شركة بيت التمويل الخليجي ..... ( تمويل خليج )

[حربي وربي الله]

السلام عليكم ورحمة الله وبركاته
وصبحكم الله بالخير جميعاً

جزاك الله كل خير وكما عهدناك دائما

ان استطعت ازالة الصورة الثانية فخير وبركة وان لم تستطع فلا حول ولا قوة

الحقيقة ان السبب وراء ذلك انه عندما تتصفح من الموبايل تواجه نوعا من الصعوبة بسبب كثرة الصور مما يسبب بعض العوائق احيانا

تقبل خالص تحياتي لشخصك الكريم

ويجزاك كل الخير وان شاء الله اني اكون عند حسن ضن الجميع
واما البقية فلاش كأرشادي للموعضه لما يكتب في المنتدى
وفلاش اخر ارشادي للمتوسطات لخواني الجدد على السوق
وارجو ان تعذرني علي البقية
ـــــــــــــــــــــــــــــــــــــــــــــــــــــ
ارجو الانتباه اخواني الكرام
مثلث هاااااااااابط
والهدف السهم الاحمر
وراك وراك ياتمويه الخليج
شارت يومي

 

[حربي وربي الله]

هذا حال صانع سهم بيت التمويه الخليجي​

​

​

​

 

[عنيد]

يا عمي كان سعره 30 فلس والناس تقول تخفيض راس مال والشركة رايحه فيها وبعدها ارتفع السهم وصل 40 فلس ونفس الموال رجعنا على سالفة تخفيض راس المال والسهم رايح فيها فجأة ما شفناه الا بخانة 50 فلس والحين نفس الموال يتكرر والله العالم نشوفه رايح 100 فلس والناس تسولف تخفيض وخساير والسهم راح ينزل .
متى نشترى بالله عليكم السهم مثلا لما يروح واطير الطيور بأرزاقها .

 

[عنيد]

الصراحة واذا ما خاب ظني وتخوني الذاكرة في أحد الأعضاء اسمه القرش الله يكثر من أمثاله قبل كم شهر يوم كان سعره 43 فلس قال اشتر هالسهم وقفل عليه راح تشوفه رايح فوق واذكر ذكر أسعار 60 و70 فلس بس قال بالحرف الواحد لا تقولون أسبوع أو شهر

 

[أبو عمر]

يا عمي كان سعره 30 فلس والناس تقول تخفيض راس مال والشركة رايحه فيها وبعدها ارتفع السهم وصل 40 فلس ونفس الموال رجعنا على سالفة تخفيض راس المال والسهم رايح فيها فجأة ما شفناه الا بخانة 50 فلس والحين نفس الموال يتكرر والله العالم نشوفه رايح 100 فلس والناس تسولف تخفيض وخساير والسهم راح ينزل .
متى نشترى بالله عليكم السهم مثلا لما يروح واطير الطيور بأرزاقها .

اذا انت شايفه رايح 60 و 70 و 100 اشتري !
بس اشتري بروحك ، وبعدين قول لنا شصار معاك !
مسألة الدمج أو تخفيض راس المال مسأله وارده تماماً
والله اعلم

 

[عنيد]

حاضر يا أخوي أبوعمر أنا راح أقولك لما أفتح التجوري وأبيع راح أبلغك وأبلغ الاخوان

بس مسألة أشتري بروحي والا أبيع بروحي هاذي عاد علمها عند رب العالمين هذا سوق بيع وشرى مو معقولة أنا بس المغفل أكيد في مغفلين غيري وايد بالسوق

والله أعلم

 

[المستحيل]

اتفق مع اخوي بوعمر

السهم لازم يريح شوي

 

[عنيد]

نادي بايرن ميونخ 8 / نادي الكويت 0

هذا اسمه تخفيض راس المال لا وفتح قاب قوي بعد

 

[محمد طوني]

السوق الكويتي في حالة لا مبالاة غريبة وليس تمويل الخليج فقط .....

ما يميز السهم ان المساهمين في دبي ينتظرون المساهمين في الكويت للتحرك والعكس صحيح .... على الرغم من الارتفاعات الهائلة في سوق دبي نرى السهم يحتل المرتبة الثانية - من حيث انخفاض القيمة طبعا - بعد الخليج للملاحة ...

