ابي اسهم استثمار لمدة سنه

[صريح في زمن قبيح]

اخواني الاعضاء الكرام الله يعطيكم الصحه والعافيه علي جهودك وتقبل الله طاعتكم
عندي 30الف دينار وبستثمرهم لمده سنه بشركة اوشركات نظيفه ومحترمه وماعندها تلاعب وتخفيض رأس مال وايقاف ووو
شتنصحوني فيه؟
وجزاكن الله خير

 

[الطوق]

انطررر و راقب

 

[barbarian]

مركز سلطان اخذه على 100 فلس وبيعه 126-130 فلس خلال شهر الى شهرين بالكثير ان شاء الله

الراي اخذه 110-114 فلس والبيع 158-160 فلس خلال ست اشهر ان شاء الله

 

[الطوق]

حاسس بمصيبه جايالك ..يالطيف يالطيف

 

[مانشستر]

اخواني الاعضاء الكرام الله يعطيكم الصحه والعافيه علي جهودك وتقبل الله طاعتكم
عندي 30الف دينار وبستثمرهم لمده سنه بشركة اوشركات نظيفه ومحترمه وماعندها تلاعب وتخفيض رأس مال وايقاف ووو
شتنصحوني فيه؟
وجزاكن الله خير

اخذ بيتك ادعلي بس الان سعره 810 شوف اخر السنه

 

[boali1965]

نصيحه لوجه الله
فلوسك خلها عندك واحتفظ فيها

انا لو يرد راس المال اللي داش فيه البورصه ما احط رجلي فيها مره ثانيه تووووبه

يارجل تاخذ وقتك وصحتك تشوف فلوسك تتبخر جدامك وانت مو عارف تسوي لها شيء

حط كاشك عندك ولاتدش سوق الحرامبه

والله العظيم دخلت السوق سهله بس الطلعه صعبه من السوق ماتقدر تطلع وانت خسران أكثر من نص فلوسك


والله ياخوي ناصحك لوجه الله سبحانه وتعالى لا تحط فلوسك عندهم هذولا نصابين

بقولك شغله تدري بورصات الخليج راح قمم وبورصتنا ماتحركت

البورصه مثل مغاره علي بابا الداخل مفقود والخارج مولود

ياريت لو احد ناصحني قبل لا ادشها والله دينار ما احط فيها

الله يعوضني خير إن شاء الله وتتسهل الامور بإذن الله تعالى

 

[333gust !!!]

نصيحه لوجه الله
فلوسك خلها عندك واحتفظ فيها

انا لو يرد راس المال اللي داش فيه البورصه ما احط رجلي فيها مره ثانيه تووووبه

يارجل تاخذ وقتك وصحتك تشوف فلوسك تتبخر جدامك وانت مو عارف تسوي لها شيء

حط كاشك عندك ولاتدش سوق الحرامبه

والله العظيم دخلت السوق سهله بس الطلعه صعبه من السوق ماتقدر تطلع وانت خسران أكثر من نص فلوسك


والله ياخوي ناصحك لوجه الله سبحانه وتعالى لا تحط فلوسك عندهم هذولا نصابين

بقولك شغله تدري بورصات الخليج راح قمم وبورصتنا ماتحركت

البورصه مثل مغاره علي بابا الداخل مفقود والخارج مولود

ياريت لو احد ناصحني قبل لا ادشها والله دينار ما احط فيها

الله يعوضني خير إن شاء الله وتتسهل الامور بإذن الله تعالى

لا حول ولاقوة الا بالله العلي العظيم .....
الله يفرجها علييك يا اخوي قطعت قلبي والله ....

 

[333gust !!!]

عمي تبي استثمار سنه وفوق >>> اخذ المدينة
ولا تقولي يمكن يتوقف و يمكن تخفيض وزيادة راس مال ......
هالامور هذي كلها ما نقدر نحددها وفقط مجلس الاداره يحددها ....

ملاحظة\ لا املك بالسهم في الوقت الحالي وان شاء الله في المستقبل الله كريم...

 

[بو مازن]

• انصحكك ببورصة أبو ظبي أو دبي و هناك شركات اغلبها محترمة​

 

[امرك عجيب]

اولا السوق محد يقدر يحدد وين رايح ثانيا مافي شي اسمه شركه نظيفه وشركه زينه كان بنك الخليج مافلس لومادعمته الحكومه ثالثا زيادات وتخفيض رؤوس الاموال وايقاف الشركات هذي محد يتحكم فيها غير الحراميه اسف قصدي اعضاء مجلس الادارات المحترمين واعطيك مثال شركات كانت قدوه والان بره السوق خذ عارف المجموعه الدوليه جرانددوليه للاجاره منا قابضه الشبكه الان موقوفه مع العلم كلنا كنا نشتري فيها وكانت حديث السوق شركات اعبت بالتخفيض والزياده تمويل الخليج ميادين مستثمرون اعتقد والله اعلم بعد التحري والتمحيص والخساير اللي اخذتها من السوق يعتبر السوق الكويتي سوق يديره عصابه منظمه لسلب اموال المساكين وانت حر باموالك وكما قال الاخ السابق لو يعطوني راس مالي اصلي ركعتين شكر لله عند باب البورصه وتوبه

 

[fah00d]

اذا كنت مستثمر فانظر الى الاسهم التشغيليه أو التي لديها عقود دائمه وتقوم بتوزيع أرباح كل سنه دون انقطاع !

