ماهو تأثير قرار دول مجلس التعاون الثلاث بسحب سفراءها على سوقنا

[السعد محمد]

استمرار التوتر بين دول مجلس التعاون

فيه مصلحة

لان التوتر يرفع اسعار النفط

 

[رابح رابح]

دول الاتحاد الاوربي 28 دوله حدودهم مفتوحه وامورهم ماشيه لمصلحة دولهم ومواطنينهم

وربعنا ٦ ومو راضين يتفقون على شي واحد فيه مصلحه لنا

كلامك عدل بو احمد كل دول الخليج عندهم اتفاقيات مع دول عظمى وقواعد وكل واحد مرسوم له خط مايقدر يطلع عنه

اللي صاير هرج ومرج و مضيعة لوقت الشعوب كلام لايودي ولا يجيب مجرد شكليات

 

[عندك سلف]

في فرق بين سحب السفراء وقطع العلاقة....بس للعلم

 

[عندك سلف]

هناك قمة عربية ستعقد خلال ايام قليلة في الكويت (بلد الصداقة والسلام)...
توقعاتي الشخصية....لن تعقد القمة,,,الا والخلاف زائل باذن الله...

 

[عندك سلف]

مع الاسف السوق الكويتي بعد الازمة العالمية في 2008 مفرط في الحساسية للاخبار السلبية...وعديم الاحساس للاخبار الايجابية...

لذلك اتوقع ان السوق سيتلون باللون الاحمر الغامج بكرة...وعلى الساعة 10 تقريبا تدخل المحفظة الوطنية ...وتشتري بيتك والوطني وزين ...يمكن تخفف من درجة اللون الغامجة... لكن من المؤكد ان لونه غدا احمر ............والله اعلم

 

[حربي وربي الله]

السلام عليكم ورحمة الله وبركاته
ومساكم الله بالخير جميعا
وبإذن الله الخبر إيجابي على السوق

 

[Turkish coffe]

الوضع طيب ومو مترقعين
الحين ازمه
الله يستر

 

[درب العصامى]

الخبر صحيح سلبي لكن حدث في اثناء الساعة 11 و الربع
و تأثر السوق تباعا

انا مع الاخوة السوق مفرط فى الحساسية , لكن لا ندرى ربما السيولة تتجه الى الكويت مستقبلا

 

[الراقي]

مافي له اي اثر من الناحية الاقتصادية
اول شيئ الشركات الكويتية اللي لها استثمار في قطر عددها قليل وهي في الاساس دايخة بدون مشكلة قطر مثل الاولى لاستثمار ومزايا
ثاني شي قطر لاتستورد ولاتورد لنا اي شيئ يمكن بس تبيع لنا كروت الجزيرة الرياضية
المشكلة اذا تطور الموقف والسعودية سكرت الحدود مع قطر هني اكبر المتضررين هم السعودين نفسهم لان مصانعهم تنتج وتبيع لدول الخليج وكذالك الامارات نفس الوضع راح تخسر والبحرين كذالك السياح القطرين لهم تأثير
لكن الموضوع عن سوقنا هني لازم تعرف ان سوقنا يعتمد على المضاربة بشكل كبير والمضاربة تعتمد على الصعود ونزول بشكل مستمر وهذا الشيئ يحدث بشكل اكبر مع الخوف والاشاعات وتهويل مع اي خبر
النقطة المهمة ان سوقنا مع اي خبر سلبي او ايجابي يشتغل وينتج ربح وخسارة لمتداولين فأصبح هذا الشيئ المحرك الاساسي لسوقنا الغالي

 

[سوق الاوراق]

