ملاحظاتي على السوق .. الخاليه من التحليل الفني فهي متابعه فقط .
تستمر الإيجابيه للسوق والأداء الجيد على الشركات والبنوك الممتازه .
الؤشر كالمعتاد يتلاعب بين اللونيين الأحمر والأخضر ولكن حدت اللون الأحمر أصبحت تقلل في النزول ف17 نقطه هو نزول طبيعي لأي سوق ومن ملاحظتي لرغبت بعض الشركات بالإرتفاع في ظل السوق حمر لم يتراجعوا مع نزول السوق بل تم الشراء من المعروض .
السيوله بالأمس كانت 17 اليوم 18 مليون . وهذا ايضا ايجابي لو كان على ايام ركود السوق والتجميع جان شفنا السيوله من 17 ترجع 12 ولكن رغبت الصعود والشراء اصبحت أكبر .
سؤال / لو كانت هوشت مجلس الأمه اللي صارت أمس .. في الأشهر الماضيه وقت الركود كانوا راح يرفعون القيمة والمؤشر بالبورصه ؟
لكم الإجابه على السؤال .
جوابي انا / لو كانت الهوشه في الأشهر الماضيه كانوا راح يدمرون السوق وتشوفونه فوق ال 70 نقطه حمرر وسيوله معدومه والسبب التجميع وعدم الرغبه بالصعود واستغلال خوف الناس من تطور الأحداث والإصطياك بالماء العكر من صناع السوق .
ونرى اليوم الشراء بالشركات وارتفاع المؤشر 14 نقطه والسيوله 18 مليون . لايوجد هلع ولا نزول حاد والأمور على ما يرام والقياديات منتعشه اذا مو باللون الأخضر فبالسيوله مثال الوطني بيتك فيفا زين اغذيه المباني ....إلخ بدليل ارتفاع مؤشر 15 كويت 4 نقاط والسيوله زادت تقريبا مليون عن أمس .
انزين شنو الفرق بين الأمس والأشهر الماضية ؟
الأشهر اللي طافت كانت تجميع وعدم رغبه بالصعود فطبيعي يدبون السوق دب هاذي فرصتهم .
اليوم السوق يبي يصعد ما راح يرد على أزمه مثل هاذي اتجاه صاعد حتى لو تلاعبوا بالمؤشر .
والله أعلى وأعلم بالأرزاق
هذا اللي عندي من علم المتابعه
مليت وانا أجذب ما عندي إلا واحد ابصفحتي hamad حمد حمممد بنسخ حق صفحة البغدادي يستاهلون
وجريدة القبس تبي نسخه بعد
أخوكم الصغير فيموس بويوسف
