خبر قوي ولكن أي شركه المقصوده ؟

[حمد44]

السلام عليكم
هالمغرد معروف بتويتر
ومن أشهر المغردين بالكويت
لكن بكلامه يقصد أي شركه ؟
أعتقد شخصيا قروب البحر
لأن هالقروب له مشاريع ضخمه بدبي
والسبب الثاني الضغط الكبير على
هالإقروب أكثر من سنه والعلم عند الله
ملاحظه ترى أملك بقروب البحر ممكن كلامي من عاطفه تجاه هالإقروب

 

[الراقي]

ياأخي عطني سبب واحد يجعل اعمار تشتري شركة عقارية في الكويت حتى تقوم بتنفيذ اي مشروع
تروح تشتري الارض اللي تبي وهذا شي مسموح لجميع الشركات الخليجية
ومافي مكان يصلح لهذا المشروع غير جزيرة فيلكا وهي ملك الحكومة و٩٥٪‏ من الاراضي اللي على البحر ملك الحكومة يعني هم محتاجين موافقة من الحكومة فقط

 

[Golden]

مشروع الجزر اعتقد انه مثل مدينة الحرير احفادنا راح يشوفونه
مثل ماسمع ابائنا عن مشروع الشدادية وصار بوقتنا الحالي من ناحيتي ماأعول عليه

 

[Cha3bar]

السلام عليكم

المفروض تكون هناك ممارسات سواء كانت مناقصات أو مزايدات لتطوير هذه الجزر وأصلاَ لم يكن هناك قرار لحكر الإستثمار فيها للقطاع الخاص المحلي فقط

هذا غير إن قانون البي أو تي ليلحين خواره ومحد عاجبه

 

[حمد44]

ياأخي عطني سبب واحد يجعل اعمار تشتري شركة عقارية في الكويت حتى تقوم بتنفيذ اي مشروع
تروح تشتري الارض اللي تبي وهذا شي مسموح لجميع الشركات الخليجية
ومافي مكان يصلح لهذا المشروع غير جزيرة فيلكا وهي ملك الحكومة و٩٥٪‏ من الاراضي اللي على البحر ملك الحكومة يعني هم محتاجين موافقة من الحكومة فقط

اخوي الراقي
أول شيء شلونك طيب إن شاء الله
هالمغرد قريب من صاحب القرار
أعتقد في أوقات يحط أحداث وصفقات
قبل لا تحدث بفتره طويله وحتى الصحف
الإكترونيه تاخذ بكلامه وأنا مالي شغل
حطيت الخبر وقلت ممكن الإخوان يفيدونا
بأي معلومه أو تحليل لي هالخبر

 

[مليون دينار]

حتى زجران دخل المنتدي

انا اتابع تغريداته 90 % تكون صحيحه

أتوقع على مجموعة البحر

 

[سلفادور]

شركة عقاريه اذا كانت من مجموعة البحر !


عقارات الكويت
او
منتجعات

 

[محمد000]

شكوو عقارية
أعتقد شركة في الخدمات
ممكن شركةمشرف
تستفيد استفادة كبيرة
توقع فقط لاغير

 

[ضحية جراند]

الشركات الكويتيه ما فيهم خير

 

[الراقي]

اخوي الراقي
أول شيء شلونك طيب إن شاء الله
هالمغرد قريب من صاحب القرار
أعتقد في أوقات يحط أحداث وصفقات
قبل لا تحدث بفتره طويله وحتى الصحف
الإكترونيه تاخذ بكلامه وأنا مالي شغل
حطيت الخبر وقلت ممكن الإخوان يفيدونا
بأي معلومه أو تحليل لي هالخبر

هلا بزعيم الغالي
شوف زجران هذا اخبارة الحكومية يتم التسريب له
لكن شركة اعمار صعبة شوي
ياحجي هذول اشترو امريكانا ومحد يدري عنهم
وبعدين سبب الشراء غير مقنع
ومنو من ربعنا يبي يشتري فيلا بمليون دولار
ياخوي حنا تجارنا ماخذين الشاليهات و المزارع بلاش من الحكومة ههههههههه

 

[my pen]

هلا بزعيم الغالي
شوف زجران هذا اخبارة الحكومية يتم التسريب له
لكن شركة اعمار صعبة شوي
ياحجي هذول اشترو امريكانا ومحد يدري عنهم
وبعدين سبب الشراء غير مقنع
ومنو من ربعنا يبي يشتري فيلا بمليون دولار
ياخوي حنا تجارنا ماخذين الشاليهات و المزارع بلاش من الحكومة ههههههههه

