بنك بوبيان الإسلامي

[Q8Line]

ياجماعه للحين زحمة
او اروح ادمج

 

[سعود222]

يا جماعه السهم رايح فوق
انا اشوف انكم تنطرون لين تخلص الزحمه وبعدين تروحون وتسجلون
على راحتكم والسهم مرتفع يعني راحه واستثمار والتوفيق من الله
لا تستعجلون بالبيع حتى لو ارتفع شوي ونزل لازم يرتفع لانه سهم ممتاز
هذه توقعاتي والعلم عند الله

 

[المضارب السريع]

ياجماعه للحين زحمة
او اروح ادمج

رحت يوم الاربعاء الساعه اربع ونصف قالو مافى ارقام انصح اللي يبى يروح لازم يروح الساعه ثلاث لان زحمه

 

[bu-abdullaziz]

شنو افضل شركة وساطه فى البورصة !!

وشكرا

 

[رومنسيات]

متى آخر يوم للدمج

 

[alde77any]

متى آخر يوم للدمج

الدمج مفتوح طوال السنه ( بس من تاريخ 1 / 6 يتحول الدمج صباحا فقط )

 

[خسران جداً]

شباب منو يعرف شنو لازم اسوي على شان ادمج الاسهم؟
يعني انا بس مكتتب بإسمي انا بس
شسوي؟

وسمعت يقولون وزعو ارباح 2%
صج؟

يا جماعه شسوي علموني؟؟................انا مكتتب باسمي فقط و عندي اسهم بأسمي يدشون بحسابي مال التداول والا انا اروح ادمجهم والا شلون تراني ضايع..........ساعدوني

 

[عبدالله2]

يا جماعه شسوي علموني؟؟................انا مكتتب باسمي فقط و عندي اسهم بأسمي يدشون بحسابي مال التداول والا انا اروح ادمجهم والا شلون تراني ضايع..........ساعدوني

اخي الكريم ما يحتاج تدمج روح بالشهاده وحطها بحسابك .

 

[hassankoc]

شهادة الزوجه +شهادتي +شهادة العم اخو ابوي

كيف الدمج؟

 

[مستثمردولي]

الرجاء المساعده

السلام عليكم

انا شاري اسهم من الربع من ضمنها بنك بوبيان شلون الطريقه على التحويل بالنسبه لبنك بوبيان اقدر ابيعهم بالنيابه عنهم هل يحتاج توكيل

ودمتم

 

[Spring Son]

ترى في سيولة برة السوق سحبت وجنت ارباح وبعدين احتمال في ارباح مجزية راح يحققها البنك من تعاملاته مع التسهيلات و باجي الاستثمار النقطة الايجابية تدري شنو ان وايد ناس ما فتحوا ارقام تداول وهم او عند ارقام تداول بس لحد الحين ماحط الاسهم بحسابة والكل مشغول بالدمج الحين انا اتوقع ينزل بين 350 و 450 يطلع لي 600 ويرد لي 375 او 425 فلس والله اعلم وترى ياجماعة جريدة الوطن شغالة اشاعات ان ترة في ناس يبون يتملكون السهم وبيوصل دينار يعني تتوقع اهم مومحركهم
احد لان اهم راح يلمون باقل الاسعار لان اهم المتحكمين يعني خلونا نفترض ان الي دخلوا اسهم وصلت اجماليهم 400 مليون سهم يعني 40 مليون دينار يعني مثل راس مال شركات كثيرة بالبورصة حطها بالعقل لو شروا 20مليون سهم من 400 فلس يعني تكلفتهم 8 مليون دك يعني الله يعينة وياكم

دليل على كلامي
عن سهم الاتصالات المتنقلة
«الوطن» تعتذر عن خبر خاطئ وتنهي خدمة المحرر المسؤول
نشرت الصفحة الاقتصادية في عدد الثلاثاء الماضي خبرا مغلوطاً تضمن اخطاء جسيمة بخصوص سهم شركة الاتصالات المتنقلة يتحدث عن عمليات تجميع على السهم وعن زيادة في رأس المال.
و«الوطن» اذ تعتذر عن ذلك الخطأ الجسيم والمعلومات الخاطئة فإنها تعلن عن انهاء خدمة المحرر المسؤول عن هذا الخطأ الزميل جمال رمضان احتراماً لقرائها وتأكيداً على ضرورة توخي الحذر والمصداقية والدقة في الاخبار.

تاريخ النشر: الخميس 11/5/2006

المحرر هذا من قبل كله يخوره ... اذكر مره قال ان اكتتاب بوبيان كان ب2005
وغيره وغيره ... الله يهديه طفر رئيس التحرير شكله

 

[Spring Son]

السلام عليكم

انا شاري اسهم من الربع من ضمنها بنك بوبيان شلون الطريقه على التحويل بالنسبه لبنك بوبيان اقدر ابيعهم بالنيابه عنهم هل يحتاج توكيل

ودمتم

اذا تعرف مكتب وساطه و يثق فيك ( لان الشغله غير قانونيه بس سهله وماشيه)

ودله الشهايد الاصليه باسماء ربعك ويبيعها وتنزل الشيكات باسمائهم
وانت بعدين اخذها منهم ... لا تدوخهم ولا يدوخونك ..