على سبيل المثال :

المستقبل - ورقيه - أسيكو - لوجيستك

 

[seda]

الاسمنتيات لك هى الأنسب مستقرة واسعارها مغرية وتوزع بشكل منتظم

 

[HEATER]

اذا لا تعلم بهذا السوق افضل شي اخي العزيز تاجر بهذا المبلغ مع الله وسوف تري الاستثمار الحقيقي بالدنيا والاخره خلك من الاسهم والتي تعتبر ادمان للداخل وصعب الخروج منها الا بعد فوات الاوان وخسارة اغلب المبلغ لامثالك الجدد والغير محترفين للمضاربه

 

[مستثمر شامل]

قبل لاتشتري اي سهم،،،
اسال الاخوه الاعضاء....في شخص منكم ربح....سواء كان مضارب او مستثمر،،،؟؟
٣٠ الف اشتر فيها شقه حتي لو استيديو،،،راح تاجرها اقل شي ٢٥٠ دينار،،، وهذا المبلغ من الصعب تدخله من بورصه الكويت..

 

[امبركو]

التمدينتين ..
التمدين الاستثماريه 305
التمدين العقاريه 315

والله أعلى وأعلم،،

 

[عاشق الجنة]

قبل لاتشتري اي سهم،،،
اسال الاخوه الاعضاء....في شخص منكم ربح....سواء كان مضارب او مستثمر،،،؟؟
٣٠ الف اشتر فيها شقه حتي لو استيديو،،،راح تاجرها اقل شي ٢٥٠ دينار،،، وهذا المبلغ من الصعب تدخله من بورصه الكويت..

نصيحه روعه وايد اعجبتني يسلم لسانك

 

[صريح في زمن قبيح]

اخواني الاعضاء الكرام اشكركم علي تفاعلكم ونصائحكم الثمينه وجزاكم الله خير وتقبل الله طاعتكم

 

[صريح في زمن قبيح]

قبل لاتشتري اي سهم،،،
اسال الاخوه الاعضاء....في شخص منكم ربح....سواء كان مضارب او مستثمر،،،؟؟
٣٠ الف اشتر فيها شقه حتي لو استيديو،،،راح تاجرها اقل شي ٢٥٠ دينار،،، وهذا المبلغ من الصعب تدخله من بورصه الكويت..

اشكرك اخوي مستثمر شامل علي النصيحه
وين تحصل شقه او حتي استيديو هالايام بهالسعر؟!!
سعر الاستيديو اكثر من خمسين الف والشقه فوق السبعين الف

 

[صريح في زمن قبيح]

نصيحه لوجه الله
فلوسك خلها عندك واحتفظ فيها

انا لو يرد راس المال اللي داش فيه البورصه ما احط رجلي فيها مره ثانيه تووووبه

يارجل تاخذ وقتك وصحتك تشوف فلوسك تتبخر جدامك وانت مو عارف تسوي لها شيء

حط كاشك عندك ولاتدش سوق الحرامبه

والله العظيم دخلت السوق سهله بس الطلعه صعبه من السوق ماتقدر تطلع وانت خسران أكثر من نص فلوسك


والله ياخوي ناصحك لوجه الله سبحانه وتعالى لا تحط فلوسك عندهم هذولا نصابين

بقولك شغله تدري بورصات الخليج راح قمم وبورصتنا ماتحركت

البورصه مثل مغاره علي بابا الداخل مفقود والخارج مولود

ياريت لو احد ناصحني قبل لا ادشها والله دينار ما احط فيها

الله يعوضني خير إن شاء الله وتتسهل الامور بإذن الله تعالى

اشكرك اخوي علي النصيحه والله عورت قلبي وتأثرت وعسي الله يعوضك بكل خير

 

[barbarian]

اشكرك اخوي مستثمر شامل علي النصيحه
وين تحصل شقه او حتي استيديو هالايام بهالسعر؟!!
سعر الاستيديو اكثر من خمسين الف والشقه فوق السبعين الف

اتمنى تاخذ بنصيحتي وان شاء الله ربحان اهم شي الصبر