شركة تيماس العقارية

[رابح رابح]

اسم الشركة تيماس يشبه تمساح

 

[نجدي2]

رأيي الشركة غير منطقيه نهائيا

يامحمد هذال وينك؟

منو قصدك تشبهه بمحمد هذال؟

 

[نجدي2]

لوسمحت ممكن توضح

اخوي شركة تضمن لك ارباح غير منطقيه وغير واقعيه نهائيا حتى تجذب الفقاره والمساكين
قريت احدى اعلاناتهم الموجود تحت
هذي عايشه على مبدأ تاخذ منك وتعطي غيرك
علشان تتكلم وتجيب لهم زباين انهم حقيقيين وفعلا يوفرون لك الارباح
وبساعه الصفر يقولون لك احنا خسرنا والطاقم كله ينحاش بره الكويت
وتعال دور فلوسك

 

[نجدي2]

شقه ب ١٠ الاف دينار!!!
وحاطلك صور افضل من فندق ٦ نجوم
هل هذا يدش العقل؟
هذي طرق احتياليه وارجوكم تنتبهون لنفسكم

 

[ابومحمد 1920]

كلها شركات نصب يعطونك من فلوسك كم شهر وبعد ذلك يقول الشركه خسرت

 

[السور]

لا نصب ولاشي
انا استثمرت معاهم عطيتهم ألفين دينار رجعوها عشرين الف بعد شهرين
وحاليا قاعد ابيع ترمس

 

[qw80]

المصيبة ان العالم يئن من المشاكل المالية... وهذي تعطي 10 اضعاف...

مايصير ندخل بدينار...ههههههههههههه

 

[chess122]

طبعا أنا شاكر للجميع ولكن للأمانة قاعدين يدفعون لي القيمة الشهرية بأنتظام ومثل ماعلمتكم ماودي أسحب وأتحسف وكذلك انا على قد الحال كل اللي عندي ٧ الف دينار فَإِذَا تكرمتوا اللي عنده معلومات موثقة يبلغني خصوصا أنهم يأكدون أن سهمهم بيتداول شهر ١٠ القادم

 

[BOAHMAD]

الشركة تعتبر شركة توظيف اموال
اكو ناس استفادوا منهم مبالغ حيل طيبه ،، لكن اذا تحريت عن شغلهم تجده لايرقى الى الارباح اللي يعطونها
سالتهم شنو شغلكم اللي يعطي ١٠٠٪‏ سنوي ؟ قال نشتغل بالعقار بتركيا والمانيا
شغل العقار بتركيا يوم كان بعزّه مايعطي 30%‏ والمانيا كذلك وحاليا العقار مريّح بكل دول العالم ،،
من كم يوم اتصلوا علي يعرضون مشروع جديد تكلمت مع المدير !! قلتله ابيك تصارحني انتوا تبيعون خمر او مخدرات ؟؟ قال اعوذ بالله !! قلتله مافي تجاره بالعالم تعطي الارباح اللي تسولفون عنها غيرهم !!

عموما الشركات من هالنّوع لها ساعة صفر عساها ماتحوشك

 

[chess122]

شكرا للجميع

 

[Q8_123]

شكرا للجميع

دائما اخوي لا تنسى الاستخاره باي امر و بعدها التوكل على الله

 

[chess122]

دائما اخوي لا تنسى الاستخاره باي امر و بعدها التوكل على الله

صح كلامك

 

[مليون دينار]

شركة تنصب على المواطنين 30 مليون دينار

يقال هي شركة تيماس والله اعلم

 

[مليون دينار]

 

[fahad2000]

استقالة رئيس «تيماس العقارية»
محرر القبس الإلكتروني 9 أكتوبر، 2016
علمت القبس ان رئيس مجلس إدارة «تيماس العقارية» استقال من منصبه بعد قضاء 8 أشهر فيها. وذكرت مصادر الشركة لـ القبس ان رشيد الحمد، الذي شغل منصب وزير سابق لوزارة التربية وسفيراً للكويت لدى القاهرة، قد تقدم باستقالته لمجلس إدارة الشركة قبل فترة عقب الانضمام اليها بفترة وجيزة، حيث ترأس مجلس إدارتها منذ بداية العام الحالي. والجدير بالذكر ان شركة تيماس العقارية هي إحدى الشركات التي تقوم بتسويق العقارات في الخارج، لا سيما في تركيا والبوسنة ودبي، وكانت قد أعلنت في عدد من وسائل الإعلام والإعلان على مدى الأشهر الماضية عن عوائد لمشاريعها تصل الى نحو 28 في المئة.

 

[fahad2000]

‏3 آلاف مواطن ومقيم ضحية النصب العقاري والنائب العام يأمر بمنع سفر ٢٠ مسؤول من الشركة المتورطة http://www.aljarida.com/articles/1476037787761776700/

 

[بو nasser]

واللي حاط وياهم شسوي الحين ؟

 

[BOAHMAD]

واللي حاط وياهم شسوي الحين ؟

يطلب الله

 

[ابومحمد 1920]

امس كلمتنى وحده فى الشركة وقالت عطنا ١٠ الاف خلال سنه نعطيك ٢٠الف وقلت عندى ٥ الاف قالت اكلم الاداره واخبرك بعد شوى قالت وافقت الاداره عرفت انهم نصابين

 

[السعد محمد]

الشركة ترد
https://twitter.com/Tmasbusiness