تعال سولف لي كيف خسرت بالبورصه ( ثرثرة متداول )

[يوسف_007]

السلام عليكم ورحمة الله وبركاته​

​

​

وأسعد الله مسسسسسسسسسسسسائكم بكل خير​

​

​

​

​

​

بداية سنة جديده وإن شاء الله تكون سنة خير علينا جميعا وأسال الله لي ولكم التوفيق والسداد​

​

موضوعي هنا هو بصيغة أسأله للجميع​

​

1- ماهي سبب خسارتك بالبورصه​

​

​

واين كانت البدايه أو الشراره الأولى وماالسبب الذي زاد من خسائرك ولم يجعلك تعوض علما أن أكثر​

​

الشركات بداية العام الماضي تضاعفت ( دبلت ) أسعارها عن العام الذي قبله​

​

​

​

​

ملاحظه : أرجو من الجميع وهذا رجا لاحد يسب أحد أو يذكر أحد بأسمه فقط قليل من التلميح ​

​

يغني عن كثير من التصريح والله يعوض الجميع ولا يخسر مسلم وأتمنى من الجميع المشاركه​

​

حتى نستفيد من أخطاء بعض ونطور أنفسنا وشكرا للجميع مقدما ​

​

​

​

​

 

[navy gator]

بسبب المجازفه و المغامره العشوائية

 

[سالم علي علي]

مشكلتنااااا مانحافظ علي الارباح

 

[سرور]

السلام عليكم
أنا طريقتي تختلف عن الآخرين .. طريقة عجيبة
وصدقني ما أحسب فلوسي ارتفعت والا انزلت
أهم شيء عندي أزيد كميتي بسهم ممتاز
اذا شفت كمية أسهمي زادت في سهم معين اعتبر نفسي ربحان وانتصار كبير لي.

 

[بوورصجي]

خسارتي بالبورصة بسبب عقود الأجل

 

[سهيل الجنوبي]

خسارتي في البورصة بسبب سذاجتي,
كل مرة اصدق عصام جناحي الله لايوفقه
الي ان تركنا في الربع الخالي وكلتنا الذيابة

 

[يوسف_007]

أشكركم جميعا على مشاركتكم​

​

وبالنسبه لي أكبر خسايري من التوصيات​

​

والحين لو يقولون لك دبل بس خذ السهم الفلاني ما أخذه لو شنو​

​

والحين ببدأ سنه جديده والأعتماد على الله ثم التحليل الفني وعلى نفسي ومراقبتي للاسهم وسلوكها​

​

وماضيعنا إلا معلومه وفلان عروقه بالماي والخرابيط هذي والمحللين اللي مثل فقاع الصابون سرعان ما إختفي مع إختفاء المحافظ وصناع السوق​

​

بعد النزول المدوي​

​

والله المستعان​

 

[الصريح والصحيح]

ولله الحمد لم اخسر في السوق الكويتي ولحد الأن ربحان
ولكن السوق الأمريكي والمشتقاة خساير كبيره
السوق الكويتي واضح 1+1=2
لا يخسر فيه غير الطماع او الغشيم أو من يعتمد على التحليل الفني
السوق الكويتي سوق واقعي كل شئ واضح

 

[المؤشر السعري]

ولله الحمد لم اخسر في السوق الكويتي ولحد الأن ربحان
ولكن السوق الأمريكي والمشتقاة خساير كبيره
السوق الكويتي واضح 1+1=2
لا يخسر فيه غير الطماع او الغشيم أو من يعتمد على التحليل الفني
السوق الكويتي سوق واقعي كل شئ واضح

✋السلام عليكم ورحمة الله وبركاتھ✋

مساء الخير عليكم


تعليق على جملة السوق الكويتي سوق واقعي !!!!!


هل ٱنـَYOUـِتَ متأكد من هذه الجملة وانها تعني السوق الكويتي ؟؟؟


وشكراا

 

[الصريح والصحيح]

وعليك السلام والرحمه والأحترام
نعم واقعي تداول 20 مليون تفريبا واغلبها تبديل لتماسك السوق
شركات نصها وهميه وان ارتفع لا يجد شراي بل يواجهه بياع ذكي
شركات ممتازه متماسكه وكل مالك محافظ على اسهمه ويقول عساها تنزل عشان اشتري
ووضع سياسي داخلي لا يساعد على الأكش وافلام هليود
ووضع خليجي وعربي ملتهب كل يوم نار ينصب فوقها بانزين
كثر الله خيره سوق متماسك وكثر الله خير من عنز له
كل ها الوضوح وحنا ما نشوف

 

[المؤشر السعري]