اسأل الله ان يعوض كافة العالقين في هذا السهم ... وان نسمع قريبا الاخبار المفرحة عن الاندماجات والتخارجات

 

[محمد محمد]

باذن الله السهم سعره حلو ومراح ينزل اكثر من ال 49 اذا نزل ولن ولن سعر ال 49 وال 50 سعر جيد للشراء وانا معاك ياعنيد من المغفلين البيشرون وينتظرون ال 70 وال 60 هذا الميدان ياحميدان وسجلها علي انا باجر باشتري

 

[أبو عمر]

حاضر يا أخوي أبوعمر أنا راح أقولك لما أفتح التجوري وأبيع راح أبلغك وأبلغ الاخوان

بس مسألة أشتري بروحي والا أبيع بروحي هاذي عاد علمها عند رب العالمين هذا سوق بيع وشرى مو معقولة أنا بس المغفل أكيد في مغفلين غيري وايد بالسوق

والله أعلم

العفو سلامتك من الغفله
بس شنو اللي يخليك معتقد هذا الاعتقاد ؟!
ما سألت نفسك ليش طلع منه كبار الملاك ؟ أكيد لو فيه خير ما عافه الطير ! يعني كان طلعوا بربح على 60 و 70 و 100 !
السوق بصفه عامه جدامه تقريبا 200 نقطه صعود الى تقريبا أسبوع قبل العيد الوطني (طبعا بين صعود وهبوط مو كله صعود) ، وبعدها سلم على السوق ! تعتقد يمديه فيها يوصل هالمواصل لو تركنا الأمور الثانيه !
خذها مني ، ان صعد حده 53 وبس !
والله أعلم

 

[عنيد]

والله يا خوي أبو عمر اللي مخليني مقتنع تحليل أخونا القرش قبل كم شهر ذكر أهداف ما شاء الله الى الآن السهم ماشي عليها ولما الحين أذكر كتب اشتر اذا مستثمر واقفل عليه التجوري , واذكر قال مو معناه يوصل الى الأهداف هاذي بيوم وليلة في مطبات واستراحات وجني أرباح وبعدها راح يحقق أهدافه .
أما سالفة كبار الملاك هذا حال كل الأسهم كلها ناس تدخل وناس تطلع يعني مو شي جديد على عالم الأسهم .
وبالنسبة للسوق أقولك على شي أنا مالي شغل فيه نزل والا صعد ما يهمني كثر ما يهمني حركة الأسهم اللي محتفظ فيها , الا اذا صار شي خطير لا سمح الله عالمي ونزلت الأسواق العالمية هذا شي ثاني .

 

[forward]

سلام الله عليكم جميعا

اليومى و الاسبوعى و الشهرى يقول ان السهم فى طريقه الى افاق جديدة , مع احترامى لكل وجهات النظر من الاخوة الافاضل ...حقائق الاوراق , ان الاخبار الطيبة عن اندماج و تخارجات ستتوالى .... الخط الرأسى بمثل محاكاة ما يمكن ان يحدث هذا الاسبوع ...هذا رد على السيد ابو عمر و ارجوه ان يتمالك اعصابه ...خلاف الرأى لا يفسد للود قضية ...
, فضلت ان اكتبه على مداخلتى الاصلية .

 

[أبو عمر]

سلام الله عليكم جميعا

اليومى و الاسبوعى و الشهرى يقول ان السهم فى طريقه الى افاق جديدة , مع احترامى لكل وجهات النظر من الاخوة الافاضل ...حقائق الاوراق , ان الاخبار الطيبة عن اندماج و تخارجات ستتوالى ....

وعليكم السلام ورحمة الله
غريبه هالسالفه !
انت طالعت عدل شفت المؤشرات وين
انت شايف الماك دي والا لأ !!
شايف الستوكاستيك وتدفق السيوله !

