قريبا من الارقام اللى ذكرتها في الشارتات السابقه وممكن مع الوقت نحددها بدقه أكثر
دعم فيما بعد للمؤشر عند 6770 لشهر مارس ، كسرها نحط أرقام تاليه فيما بعد ان شاء الله
والله أعلم

 

[أبو عمر]

السلام عليكم ...بعد التحية...


أبوعمر والأخوة الإعزاء

من أحب الصفحات الي قلبي...
أرجو ان تتقبلو وجهة نظري في المؤشر السعري

مع التحيه.....

31 ديسمبر 2013

وعليكم السلام ورحمة الله
حياك الله ويا هلا فيك
أشوف انقسمت الأراء وهناك من يؤيدك من اخوانا الأعزاء ( خذيت اساميهم ) ، ونحترم جميع الآراء .
شخصياً أتمسك برأيي والراس والكتفين راح تقلبهم بعد فتره والله اعلم
عموما عندنا صعود طيب ان شاء الله في الفتره القادمة بعد هذا النزول ( لكن حسب نظريتي ) وربما صعد المؤشر بحدود 200 نقطه والله أعلم .
موفق

31 ديسمبر 2013
تذكر يا بورصوى !
والمؤشر صعد يومها من 7549 الى نهايه الصعود عند 7871 = 322 نقطه
النموذج اللحين راس وكتفين سلبي ،، حتى الآن ،، يتأكد بكسر خط الرقبه ( لو تم ) ،، والهدف كذلك
والله أعلم

شارت أسبوعي

 

[أبو عمر]

الله يسلمك
المؤشرات منخفضه الحين لذلك طبعا نتوقع ارتفاع للسوق بعد هذا الهبوط المتتالي الحين ،،لكن لا حد يعتقد انا وصلنا نهاية التصحيح !
خلك مع الشارت لنهاية التصحيح
والله أعلم

توقع بصعود السوق الى حدود 7662 - 7667
والله أعلم

 

[العقيله]

السلام عليكم
جزاك الله خير بوعمر
تنصح بوعمر بالدخول مضاربيا
ام الأفضل الجلوس علي المدرجات والاحتفاظ بالكاش
مع الشكر الجزيل

 

[لاعب بورصة]

بيض الله وجهك يابوعمر وانت مو مقصر ولك اجر بأذن الله ودعوة طيبة

أفعل الخير مدام انت تقدر عليه

 

[أبو عمر]

السلام عليكم
جزاك الله خير بوعمر
تنصح بوعمر بالدخول مضاربيا
ام الأفضل الجلوس علي المدرجات والاحتفاظ بالكاش
مع الشكر الجزيل

وعليكم السلام
مضاربيا نعم لمن يجيد لأنه صعود طيب بحدود 130 نقطه والله أعلم ،، لكني بصراحه مو متابع السوق والاسهم بصفه عامه من أكثر من 10 أيام الحين فما أدري شنو وضع أي سهم . لذا ما يهم أنا شخصيا ما زالت على المدرجات من ساعة خروجي من السوق .
موفق

بيض الله وجهك يابوعمر وانت مو مقصر ولك اجر بأذن الله ودعوة طيبة

أفعل الخير مدام انت تقدر عليه

جزاك الله خير بو عبدالله
باذن الله أسوي اللى أقدر أعليه ومتابع بشكل دوري ،، رغم مشاغلي والسفر !
بس بصراحه شي مزعج اللي قاعد يصير بهالمنتدى ، ومن مده ،، الكل قاعد يفتي ويحلل !!
مو بس باتجاه المؤشر العام ، لا ،، وبالأسهم بعد !
هذا شي سلبي ويسوي بلبله للناس ،، مع الأسف !!

