اليوم يوم حاسم للسوق مع الماده 122

[fah00d]

يالله تحملوا بعد اسبوعين من الضغط

حكمة اليوم: اشتر شهر 11 و بيع شهر 4

 

[المؤشراتي2]

المادة هذي مو عاجبه الهوامير

ويبون يلغونها
وحنا كالعاده مخلينا رهائن
ويضغطون السوق ل سواد عيوننا
عشان نطبل معاهم يلغونها

ويعم الفرح والسرور بعد الغائها

 

[رابح رابح]

يا جماعه نبي زبدة الموضوع

ياعبدالله المشكله اللبن مافيه زبده
ولازم يجيبون زبده ويحطونها باللبن
يعني لازم يجيبون فلوس ويضخونها بالسوق من صفقة ضخمة او توزيعات ضخمة أو من المحافظ الحكومية
وغير هالكلام بنردد ..ياليل ما اطولك ياليل

 

[امبركو]

هذي مادة شديدة الانفجار و محظورة دوليا و تستخدم فقط في الكويت على كل من تسول له نفسه للاستثمار في الأسهم و مضايقة الهوامير .

هههههههههههههههههههههههههههههههههههههههههه
حلوه حلوه يالمرقاب

 

[BOAHMAD]

يا جماعه نبي زبدة الموضوع

الموضوع ومافيه سلمك الله تعرف الغرقان اذا شافله جذع شجره مار عليه شيسوي ؟؟؟ يحاول يصيده عشان يتقضّب فيه على امل يفكّه من الغرق

مايدري انه حتى لو تقضّب فيه يمكن محد يمر عليه وينقذه !!!

السالفه سالفة مادّه بالقانون الشباب حطّوا تفائلهم واملهم بالغائها !!!!
يقولون اذا تم الغاء المادّه نصير نفس رجال الفضاء نطامر ،، الارض ماتقضبنا

 

[Cha3bar]

السلام عليكم

محكمة الإستئناف تقدر تلغي أو تعطل مادة بالقانون؟ إلي أعرفه المحكمة الدستورية فقط لها هذه السلطة وباجي الدوائر ليس لها سوى إحالة الدعوى للمحكمة الدستورية، المفروض ما نفرط بالتفاؤل إن الأمر سيحسم خلال أيام ...

 

[الكوت]

السلام عليكم

محكمة الإستئناف تقدر تلغي أو تعطل مادة بالقانون؟ إلي أعرفه المحكمة الدستورية فقط لها هذه السلطة وباجي الدوائر ليس لها سوى إحالة الدعوى للمحكمة الدستورية، المفروض ما نفرط بالتفاؤل إن الأمر سيحسم خلال أيام ...

وعليكم السلام ورحمة الله وبركاته
كلامك صحيح اخي الفاضل هو اختصاص المحكمه الدستورية فقط وماحدث هو ان المحامي طعن بعدم الدستورية امام محكمة الاستئناف على امل ان تستجيب له المحكمة وتحيلها الى المحكمة الدستورية , علما بانه توجد قضية اخري امام المحكمة الدستورية على نفس المادة ولم يفصل فيها بعد واساسا لم يحدد لها جلسة لنظرها حتى تاريخه وهي المهمة والمؤثرة , اما بالنسبة للقضية المذكورة في هذا الموضوع فليس لها تاثير حاليا , ونفس ماتفضلت بعدم الافراط بالتفاؤل بانم الامر سيحسم قريبا بناءا على هذه القضية

 

[مليون دينار]

من الأحاديث الصحيحة المروية عن النبي صلى الله عليه وسلم قوله “مَنْ لا يَشْكُرُ النَّاسَ لا يَشْكُرُ اللَّهَ”، (الترمذي)

كل الشكر للدكتور بدر الملا الجندي المجهول على المجهود الكبير لتعديل بعض المواد القاتلة للسوق

 

[رابح رابح]

25 نوفمبر .. الحكم في طعون عدم دستورية المادتين 118 و122 من قانون أسواق المال
http://****/8lI4yTSUeg

 

[رابح رابح]

هل هذا الكلام يعني ان السوق مايرتفع إلا بعد 25 نوفمبر 2014

يللا فرصة علشان يصفون عقود الآجل برخيص
واذا لغو المواد ب 25-11 المضاربين اللي برا السوق بيدشون واكيد بيدقون السوق ثلاث شهور بعد علشان يجمعون برخيص لأن المضاربين مو داشين يوزعون فلوس

الله يعين المساهمين والسوق المسكين

 

[أبو فلسين]

المادة هذي مو عاجبه الهوامير

ويبون يلغونها
وحنا كالعاده مخلينا رهائن
ويضغطون السوق ل سواد عيوننا
عشان نطبل معاهم يلغونها

ويعم الفرح والسرور بعد الغائها

هههههههههاااااي
يعنى انا طلعت مرهون عندهم وانا اشوف مو قادر اتحرك بالسوق واشتري وابيع بكيفى
احس انى مقيد بأسهم شاريها من سنتين
بضغط على أعضاء مجلس الامه عشان يفكون قيدى