رابح رابح
عضو مميز
قصة جميلة وطويل شوي من قصص بورصة الكويت الحقيقية حدثت بالزمن الجميل :
في شاب محترم اموره المالية متواضعه .. خذا مع زوجته قرض لشراء بيت ومرضت امه بالقلب .. والحصول على موافقة الجهات الرسمية لعالجها بالخارج على حساب الدولة يحتاج لانتظار طويل
فتراجع عن شراء البيت وقرر يعالجها على حسابه من اموال القرض
سافر لندن مع والدته على عجاله وعالجها بمبلغ يقارب 20 الف دينار
.. ومع طول فترة العلاج كان يروح قهوه بلندن ولاحظوه كويتين كبار بالسن نسبيا .. انه دائما وحيد .. فعزموه يتعرفون عليه وسأله شعندك بلندن
.. قالهم القصة
.. قالوله العلاج مكلف وانت موظف
.. قال لهم هذي امي .. وقفت شراء البيت وخذيت جزء من قرض البيت واذا رجعت بدور بيت صغير ورخيص
وتكررت اللقائات واحد من الشياب المحترمين عطاه رقمه وقاله انا برجع الكويت واذا رجعت الكويت اتصل فيني ضروري ابيك .. وسافر الرجل
.. بعد شهر رجع الشاب الكويت مع امه .. وقام يبحث عن بيت رخيص ماحصل وضاق خلقه .. وتذكر الشايب اللي بلندن فاتصل فيه وسلم عليه وقاله ان رجعت امرني
.. قاله ابيك تمر علي بمكتبي ضروري وعطاه العنوان
.. راح له الشاب بمكتبه وشاف ان الرجل صاحب مكانه مرموقه ماليا
.. رحب فيه الرجل و قاله ابي اخدمك خدمة طيعني وخلك واثق مني ولاتسألني
.. قاله الشاب تم .. واثناء جلوسه قال الرجل للسكرتير هات الاوراق اللي عندك وقال للشاب وقع على الاوراق هذي لطلب قرض بضمانتي .. واذا نزل المبلغ بحسابك اتصل فيني
.. قاله الشاب شورك وهداية الله
بعد ايام نزل مبلغ كبير بحساب الشاب ودق على الرجل وبلغه
قاله الرجل للشاب روح البورصة للمكتب الفلاني ودق علي
.. راح الشاب للبورصه ودق على الرجل وقاله اشتر سهم اجلتي بالمبلغ كان سعره مقارب 300 فلس وقاله لا تبيع الا باذني
وبتوفيج الله ارتفع سهم اجيلتي الى ارقامه الفلكيه وباع السهم بما يقارب 3 دنانير
وسدد ديونه كلها وشرا بيت محترم جدا وحصل خير من الله
طبعا هذي القصة عبرة :
كل هذا الخير من بركة الوالدين بسبب تضحيته من اجل امه
((خير بالدنيا وخير بالاخرة))
في شاب محترم اموره المالية متواضعه .. خذا مع زوجته قرض لشراء بيت ومرضت امه بالقلب .. والحصول على موافقة الجهات الرسمية لعالجها بالخارج على حساب الدولة يحتاج لانتظار طويل
فتراجع عن شراء البيت وقرر يعالجها على حسابه من اموال القرض
سافر لندن مع والدته على عجاله وعالجها بمبلغ يقارب 20 الف دينار
.. ومع طول فترة العلاج كان يروح قهوه بلندن ولاحظوه كويتين كبار بالسن نسبيا .. انه دائما وحيد .. فعزموه يتعرفون عليه وسأله شعندك بلندن
.. قالهم القصة
.. قالوله العلاج مكلف وانت موظف
.. قال لهم هذي امي .. وقفت شراء البيت وخذيت جزء من قرض البيت واذا رجعت بدور بيت صغير ورخيص
وتكررت اللقائات واحد من الشياب المحترمين عطاه رقمه وقاله انا برجع الكويت واذا رجعت الكويت اتصل فيني ضروري ابيك .. وسافر الرجل
.. بعد شهر رجع الشاب الكويت مع امه .. وقام يبحث عن بيت رخيص ماحصل وضاق خلقه .. وتذكر الشايب اللي بلندن فاتصل فيه وسلم عليه وقاله ان رجعت امرني
.. قاله ابيك تمر علي بمكتبي ضروري وعطاه العنوان
.. راح له الشاب بمكتبه وشاف ان الرجل صاحب مكانه مرموقه ماليا
.. رحب فيه الرجل و قاله ابي اخدمك خدمة طيعني وخلك واثق مني ولاتسألني
.. قاله الشاب تم .. واثناء جلوسه قال الرجل للسكرتير هات الاوراق اللي عندك وقال للشاب وقع على الاوراق هذي لطلب قرض بضمانتي .. واذا نزل المبلغ بحسابك اتصل فيني
.. قاله الشاب شورك وهداية الله
بعد ايام نزل مبلغ كبير بحساب الشاب ودق على الرجل وبلغه
قاله الرجل للشاب روح البورصة للمكتب الفلاني ودق علي
.. راح الشاب للبورصه ودق على الرجل وقاله اشتر سهم اجلتي بالمبلغ كان سعره مقارب 300 فلس وقاله لا تبيع الا باذني
وبتوفيج الله ارتفع سهم اجيلتي الى ارقامه الفلكيه وباع السهم بما يقارب 3 دنانير
وسدد ديونه كلها وشرا بيت محترم جدا وحصل خير من الله
طبعا هذي القصة عبرة :
كل هذا الخير من بركة الوالدين بسبب تضحيته من اجل امه
((خير بالدنيا وخير بالاخرة))