مساء الخير

لؤلؤة الخيران ببلاش من الدوله وتم بيع اراضيها كشاليهات بالاسعار اللي تعرفونها ولا تخفى عليكم وفوق كل هذا افتحو له ال ٧٠ الف تنزل عليها هههههههههه

ارزاق مقسمه سبحان المعطي

 

[نواخذة الكويت]

خلوهاا تشتري الشركة العقارية وتطيح بالمحظور

نبي التعذيب دولي تعبنا من المحلي

ههههههه إذا ما اعلنت حكومة دبي أزمة دبي رقم 2 انا ما أعرف شي

 

[BOAHMAD]

اللي سووه المرازيق بصباح الاحمد البحريه انجاز كبير جدا يظاهي ماتم انجازه بدبي بمشروع النخله اللّي اهو بالاساس فكر وتخطيط كويتي

شركة اعمار اذا ناويه تشتري او تدخل بشراكه مالها غير المرازيق

بلا بحر بلا بطيخ

 

[حمد44]

اللي سووه المرازيق بصباح الاحمد البحريه انجاز كبير جدا يظاهي ماتم انجازه بدبي بمشروع النخله اللّي اهو بالاساس فكر وتخطيط كويتي

شركة اعمار اذا ناويه تشتري او تدخل بشراكه مالها غير المرازيق

بلا بحر بلا بطيخ

شلونك بو أحمد
أشوف المنتدى منور
أول ما دخلت المنتدى
شفت نور مو طبيعي
عبالي داخل ملعب
من شدة الإضاءه
أثاري هذا نور بوأحمد (حدي نصاب )
بو أحمد رجاءا مالها إلا البحر
البحر راح يرد عليك بالملعب
قصدي بالبورصه تكفون يا البحر
وصلوا أرزان 200 فلس علشان نكسر
عين بو أحمد

 

[BOAHMAD]

شلونك بو أحمد
أشوف المنتدى منور
أول ما دخلت المنتدى
شفت نور مو طبيعي
عبالي داخل ملعب
من شدة الإضاءه
أثاري هذا نور بوأحمد (حدي نصاب )
بو أحمد رجاءا مالها إلا البحر
البحر راح يرد عليك بالملعب
قصدي بالبورصه تكفون يا البحر
وصلوا أرزان 200 فلس علشان نكسر
عين بو أحمد

هذا وانا موشاب العالي

 

[حمد44]

هذا وانا موشاب العالي

هاهاهاها يا حلوك بو أحمد
صج صج دمك خفيف حده والله

 

[نواخذة الكويت]

اللي سووه المرازيق بصباح الاحمد البحريه انجاز كبير جدا يظاهي ماتم انجازه بدبي بمشروع النخله اللّي اهو بالاساس فكر وتخطيط كويتي

شركة اعمار اذا ناويه تشتري او تدخل بشراكه مالها غير المرازيق

بلا بحر بلا بطيخ

هههههههه قالها بحرقة قلب

هونها و تهون

 

[ابو موسى 777]

الخرافي ناشينال ( الوطنيه)

يمكن اهي الشركه المقصوده

غير مدرجه.

 

[بدون مجامله]

اخوي الراقي
أول شيء شلونك طيب إن شاء الله
هالمغرد قريب من صاحب القرار
أعتقد في أوقات يحط أحداث وصفقات
قبل لا تحدث بفتره طويله وحتى الصحف
الإكترونيه تاخذ بكلامه وأنا مالي شغل
حطيت الخبر وقلت ممكن الإخوان يفيدونا
بأي معلومه أو تحليل لي هالخبر

زجران دام ذكرها معناها متهاوشين على الكيكه ، واليوم سعود صاهود ذكر مدينة الحرير واستغلال المتنفذين للمشروع لصالحهم

 

[رابح رابح]

اذا كان الخبر صحيح فهو منطقي
لان الافضلية في عقود الـB.O.T والـB.O.O.T .. تكون للشركات المساهمة المدرجة بسوق الكويت للاوراق المالية،

اتوقع ان تكون الشركة...
1- دبي الاولى:
بسبب ارتباطها وطبيعة استثماراتها في دبي بالواجهة البحرية ونسبة الملكية المرتفعه 90% وانخفاض قيمتها.

2- التمدين العقارية :
هي الاقرب لهذا المشروع نظرا لارتباطها بمشروع مدينة الحرير ولكن نظرا لانها كيان استثماري مهم جدا للملاك فمن الصعب التضحية بها بالاضافة الى ارتفاع قميتها وقوة موجوداتها .