السلام عليكم
شلون مافي تاثير من هذا الخبر القوي جدا !!!!! ؟؟
التاثير اقتصادي سياسي واجتماعي ...... اقليم الخليج بخطر من الاساس بايام الاتحاد .... وشلون الحين بعد الفراق .... بالاتحاد قوة والتفرق ضعف . كيان الخليج بدآ يهتز بشدة بعد هذا القرار وجميع الاحتمالات اصبحت مفتوحة .... هل ستتبخر وحدة الخليج ؟ ونصبح لقمة سائغة سهلة البلع واسهل من الحين .؟
قوة قطر السياسية والاقتصادية ودورها بالمنطقة سبب من اسباب سحب السفراء .... !!!!!! ((( جملة صغيرة يبيلها صفحات وكتاب كامل )))
لدينا الان ....
خلاف سياسي وخلاف اقتصادي ووحدة خليجية هشة وتبخرت معها كثير من الاحلام والطموحات ...... ضعف اقتصادى بسبب مورد دخل وحيد وعدم استخدام الفوائض بما يفيد الشعووب والوطن .
عالم محيط متغير بكل مشاكله السياسية والاقتصادية والاجتماعية وحروبها وثوراتها البعيدة والقريبة قريبة جدا !!!! .... شنو راح تتوقعون !!؟؟
سبحان الله سبع دول ... خلاف عماني خليجي خلاف سعودي واماراتي وبحريني وقطري ... اليمن حالة خاصة مع جلسات القات ونسيان هذا العضو المهم باقليم الخليج كانك قطعت يدك او احد رجليك وتركت الباب مفتوحا َََ!!!!!!!!!! ..... ودولتنا الحبيبة تلعب لعبة المحايد بكل القضايا الخليجية المهمة وهذه اسميها لعبة الموت البطئ .
سبع دول كاننا سبع قارات عد د محدود من السكان ومساحة مو بالعين شي واقتصاد وحيد .... والاف من القضايا العالقة وعالم متغير بشكل سريع واقتصاد ضعيف ومسروق وممزق شنو توقعاتكم والى اين المسير ؟؟؟؟

 

[h1964kw]

إلي اشوفه ان سحب السفراء وبهذه السرعة والطريقة تدل على ان مجلس التعاون مجلس هش وركيك ولا يتحمل اي مشكلة وخاصة في هذا الوقت

 

[zizo]

ما أشوف أن هناك تداعيات سلبية في العلاقات التجارية والاقتصادية بين الدول التي اعلنت سحب سفرائها
مع قطر.. لكن فجائية الخبر تسبب في موجة الهلع الذي أصاب سوقنا بحدود الساعة 12 ..​

 

[سلفارادو]

تاثير مؤقت و محدود و ان شاء الله تعود المياه الى مجاريها ببركة الوساطة الكويتية​

 

[سلفادور]

كل مصادر الاخبار تتحدث عن السبب هو تدخل قطر في الشان الداخلي من حيث القنواة الاعلاميه الجزيره والدعم العلني للاخوان وبعض المجاميع الارهابيه في المنطقه وهذا مخالف للاتفاقيه الخليجيه التي وقعتها قطر مع الدول التي سحبة السفراء

 

[عندك سلف]

كل مصادر الاخبار تتحدث عن السبب هو تدخل قطر في الشان الداخلي من حيث القنواة الاعلاميه الجزيره والدعم العلني للاخوان وبعض المجاميع الارهابيه في المنطقه وهذا مخالف للاتفاقيه الخليجيه التي وقعتها قطر مع الدول التي سحبة السفراء

طيب...
ليش الكويت ما سحبت سفيرها؟؟

 

[عندك سلف]

كل مصادر الاخبار تتحدث عن السبب هو تدخل قطر في الشان الداخلي من حيث القنواة الاعلاميه الجزيره والدعم العلني للاخوان وبعض المجاميع الارهابيه في المنطقه وهذا مخالف للاتفاقيه الخليجيه التي وقعتها قطر مع الدول التي سحبة السفراء

هذا الكلام صار له فترة طويلة...شنو اللي استجد..؟؟

 

[السور]

رغم الاسي رغم الالم رغم االاتحاد والحكم
يظل الاخضر زعيم الكرة الكويتية

 

[متابع الســــوق]

الامر خطير وله تبعات ان لم يتم بسرعه احتواء الخلافات ، اذا لم تستجيب قطر سوف يكون فيه خطوات اخرى منها حظر الطيران القطرى وعندها تتسع الفوه ويكبر الخلاف يارب احفظ خليجنا والف بين قلوب قادته

 

[ورد و هيل]

اللي صاااار بالضبط

انو السوق الكويتي اكثر سوق تاثر امس

ولما ارتدوا اليوم

سوقنا اقل الاسواق ارتدادااااااا


السوق القطري اللي اهما صار لهم الازمه ... ارتد 260

 

[رابح رابح]

يقولون تأثيره راح يكون قوي على سوق الرقي مستقبلا
واحتمال يؤثر على تطور تكنلوجيات صناعة النخي