الشركه الخليجية للإستثمار البترولي ( بتروجلف ) ..... 3

سوق الاوراق

عضو نشط
التسجيل
5 يوليو 2005
المشاركات
5,635
معركه شرسه لتجاوز الدائره الحمراء
السلام عليكم
هلا اخوي سناعيس ومساك الله بالخير مرة ثانية .....
انتهت المعركة وتجاوز السهم االدائرة الحمراء .... هل يوصل للبحر الاحمر ولا المحيط الاطلسي او يبط باول خندق ويقعد يطامر بمكانه ..
شخصيا متفائل بالسهم وما راح افرط فيه باسعار التنريلات وعندي القدرة والصبر لعدة سنوات .
بس قاعد فاضي وفراغ وماكو شغل شنسوي نكتب ونتسلى .
حياك الله اخوي ولاتقصر بالتحليلات الفنية ومحطات السهم ممكن نطقطق معاه بكميات بسيطة .
 
التعديل الأخير:

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم

يفتح بالعالي بكسور الفلس حلوة بالعالي .... ثم يطلب باقل بكسور الفلس ايضا . واللي يطلب معاه باقل يقط عليه بدون تردد ويسكر الفتحة او الخرم او الشق اي عدل يسمونه الفجوة .ما ادري في احد الحين يتعامل بالفلس او حتى الخمس فلوس علشان يبيع ويشتري بكسر الفلس .
والله صعبة جدا جدا علشان يعصعد فلس فقط لاغير ،،، يبيله اسبوع بهذه الطريقة .
واذا بالطريج للقمة علشان يوصل الفلس نسى او تناسى كسر الفلس صارت عنده فجوة ما ادري عجوة وتعال شوف عاد متي واين يتم تسكير هذه الفجوة الكبيرة والعظيمة .....
بسكم اخبال زايد ياتعدلون هذه القوانين وتعيدون للسوق قوته وحلاوته ،،،،، ناس معقدة وماعندها فكر ولا ابداع ........ دولة مثل الكريت ماتعرف شنو الفلس او ٥ فلوس ،،،،،، تحطون قوانين للتداول بهذه الطريقة بس علشان تطلعون وتشفطون الدنانير من البيع والشراء ،،،،،،، يالله اذا صج هذه الطريقة زينة وحلوة مثل ماتقولون خلو العمولة بالافلاس وخلونا نشوف شنو شعوركم ......
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم

من ٢٨ فلس الي ٢٤ فلس الي ٢٧ فلس ثم ٣٢ فلس ثم ٢٤ فلس ثم الحين ٢٩ فلس ........
رحلة الافلاس الطويلة مدتها الحين تقريبا ٥ سنوات ....
شوفو المخللين .. بالمنتديات وتويتر ..... الخ اشكثر اتعبو وشخبطو ........ وشوفو ايضا .
الياهل كبر وذش الروضة وتخرج ووصل الابتدائي ووصل المتوسط ودش الثانوي وتخرج .... والاب ربحان فلس .
او خسران فلسين ....
يالله عاد شوفو شنو هذا الانجاز العظيم بهذا السهم .
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
عايد الظفيري
بورصويات : بتروجلف : ان تم التوافق بين الزلزله وملاك السهم راح يطير ! الكميه كبيره .
واعتقد بانه قال فوق ٨٠ فلس .
------------
هذا الحجي على ما اعتقد من ٢٠١٧ . الجماعة ما اتفقو . اثنين زعلنين الشمالي والزلزلة والخسرانين بالالاف .
ليش ذكرت هذه التغريدة المنسية ...... لاني قاعد اشوف طريقة التداول . لاحظت بان هناك من يشتري
ومن يبيع بطريقة مدروسة ومتفقين عليها ....
ممكن اتفقو الشمالي والزلزلة وتم حل المسآلة العالقة بينهم او اتفقو علينا ........!!!!!
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
بترو كل شوي كسر الفلس يعني الاخ مربحك بالسهم . لو يسحب فلسين بس لتحت راحت الارباح وقطك علي الصخر ....
المشكلة يمدحون السهم مدح مو طبيعي كان السهم حقق المعجزات اسبوعين واكثر يشيل ويشدخ بالسهم على شنو فلس وشوية كسور الفلس ...... يناديك تعال بسرعة عندي لك سهم تكشخ وتتعطر وتروح تستمع له وتنصت كلك اذان صاغية وتقعد متربع وتتوسل اليه يالله بوفلان ويتغلى عليك .. ويحلفك لا تقول حق احد وماتبي زحمة وضغط بعدين يقولك ٢٨ فلس والهدف ٣٠ فلس . ويمكن يوصل ٣٢ فلس على القصير .
ودك تمسكه وتعصر مخه وتشوف شنو بداخله . الحين طالع من البيت ويايلك علشان ٢ فلسين بعد شهر وشهرين .... لو السهم سحب عليك السيفون لتحت ٥ فلوس بيوم واحد .... الضربة القاضية المميتة . لا تقدر تبيع ولا تقدر تنحاش لان قلبك ما يطاوعك ويعطيك بعد ٥ فلوس لتحت بس خلاص ارفع راية الاستسلام .........
هذا ما يحصل بالسوق بالفعل بشركات ( علامة القوس يعني ماتقدر تقول ) حط قوس فك عمرك خسارة وقضية وتعويض وسجن على شنو ............
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
اليوم تاخرت شوي عندي شغلة مهمة رجعت وفتحت الماك شفت العجب بالسوق ...... خفت من سهمي الطلقة .... طلقة النملة ... قلت الحمد لله ماقاوم عوامل التعرية وشاط عن المجموعة
قلت بقلبي اشعنده ياسوق الاوراق ماسك نفسه ومعاند الشخابيط والشموع الحمراء وبتداول لا بآس بالكميات .... قلت اكيد في شي ومتآكد راح يسكر بالاحمر وهذه عادة سيئة ومزمنة عند القروب .
شنو تتوقعون من بترو ...... هل الزلزلة تلحلح وحل الموضوع العالق بينهم . واذا فعلا قلت فعلا ومجرد توقع مو اكيد .... اذا تم الاتفاق بينهم تشوفون السهم بخانة الثلاث صفار .... وننتهي من قضية وقصة الرقمين وبو كسور الفلس ....
نقول ان شاء الله ونتمنى حل هذا الموضوع بينهم وينهون هذه الازمة ويفرجون على المسلمين ويعيدون لهم البسمة والفرحة مجددا ......
نصيحة اخوية من القلب للقلب ،،،
١- اللي عنده السهم بالعالي لا يفرط فيه مصيره بالنهاية يشوف قمم اعلى من السابق . دوام الحال من المحال .
٢- االسهم وجميع الاسهم فرصة فرصة كانت ولاتزال اللي يشتري ينسى الموضوع ويكبر المخدة وما يتابع سهمه ...... بعد مافي ارخص من هذه الاسعار بالكون ١٤ فلس و ٢٠ فلس و٣٠ فلس .
شنو يعني اذا نزل خلوه ينزل ولا تخافون اذا هدفكم الاستثمار .
شكرا لكم
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
سهم بترو اليوم يقدر يرجع السهم لسعر اقل من قبل اسبوعين ويصيد الجميع ويجتفهم ويقطهم بالبحر .
خبال بخبال + خبال بخبال + بتروجلف
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
قاعد اضحك واتطمش علي تداول بترو .... شكله ماكو كاش ،،،، بينهم وبين بعضهم واحد يطلب بالنازل والثاني يقط عليه وهكذا .
لاتقولون ما راح يرتفع السهم اصلا العملية واضحة جدا .........
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
اللي يعرض الحين بسعر ٢٩ و ٢٩.١ لسعر ٢٩.٤ . يخطفهم بغمضة عين .
تسكيرة السهم اليوم يبين لكم شنو اهداف السهم ......
مع العلم عندي اعتقاد بان صعود القروب وخاصة السلام لهدف معين . ويجب رفع بترو مو بالطيب بالقوة .
وحركاته وتصرفاته تدل بان السهم صاعد لا محالة ...
القرار قراركم والشور شوركم .
 
التعديل الأخير:

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
خلال ثلاث ساعات ونص .... ضيع شغل وتعب اكثر من عشرة ايام .... اذا سواها باجر نرجع مجددا للمربع الاول .
يعني شنو ارباحه من هذه المضاربة جم الف دينار ......
اللي قاعد يصير شي مخجل محفظة تقط ومخفظة تشيل بالدور ... محفظة تحقق ارباح بكسور الفلس على مدى عشر او خمسة عشر يوم ثم نرجع للمربع الاول ... طبعا يصيدون جم واحد من الغشم بالطريج . هالمرة شكلي وياهم :)
وبعد جم شهر يعيدون الكرة بنفس الطريقة وبنفس الرتم والدور على المحفظة الثانية ... وهكذا .
وبالنهاية الشركة تعلن خسائر والمحفظة ايضا تعلن خسائر بنهاية السنة ....
شغلهم بس للمصاريف اليومية والايجارات .... وتتآكل راس المال كل اللي عليهم اجتماع وورقة فيها ختم واعلان بالبورصة وعيش حياتك ...........
-----------------------------------------------------------------------------------
راحت نص الارباح .......... باجي النص واكثر قليلا ،،،،، نشوف باجر ولا نطلع خالي الوفاض ونصف دور ونتحلطم .
بس عسى يحط طلبات .......... اللي عطلني باني الصبح مشغول جدا يالله ارجع البيت بحدود الحادي عشر ،.... ولا امس جان حاذف عليه ومدججه بالكمية .... على ما رجعت ولا هو بادي بسحب السيفون يالله الامور تتيسر باذن الله ......
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
اليوم البترو طلع رون سايد وطاف الاشارة الحمراء بكل سهولة ،، وشمعة تخرع وتخوف .
يخدعما ولا ما يخدعنا مو ذو اهمية .
بس ليش هذا الغباء واللعب بهذا الوقت بالاساس لم تقم بشي يستحق لفعل هذه الحركات ... تبي الناس تبيع ما راح يبيعون لاني اعتقد اسعار اعلى بكثير ... تبي تجني ارباح من نفسك والمحافظ التابعة لكم
ما ادري شنو تبون بالضبط ..... اذا باجر قوع السهم اعتقد بس خلا ص يبيلكم بعد سنة نفكر نرجع للسهم ..
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
صعود بترو (١فلس ) فقط لاغير .. يحتاج صانع السوق من اسبوعين لشهر وتداولات محمومة بالملايين لكسر الفلس .
عيل لو يبي يخترق المقاومة مثلا يحتاج لمكوك فضائيوصواريخ ارض جو وحملات الطائرات ..........!!!
خلك بمكان راوح اتعب واشقي لما ينهد حيلك . والله ماعندك سالفة .
لا تتعب نفسك وايد ما راح ابيعك بعد وين نحصل هذه الاسعار .....
السهم جاهز ومستوي على نار هادية ... ناطرين شرارة الانطلاقة احد بس يعطيهم الولاعة وراح تشوفون السهم شلون يغرد .... شنو اللي معطلهم او موقفهم او رابطهم او مقيدهم ......
 
التعديل الأخير:

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم

بورصويات : بتروجلف : ان تم التوافق بين الزلزله وملاك السهم راح يطير ! الكميه كبيره

٢:٣٣ ص - ١٣ أبريل ٢٠١٧ تغريدة عايد الظفيزي ...

--------------------------------------------------------------------

صفقتان محتملتان على "أجيال" و"بتروجلف"
الكويت - مباشر: قال مصدر استثماري إنه تم التوافق بين طرفين على شراء حصة تبلغ كميتها نحو 13 مليون سهم من رأسمال شركة "أجيال" بسعر يصل لنحو 225 فلساً للسهم، بزيادة مقدارها 49 فلساً أي بنسبة 27.8% فوق سعر السهم السوقي حسب الإقفال أمس.

وأوضح المصدر لـ"الجريدة" أن إتمام الصفقة مرتبط بشراء حصة مستثمر رئيسي في شركة "بتروجلف" تبلغ 10.147% بسعر لا يقل عن 50 فلساً بحسب الاتفاق.

24 يناير 2018 12:12 م

-----------------------------------------------------------
للحين نسمع هذا الحجي ولم يتم الاعلان رسميا عن الاتفاق ،،،، واللي يملك هذه الكمية ببترو

  • عبدالمجيد عبدالرزاق علي الزلزلة 46.26 مليون سهم 10.15 %
  • الظاهر الخلاف بينهم وصل حده ... ويمكن يتم الاتفاق بينهم ويتحرر السهم .
السهم مضغوط بجدر ضغط فولاذ جنهم يطبخون لحم فيلة ....
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم

الاخ قاعد ينطر مسنع ومضبط ومعدل الاوامر على كيف كيفه .... جاي وقهوة وسوالف وضحك واستعباط
الاخ ناطر شي معين ... لان ماحد صوبه ولا احد يدري عنه .
 

