Righterette
عضو نشط
- التسجيل
- 4 يناير 2012
- المشاركات
- 21
السلام عليكم إخواني الكرام.
عساكم بخير.
عندي مويضيع، وأتمنى تعطوني المشورة.
كنت في معرض عقاري اليوم، ولاحظت وايد في شركات تسوي الشي التالي (بعضها في الكويت وبعضها في دول ثانية).
بصراحة استثمارهم حلو، بس بصراحة أخاف يكون فيه لعبة أو شي الواحد ما يدري عنه.
طريقتهم:
ياخذون مني مبلغ (مثلا 30 ألف)
بهذا المبلغ أكون تملكت حصة في عقار (غالبا في شاليه أو فندق ...إلخ)
بعدين أسوي لهم عقد لإدارة حصتي في الشاليه، وبموجبه يقدرون يأجرون الشاليه على ناس، عاد كيفهم يأجرون بالمبلغ اللي يبونه.
العائد سنويا بين 12-15% (يفرق من شركة للثانية) من المبلغ اللي عطيتهم إياه.
بعد نهاية العقد (مثلا 4 أو 5 سنين) يرجع لي المبلغ كامل (يعني ال 30 ألف).
طبعا الواحد يموقع معاهم 3 عقود. واحد يبيعون لي فيه حصة. والثاني يديرون فيه حصتي ويأجرونها على الناس، والثالث بموجبه يرجعون يشترون حصتي بنفس مبلغ الشراء (مثلا 30 ألف) بعد 5 سنين مثلا.
وبالنسبة للشاليهات، قالوا يطلعون من غرفة التجارة (صك) فيه إن المالك باعني حصة كذا من الشاله الفلاني لمدة كذا.
الفكرة حلوة ... بس أي شي في الدنيا احتمال فيه tricks الواحد لازم ينتبه لها.
من اللي انتبهت له،
1) إن ما أقدر آخذ فلوسي قبل مدة العقد. يعني وقعت معاهم 5 سنين، مو مثل وديعة البنك أقدر أسحب فلوسي. ماااااااكو فكة إلا عقب 5 سنين. فهذا شي لازم الواحد ينتبه له.
2) بعضهم مو مكتوب صراحة في العقد انهم ملزمين يعطوني العائد السنوي. أخافبعدين يقولون الشاليه ما تأجر وهالسنة ماكو عوائد.
ناقشتهم، وقالوا عادي نحط هالبند في العقد إنهم ملزمين يعطوني العوائد أجروا ولا ما أجروا الشاليه.
بس في أمور مخوفتني:
1. بعضهم المشاريع تحت الإنشاء! مادري شلون بيأجرون لي شي مو خالص :S
جنه الواحد قاعد يشتري سمك بالماي!
قالوا عادي، في عندنا مراحل جاهزة وشغالة من المشروع وإحنا فعليا بنعطيكم إيراد مبنى من المباني الجاهزة، وبفلوسكم نمول المشروع اللي تحت الإنشاء. بصراحة شي ما ارتحت له. شرايكم؟؟؟؟
بس بعض الشركات مشاريعهم خالصة وشغالة.
2. بالنسبة للشاليهات، سألت وقالوا إنهم مو تمليك، يعني مالك الشركة عنده حق انتفاع من الدولة.
عادي اللي عنده حق انتفاع يبيعي له حصة منه؟ ولا باجر يصير شي لا سمح الله.
أخذت نسخ من العقود وراح أفصفصها إن شاء الله ... بس لازم الاستشارة .. وأدري ما راح تقصرون معاي.
سامحوني قرقت وايد .... يا ليت اللي عنده تجرية يفيدني
والله يجعله في ميزان حسناتكم .
وشكرا
عساكم بخير.
عندي مويضيع، وأتمنى تعطوني المشورة.
كنت في معرض عقاري اليوم، ولاحظت وايد في شركات تسوي الشي التالي (بعضها في الكويت وبعضها في دول ثانية).
بصراحة استثمارهم حلو، بس بصراحة أخاف يكون فيه لعبة أو شي الواحد ما يدري عنه.
طريقتهم:
ياخذون مني مبلغ (مثلا 30 ألف)
بهذا المبلغ أكون تملكت حصة في عقار (غالبا في شاليه أو فندق ...إلخ)
بعدين أسوي لهم عقد لإدارة حصتي في الشاليه، وبموجبه يقدرون يأجرون الشاليه على ناس، عاد كيفهم يأجرون بالمبلغ اللي يبونه.
العائد سنويا بين 12-15% (يفرق من شركة للثانية) من المبلغ اللي عطيتهم إياه.
بعد نهاية العقد (مثلا 4 أو 5 سنين) يرجع لي المبلغ كامل (يعني ال 30 ألف).
طبعا الواحد يموقع معاهم 3 عقود. واحد يبيعون لي فيه حصة. والثاني يديرون فيه حصتي ويأجرونها على الناس، والثالث بموجبه يرجعون يشترون حصتي بنفس مبلغ الشراء (مثلا 30 ألف) بعد 5 سنين مثلا.
وبالنسبة للشاليهات، قالوا يطلعون من غرفة التجارة (صك) فيه إن المالك باعني حصة كذا من الشاله الفلاني لمدة كذا.
الفكرة حلوة ... بس أي شي في الدنيا احتمال فيه tricks الواحد لازم ينتبه لها.
من اللي انتبهت له،
1) إن ما أقدر آخذ فلوسي قبل مدة العقد. يعني وقعت معاهم 5 سنين، مو مثل وديعة البنك أقدر أسحب فلوسي. ماااااااكو فكة إلا عقب 5 سنين. فهذا شي لازم الواحد ينتبه له.
2) بعضهم مو مكتوب صراحة في العقد انهم ملزمين يعطوني العائد السنوي. أخافبعدين يقولون الشاليه ما تأجر وهالسنة ماكو عوائد.
ناقشتهم، وقالوا عادي نحط هالبند في العقد إنهم ملزمين يعطوني العوائد أجروا ولا ما أجروا الشاليه.
بس في أمور مخوفتني:
1. بعضهم المشاريع تحت الإنشاء! مادري شلون بيأجرون لي شي مو خالص :S
جنه الواحد قاعد يشتري سمك بالماي!
قالوا عادي، في عندنا مراحل جاهزة وشغالة من المشروع وإحنا فعليا بنعطيكم إيراد مبنى من المباني الجاهزة، وبفلوسكم نمول المشروع اللي تحت الإنشاء. بصراحة شي ما ارتحت له. شرايكم؟؟؟؟
بس بعض الشركات مشاريعهم خالصة وشغالة.
2. بالنسبة للشاليهات، سألت وقالوا إنهم مو تمليك، يعني مالك الشركة عنده حق انتفاع من الدولة.
عادي اللي عنده حق انتفاع يبيعي له حصة منه؟ ولا باجر يصير شي لا سمح الله.
أخذت نسخ من العقود وراح أفصفصها إن شاء الله ... بس لازم الاستشارة .. وأدري ما راح تقصرون معاي.
سامحوني قرقت وايد .... يا ليت اللي عنده تجرية يفيدني
والله يجعله في ميزان حسناتكم .
وشكرا