السلام عليكم
يا خوي ... اسمع الكلام اللي يجمد علي الشارب /// قدر الله علي وسجلت بشركه بتسرع وخسرت بهالعمليه 1300 دولار .. علما باني خسرتها عمدا لاني عرفت أنها ماراح ترد بعد ماشفت تقييم الشركه وقريت مشاكل الناس وعرفت انها اسرائيليه متخصصه بسرقه العرب والمسلمين - الناس تجرب ب 100 دولار .. انا بدايتي للتجربه 1300 .. يعني لو مو نصابين .. كم بدخل عندهم؟!
بعد هالسالفه ... اكتشفت ان فيه مواقع شبه رسميه اجنبيه تخاف منها كل شركات الفوركس.. تقييم لك .. الشركات ويكتبون الناس مشاكلهم ويحطون مستندات .. والموقع يخاطب الشركه بالمشكله وترد بخطاب رسمي واذا ماترد .. بشكل مقنع وتكرر مشاكلها يحذرون الناس منها --- لدرجه حتي سرعه النت وتنفيذ العمليات .. يتقيم / يعني شغل مرتب !!
وابشرك سجلت بشركه محترمه .. وجربت السحب والإيداع بعد الربح .. وكل شي تمام ولله الحمد - علما بان المبالغ تصل لعشر الف دولار وفوق - وما شفت منهم إلا كل خير - ولازلت تداولاتي تحت طور التجربه !
أخي .. الفوركس سوق حقيقي ومنظم! والشين فيه .. خرب علي الزين .. ولكن الناس جزاهم الله خير يحذرون الجدد لكي لايكونون صيد سهل للنصابين
لدرجه
ان حتي التوصيات مدفوعة الثمن من أشخاص أو مواقع أو شركات .. يوجد مواقع عملاقه تقييم مستواها وكل التقييم بنجوم ! - والنصاب / يكتبون بخط احمر كبير نصاب نصاب نصاب !
يعني .. بدايه الطريق
تسجل بنفسك بشركه محترمه .. وهذي بسيطه
بعد التسجيل .. والإيداع
هنا ... ندخل بموضوعك !!
كل الشركات تقريباً ... تعطيك حق تخويل شخص لإدارة حسابك - ويكون عنده صلاحيات معينه / مو كل شي يسوي .. خصوصا الإيداع والسحب - يعني ماتعطيه باسوردك واليوزر ... الشركه تخصص له باسورد ويوزر !!
ويوجد .. اداره آلية عند بعض المواقع العربيه
يركبون محفظتك علي سكربت يديرها
ويأخذون 40% والاشتراك مدته .. 3 شهور ... وبحسب الإعلانات اللي شفتها ... الاشتراكات أنواع / قليل المخاطره .. متوسط المخاطره ... عالي المخاطره - يعني العوائد من 10% الي 100% بحسب مغامرتك - وتري مو شرط يحقق يمكن بيوم ... المحفظه زيرو!!
-------
إذا الشخص اللي تتكلم عنه صادق
قوله في أي شركه تبيني افتح الحساب / بعد مايقولك .. استعلم عنها .. إذا طلعت شركه محترمه ... افتح ووقع لديهم بسماحك له ب إداره الحساب بشكل رسمي - إذا ماوافق
يعني نصاب - وعندها .. ابتعد عنه