بس اهم شي يكون عندهم ارقام تداول

وفي طريقه قانونيه ... انك تعطي رفيجك صوره من بطاقتك المدنيه ويسويلك تفويض بالبيع لبنك بوبيان ... وانت تبيع...

 

[كويت1]

بمناسبه اول مشاركه اهنيكم بقرب تداول بنك بوبيان وانشالله نشوفه فووق الدينار

 

[مستثمردولي]

اذا تعرف مكتب وساطه و يثق فيك ( لان الشغله غير قانونيه بس سهله وماشيه)

ودله الشهايد الاصليه باسماء ربعك ويبيعها وتنزل الشيكات باسمائهم
وانت بعدين اخذها منهم ... لا تدوخهم ولا يدوخونك ..

بس اهم شي يكون عندهم ارقام تداول

وفي طريقه قانونيه ... انك تعطي رفيجك صوره من بطاقتك المدنيه ويسويلك تفويض بالبيع لبنك بوبيان ... وانت تبيع...

كفيت ووفيت بيض الله وجهك

الله يرحم والديك ماقصرت

بارك الله فيك

جعلها الله في ميزان حسناتك

كل الشكر لك اخي الفاضل

 

[Nasser pwc]

مابقى شي ياشباب​

 

[ابوعايض]

انا سمعت من واحد يقول السهم يبيله 3 ايام تداول علشان ياخذ وضعه ممكن احد يفسر لي هذا الكلام

 

[alde77any]

البورصة أجرت 10 آلاف عملية دمج على أسهم بنك بوبيان

علمت 'القبس' ان ادارة سوق الكويت للأوراق المالية انهت حتى نهاية الاسبوع الماضي نحو 10 آلاف عملية لدمج اسهم بنك بوبيان، والذي كان قد طرحت اسهمه في اكتتاب عام قبل اكثر من عام.
وقالت مصادر مطلعة في تصريحات ل 'القبس' ان ادارة البورصة استقبلت على مدار الايام العشرة الماضية الف عميل كمعدل يومي، مشيرة الى انها انتهت من اجراء عملية الدمج يتراوح بين 45 و50 ألف سهم اكتتب اصحابها في بنك بوبيان، وذكرت المصادر ان هذه التعاملات اقتصرت على دمج الاسهم لأقارب الدرجة الاولى فقط، لافتة في الوقت نفسه الى ان بعض عمليات الدمج كانت تتم اكثر من مرة ولكن بين اقارب الدرجة الاولى فقط.
وتوقعت المصادر ان تتزايد عمليات الدمج اليوم وغدا مع قرب ادراج اسهم بنك بوبيان في سوق الكويت للأوراق المالية اعتبارا من بعد غد الاثنين. ويذكر ان موعد ادراج اسهم بنك بوبيان في البورصة كان مقررا له الاثنين الماضي، ولكن تم تأجيل الادراج من اجل اتاحة فرصة اكبر للمكتتبين من انهاء دمج اسهمهم.

 

[بو مريم]

@@

السلام عليكم


قررررررب ادراج بنك بوبيان ؟ لاكن السوق نازل بشكل يخوف


تحاتي

 

[Benz-aDDiCt]

نصيحة لملاك السهم ..

إن كان هناك تداول قوي على السهم وتلاحظون وجود تصريف له، فحاولوا تطلعون منه بأفضل ربح ممكن دون الإنتظار لارتفاع صاروخي للدينار أو ما شابه .. فلم نرى أي بنك يرتفع سهمه "صاروخيًا" ...

مع العلم أن أكثر الشركات التي تدرج .. يكون عليها مضاربات قوية في بداية تداولها، لتطميرها قليلاً من أجل ربحية حلوة ...


زبدة الكلام، لا تستثمر فيه قبل ما ياخذ السهم وقته، وضارب فيه إن استطعت، وإذا كان السهم طالع عليك بـ100 فلس و بعته بـ500 .. ترا 500% مو شوية حق سنة وحدة بس...

 

[alwinian]

استثمر

السلام عليكم ورحمة الله وبركاته

نبارك لكم اقتراب نزول السهم السوق

نصيحه والتجاره فرصه ذهبيه وبنك بوبيان مايتكرر بنك اسلامي وفي الكويت
والكويت من فضل الله اهلها يحبون التعامل الاسلامي والدليل بيت التمويل الكويتي مع ان تعامله موشي بس الناس تروحله عن الحلال والحرام

على العموم الصبر مفتاح الفرج انا الي اشوفه والعلم عند الله استثمرو في البنك وانسو السهم اذا كان عندك اسهم مو باسمك بيع واشتر بنفس الوقت صج يبيله فليسات بس اسبوع ويطلع شيكك
الصبر الصبر الصبر مفتاح الفرج