>>> صفحة متابعة السوق الجزء الـــ 18 <<<

[debtor]

صبحكم الله بالخير
نسأل الله الرحمة

 

[الأشعف]

صبحكم الله بالخير يربع بوهادي وبومحمد متابعين المؤشر لحظي

 

[Mr.Jad]

السلام عليكم جميعا
صبحكم الله بالخير
الصفحه منوره و ان شاء الله السوق الى الاحسن
و يبقى الأمل مستمر

 

[الدب]

الأسهم قاعده تنخفض المؤشر ثابت من فتره

رسم شهر ، وبالاسبوعي صاعد !!!!؟؟

خطه غير شكل هذه

ياالله ٥٧٧٠ مايرتد منه ؟؟

 

[الدب]

هناك دعم للمؤشر مابين 5776 و 5770 ما عتقد يكتفي فيه صانع السوق الدعم الي يجب ان يرتد منه المؤشر ما بين 5760 و5740 نقطة والحذر من كسر 5718 نقطة

والاشعف قال ذلك ايضاً

الله كريم

 

[ابومحمد 1920]

الارتداد ان شاء الله من ٥٧٨٠ لن يكسرها اليوم

 

[الدب]

الله كريــــم الله كريـــــــــم
يهون الجــــرح الاليـــــــم
لا صار ما طــــاع الزمــان
خلك على الدنيــــا حليـــــم


هونهــــا بالصبر وتهـــون
ماهــــو غريبه من يخــون
صــــار الوفا في هالزمــان
مــــحدٍ اذا قاله يصــــــون


ياما في هالدنيا قلــــــــوب
تخدع ولا يمكن تتـــــــوب
ان جيتهم انت الحبيــــــــــب
وان رحت حطو بك عيوب


مادامت الدنيا تـــــــــــدور
خلك على الشده صبـــــور
اصبر وقول الله كريـــــــم
يبدل الحزن بســــــــــرور

 

[333gust !!!]

السلام عليكم ورحمة الله وبركاته. .....

 

[سناعيس]

ابو عبدالله
المدينه فيها بلاء,,,,, اليوم بيع
ممكن تشغل مصادرك وتعرف شالسالفه

 

[الأشعف]

والاشعف قال ذلك ايضاً

الله كريم

الارتداد ان شاء الله من ٥٧٨٠ لن يكسرها اليوم

ان شاء الله بس ليش صانع السوق ما يبي المؤشر يصحح عدل وينطلق بعدها شنو ناوي عليه يبي التصحيح بعدين يكون قوي عشان ناس تخاف وتقط او شنهي نيته !

 

[الدب]

ابو عبدالله
المدينه فيها بلاء,,,,, اليوم بيع
ممكن تشغل مصادرك وتعرف شالسالفه

تقصدني بوجاسم

انت تعلم اني لااعرف احد في اروقه البورصه

ادري تبي تحرني اذا صعد اعرفك سوالفك

عمري مادخلت سهم المدينه

مرات ادخل سهم اكتتاب واطلع بسرعه

الان بقروب اخر بعيد عنكم

 

[ابومحمد 1920]

ان شاء الله بس ليش صانع السوق ما يبي المؤشر يصحح عدل وينطلق بعدها شنو ناوي عليه يبي التصحيح بعدين يكون قوي عشان ناس تخاف وتقط او شنهي نيته !

اتوقع والعلم عند الله سبحانه بيصعده الى ٥٨٥٠او اكثر واذا دخلوا الناس وشروا صرف عليهم

 

[wld al salmiya]

السلام عليكم ورحمة الله

 

[الدب]

صار فيه شيل بسيط في بعض الاسهم

وعدلت

 

[InDepth]

السلام عليكم واسعد الله صباحكم بكل خير ومحبة

 

[InDepth]

صبحكم الله بالخير يربع بوهادي وبومحمد متابعين المؤشر لحظي

ننزل.....وتتاكد بكسر 5792
خلك على التحليل الاولي...

 

[ابن صفير]

فيفا سكون وحذر الى متى

 

[الدب]

كلش ، موشي تطلع من سهمك وانت اللي كاسر الدعم

إلا إذا مبدل مراكز لسهم سقط سقطه قويه وهو طيب

وماعنده مشاكل حاليه

 

[debtor]

السيولة جدا ضعيفة
هذا ما يزعجني

 

[نواخذة الكويت]

خطة السهم والمشبك قامت تشتغل

ولد ولد ولد اناااا