 

[abohaif]

يعطيك العافية يابوعمر علي التوضيح الطيب
تسلم الايادي

 

[لاعب بورصة]

شغل هبه وليس علم مصيره يتقوقع

 

[مستثمر شامل]

الي الغالي بوعمر
اتشرف ان تكون اول مشاركه لي هي كلمه شكر خاصه لك وتقدير عالي لعلمك بالتحليل الفني والذي اثبت صدقه وضلوعك بتفاصيله..كنت اتابعك لاستفيد منك...وفعلا كان لك الفضل بعد الله بربحي وتجنيبي الخسائر
بارك الله فيك وفي مالك

 

[أبو عمر]

يعطيك العافية يابوعمر علي التوضيح الطيب
تسلم الايادي

تسلم الله يعافيك

الي الغالي بوعمر
اتشرف ان تكون اول مشاركه لي هي كلمه شكر خاصه لك وتقدير عالي لعلمك بالتحليل الفني والذي اثبت صدقه وضلوعك بتفاصيله..كنت اتابعك لاستفيد منك...وفعلا كان لك الفضل بعد الله بربحي وتجنيبي الخسائر
بارك الله فيك وفي مالك

يا هلا يا خوي الشرف لنا وحياك الله وجزاك الله خير على طيب الدعاء ولك مثله

 

[Now]

مساك الله بالنور بوعمر ..

ما تشوف ان rsi تشبع على الديلي ؟ ويمكن نرتفع الى نقطة قريبة من 7800 ؟ شرايك؟

 

[speedorinoo2]

السلام عليكم ورحمة الله وبركاته
مساك الله بالخير أستاذنا الدكتور بوعمر
حسب ما قدرنا الوضع قبل شهر 3 بنزول السوق لمستويات 7300
ووضعنا نموذج الـ ABCD لكن أصبح مختلف بتسارع الهبوط الرأسي
في هدف عندي إن كسر هذه الدعومات 7352 - 7131 وهو 6869 على الشارت اليومي
وهو ما بين الفيبو 50 % - 61.8 %
أما إن كان سيحقق 61,8 % فمثل ما تفضلت 6677 وكذلك 6729 ووالنسبة قريبة بين هذين الرقمين
جزاك الله خير وبارك الله فيك وعساك على القوة

 

[أبو عمر]

مساك الله بالنور بوعمر ..

ما تشوف ان rsi تشبع على الديلي ؟ ويمكن نرتفع الى نقطة قريبة من 7800 ؟ شرايك؟

مشاهدة المرفق 222073

هلا أخوي العزيز
نعم غالب المؤشرت تشبع على اليومي وبعضها على الأسبوعي ولذلك قلت عندنا صعود هاليومين ، برأيي الى حدود 7662-7667 مو أكثر ، والله أعلم
هبوط الأمس كان مفاجأ نهاية التداول وذلك للخبر السياسي .
أعتقد مجرد استغلال للخبر من صناع السوق + هلع الصغار ، لكن أتصور يعدل اليوم ان شاء الله بالقياس الفني والله أعلم .

 

[أبو عمر]

السلام عليكم ورحمة الله وبركاته
مساك الله بالخير أستاذنا الدكتور بوعمر
حسب ما قدرنا الوضع قبل شهر 3 بنزول السوق لمستويات 7300
ووضعنا نموذج الـ ABCD لكن أصبح مختلف بتسارع الهبوط الرأسي
في هدف عندي إن كسر هذه الدعومات 7352 - 7131 وهو 6869 على الشارت اليومي
وهو ما بين الفيبو 50 % - 61.8 %
أما إن كان سيحقق 61,8 % فمثل ما تفضلت 6677 وكذلك 6729 ووالنسبة قريبة بين هذين الرقمين
جزاك الله خير وبارك الله فيك وعساك على القوة

هلا فيك أخوي الحبيب بو عبدالله
برأيي ما زلنا على نفس الأرقام وتذكر الرقم اللى ناقشناه على الهارمونيك ؟ راح يكون منه ارتداد لا بأس به ان شاء الله
والله أعلم
صراحه ماني متابع بدقه هاليومين
تحياتي

 

[بوووحمد]

تسلم يا بوعمر على هذا التوضيح والجهد ولك مني أجمل تحية
بارك الله تعالى فيك