وعليك السلام والرحمه والأحترام
نعم واقعي تداول 20 مليون تفريبا واغلبها تبديل لتماسك السوق
شركات نصها وهميه وان ارتفع لا يجد شراي بل يواجهه بياع ذكي
شركات ممتازه متماسكه وكل مالك محافظ على اسهمه ويقول عساها تنزل عشان اشتري
ووضع سياسي داخلي لا يساعد على الأكش وافلام هليود
ووضع خليجي وعربي ملتهب كل يوم نار ينصب فوقها بانزين
كثر الله خيره سوق متماسك وكثر الله خير من عنز له
كل ها الوضوح وحنا ما نشوف

صّـْْ(☑)ـْْحّ كلامك واقعي والوضع بالمنطقه مايساعد وزين منه متماسك

الظاهر السعودية وقطر والامارات في قاره ثانيه غير قارتنا

لاني اشوف اسواقهم مبدعه ولا هم يرتفع وهمي ويمكن الناس اللي راحت واربحت تكذب علينا


وشكرا

 

[الصريح والصحيح]

عموما لا جدل ولا عتاب
جرب سوق القصمان
وسوق اهل الورقه الماليه
وان ربحت قلي عشان اخاشرك
حتى الذهب ارتفع ومعه النفط ومعه ابو جنز الداو جونز واغلب من هناك خسران ان لم يكن العموم
انا ما افكر بسوق غير الكويتي ويمدح السوق من ربح فيه
واعد ما واجهة بسوق ضرب القمه مثل السوق الأمريكي ومع ذالك خسران فيه
من هنا اتكلم عن الوضوح وواحد +واحد = 2
واتمنا لك ولي وللقراء كل توفيق

 

[المانع]

الاسهم الشعبيه
والتمسك بالاسهم عدم تفعيل استوب لوز
الشمالى عندما صرح سنه ٢٠٠٨ حان وقت الدخول
اداره البورصه واللعب بالمستثمرين
التوصيات من قبل بعض الاعضاء

 

[عبدالعزيز34]

لا تفكــــــر في مامضى حتي ماتفقد ماقد بقى


والقليل مع التدبيـــــــر ابقى من الكثير مع التبذير

هاذي اقوال انا اطبقها بمعنى الكلمه -

 

[المؤشر السعري]

✋السلام عليكم ورحمة الله وبركاتھ✋

الصراحة انا خسارتي مفروض تدرس للمبتدئين مثلي عشان ما يغلطون نفس غلطتي

دخل البورصة بمحفظه تعتبر ممتازه صراحة وشريت جم سهم بدون أي توصيه وبدون اي تحليل ومشى حالي فيهم وانا كنت شاريهم للمضاربه وبعدين بعتهم بربح صراحه وبعدين قالي واحد من الشباب ليش ماتقسم فلوسك نص مضاربه ونص استثمار وكانت فكره ممتازه وفعلا قسمتهم بالتساوي بَـßÊـسّ الغلطه هي اني استثمرت بدون اي معرفه واخترت سهم غلط وهو رمال وشريته بسعر ٤٢٥ فلس وقلت هذا استثمار وقررت اخليه ٦ شهور وللاسف بعته بسعر ١٧٢ فلس والله يعوض وهي غلطتي لاني ما بحثت عن السهم ولا سالت احد ولا كنت اعرف هالمنتدى واما السهم اللي كنت بضارب فيه فهو سهم الصفوة هههههههههههههههههههاااي جيت ودرعمت فيه وخذيت فيه باقي المحفظه وكنت شاريه الساعه ١٢:١٥ قبل نهاية السوق وكنت ناوي ابيع رمال واخذه بَـßÊـسّ محد شرا مني كميتي ورحت البيت وانا ناوي ابيع رمال بداية السوق وكانت المفاجأه ان سهم الصفوة متوقف عن التداول وهذاك يوم وهذا يوم

فعلا قصة تدرس للجديد على السوق اتمنى يستفيدون منها الاخوان بالمنتدى


وشكرا

 

[q66]

الرابح يعتبر معجزه في السوق الكويتي.

معنى الرابح اللي دوبل راس ماله.

اما انا خسرت وهذي الصراحه ومن اسهم معروفه اشتريها تنزل وتوقف باسعار متدنيه حتى اشعارا اخر..ولما اطلع منها بعدين تصعد واقل كميه مليون سهم...
حيل اوضحت الرؤيه عندي بالسوق وبالشركات....
عادي لاتستغربون ان اغلب اللي يديرون اسهم الشركات اعضاء بالمنتدى او محللين او من يعطي النصائح لصالحه..
70% من المتداولين خسروا وطلعوا من السوق والصاله مالت البورصه في يوم من الايام فاضيه مافيها الا 6 اشخاص ومتقاعدين قاعدين للهذره فقط اعرف واحد بينهم عميد متقاعد ماكو شي هذا غير اللي يتداولون اون لين...

ترا هذول مقزرينها عليكم يا صغار المستثمرين.... وبروكريتهم غير كويتيين الاغلبيه....