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
ما يثير العجب والسخرية استعباط صناع السوق وادارة الشركات .
شنو يعني السهم يرتفع فلس وكسر الفلس ويصطدم بمقاومة ثم يرجع للدعم لتجربته .....
ما ادري اضحك ولا ابجي .
شنو يعني سهم من ٤ سنين بين خانتي الدعم والمقاومة فلسين بينهم ... شنو هذا العبط والاستعباط
شي عجيب وغريب ... بس لا تستغربون لان هذا الامر عادي ما تشوفون القروب والشركات التابعة كلها خسرانة وباقل من القيمة الاسمية بين ١٣ الى ٣٢ فلس .
 

x-ray

عضو نشط
التسجيل
23 أغسطس 2018
المشاركات
390
السعر حاليا بين دعم المتوسط 200 يوم ومقاومة المتوسط 50 يوم إذا تجاوز المقاومه سيكون الهدف 30 وإذا كسر الدعم سيكون الهدف 26

بتروغلف.png
 

سوق الاوراق

عضو نشط
التسجيل
5 يوليو 2005
المشاركات
5,635
السعر حاليا بين دعم المتوسط 200 يوم ومقاومة المتوسط 50 يوم إذا تجاوز المقاومه سيكون الهدف 30 وإذا كسر الدعم سيكون الهدف 26

مشاهدة المرفق 296043

السلام عليكم
شكرا لك علي التحليل وماقصرت والله يعطيك العافية .
قاعد اقول ليش المحللين يتعبون نفسهم مع اسهم لا تقدم ولا تؤ خر ولا تظيف لرصيد المحلل اضافة .
احسن لكم تدرون اسهم ونفيدون الناس وتفيدون انفسكم ايضا ...

سهم دايخ وبايخ وتعيس ومعفن صار له اكثر من اربع سنوات بين فلسين و٤ فلوس ... شنو هذا الشي العظيم او الانجاز الاستثنائي لبترو ... لكل هذا التعب يصعد من ٢٨ فلس لمدة اسبوعين لفلس ونص فقط لا غير ثم يصطدم بالمقاومة ويبط .
ويرجع للدعم كسر الفلس والفلسين ..... وهكذا .....
احسن لكم كمحللين تشوفون اسهم تسوي وتستحق كل هذا التعب والعناء .
شكرا لك
 
التعديل الأخير:

سوق الاوراق

عضو نشط
التسجيل
5 يوليو 2005
المشاركات
5,635
السلام عليكم
1556378505315.png



متاخرين وايد بالاجتماع ومتاخرين بكل شي شنو تتوقعون من سهم يتداول بكسر الفلس لمدة ٤ سنين .
 
التسجيل
29 يونيو 2004
المشاركات
63,313
بويوسف لو شاري سهم جنرال موتورز :rolleyes: ما راح تشارك هالكثر :D:p

الله يرزقك إن شاء الله

نتائج الربع الأول هي اللي تحكم على إتجاه السهم

بختصار عن سهم بتروجلف ( اشتغل الحفار البحري او الأرضي ) سوف تعلن عن بيانات طيبه و يمكن ربح و ما راح تصيد السهم في هالأسعار ،، واتوقع يصل إلى ال40 فلس

ما اشتغل ( الحفار ) الشركه سوف تعلن خساره و هذا سوف يأثر على سعر السهم الحالي ( 28.9 فلس ) واتوقع يكسر القاع 22 فلس

ليست توصية بيع أو شراء ( مجرد رأي قابل للخطأ قبل الصواب )

والله يرزق ملاك السهم إن شاء الله

سلام
 

سوق الاوراق

عضو نشط
التسجيل
5 يوليو 2005
المشاركات
5,635
بويوسف لو شاري سهم جنرال موتورز :rolleyes: ما راح تشارك هالكثر :D:p

الله يرزقك إن شاء الله

نتائج الربع الأول هي اللي تحكم على إتجاه السهم

بختصار عن سهم بتروجلف ( اشتغل الحفار البحري او الأرضي ) سوف تعلن عن بيانات طيبه و يمكن ربح و ما راح تصيد السهم في هالأسعار ،، واتوقع يصل إلى ال40 فلس

ما اشتغل ( الحفار ) الشركه سوف تعلن خساره و هذا سوف يأثر على سعر السهم الحالي ( 28.9 فلس ) واتوقع يكسر القاع 22 فلس

ليست توصية بيع أو شراء ( مجرد رأي قابل للخطأ قبل الصواب )

والله يرزق ملاك السهم إن شاء الله

سلام

السلام عليكم


بطها الريال ههههههههههههههههههههه قوية حيل ..... شنو شايفني الغانم .:)
الله يغربل ابليسك اشسويت فيني ..... مو قادر امسك نفسي .
واللي اقوى من جذي ... اذا اشتغل حفار القبور يوصل ٤٠ فلس ........ شنو هذا الاستثمار الفاشل .
مو صجك .....
ونستني اليوم معطل ومنشقح ابي اكشن باللحظة الحاسمة دقيتني سلف واخذت حاصلي من الضحك .
شكرا لك وتقبل تحياتي .......
 
أعلى