 

[أبو عمر]

والله يا خوي أبو عمر اللي مخليني مقتنع تحليل أخونا القرش قبل كم شهر ذكر أهداف ما شاء الله الى الآن السهم ماشي عليها ولما الحين أذكر كتب اشتر اذا مستثمر واقفل عليه التجوري , واذكر قال مو معناه يوصل الى الأهداف هاذي بيوم وليلة في مطبات واستراحات وجني أرباح وبعدها راح يحقق أهدافه .
أما سالفة كبار الملاك هذا حال كل الأسهم كلها ناس تدخل وناس تطلع يعني مو شي جديد على عالم الأسهم .
وبالنسبة للسوق أقولك على شي أنا مالي شغل فيه نزل والا صعد ما يهمني كثر ما يهمني حركة الأسهم اللي محتفظ فيها , الا اذا صار شي خطير لا سمح الله عالمي ونزلت الأسواق العالمية هذا شي ثاني .

يا عزيزي قبل جم شهر شي والحين شي ثاني ! المحلل الفني لازم يتعاطى مع المعطيات الجديده للسهم من تحليل أساسي واخبار بالاضافه الى التحليل الفني ويعدل من تحليله اذا لزم الأمر ( ماكو مشكله طالما ما قال شي خسر احد بعدين ! ) ، والمعطيات الجديده والتحليل الفني تقول السهم حده الى 53 ، وهي ترند رئيسي هام . واذا تجاوزها واغلق فوقها بتداول عالى لكل حادث حديث . السهم مثل ما شرحت بصفحتي معطي نموذج هارمونيك سلبي وشمعه الاسبوع الماضي دوجي عاكسه للاتجاه ،، والسوق ما راح يساعده .
لا تسير عكس التيار .. تتعب ! لكن اذا تبي تشتري انت حر !
ممكن تطلع لى هذا التحليل اللي تقول عنه !

 

[حربي وربي الله]

السلام عليكم ورحمة الله وبركاته
ومساكم الله بالخير جميعاً
فائدة من مؤشر RSI
إذا فوق خط الاحمر يعني تشبع بالشراء
وإذا تحت الخط الاخضر تشبع بالبيع
ارجو حفظ المعلومه في اذهانكم جيداً
شارت يومي

شارت اسبوعي

ارجو من اخواني المبتدئين الي مثل حلاتي حفظ الفيديوات
ومراجعتها بين الحين والاخر
والرابط يوضح تشبع مؤشر الماكد
http://www.screencast.com/users/A_H...es/media/e88f3f54-dea9-48d7-9a91-541c8af68876
الرابط الي فوق يشرح الفيديو الي تحت بأختصار
اسرار احترافية لمؤشر المكد

اسرار المتوسطات

التحليل بواسطة مؤشرات عمق السوق

استراتيجية المصيده

وتمسون على خير
ولا تنسون قيام الليل
واذكار النوم
وفي امان الله
وتصبحون على خير

 

[أبو عمر]

سلام الله عليكم جميعا

اليومى و الاسبوعى و الشهرى يقول ان السهم فى طريقه الى افاق جديدة , مع احترامى لكل وجهات النظر من الاخوة الافاضل ...حقائق الاوراق , ان الاخبار الطيبة عن اندماج و تخارجات ستتوالى .... الخط الرأسى بمثل محاكاة ما يمكن ان يحدث هذا الاسبوع ...هذا رد على السيد ابو عمر و ارجوه ان يتمالك اعصابه ...خلاف الرأى لا يفسد للود قضية ...
, فضلت ان اكتبه على مداخلتى الاصلية .

أتمالك أعصابي ! عسى ما شر !! في أحد غلط عليك !
انت حاط مؤشرات ومستشهد فيها وواضح ان المؤشرات سلبيه و تناقض كلامك يا عزيزي !!

 

[AlBustan]

اتمنى حد يتذكر كلامي اللي قلته عن السهم قبل فترة و وين رايح
خذو اسهمكم بسعر التراب
بالتوفيق

 

[adelj2000]

مبروكين

 

[Albaghdadi]

اتمنى حد يتذكر كلامي اللي قلته عن السهم قبل فترة و وين رايح
خذو اسهمكم بسعر التراب
بالتوفيق

اسعد الله صباحك .. انا ما قريته ولا اتذكر .. شقلت ؟