سبب خسارتي

[بيانو6]

اهاااا تسألني اذا ابي سهم

 

[الراقي]

اول حرف ت وآخر حرف ف
والنظافه حلوه هالايام

شركة تكيف

 

[الراقي]

من الاخطاء الكبيرة الصبر على السهم الخاسر سنين وعدم الصبر على السهم الرابح ايام

 

[بو عبدالرحمن 79]

راح اذكر بعض اخطائي اللي تكرر وتكون سبب في خسارتي
١-عدم الثقة في النفس والاعتماد على الاخرين
٢-الدخول بكل رأس المال بسهم واحد مع اني كل مرة اقول اخر مرة ولكن الطمع مشكلة
٣- عدم الالتزام بنقطة الشراء والبيع وكذالك بسبب الطمع ابي الحق على السهم وابيع قبل الهدف بسبب الخوف من ضياع الربح
٤-الشراء السريع بعد اي صفقة كانت رابحة ماخذني الغرور والثقة الزايدة
وكذالك الشراء السريع بعد الصفقة الخاسرة علشان اعوض الخسارة
*** ارجو من الجميع ذكر اخطأ التداول ***

استاذي الفاضل الراقي
الطمع
الندم
عدم القناعة
ثلاث اسباب دمرتني بالبورصة وللحين مو راضي اقتنع لدرجة اني وصلت الى السلف (بعيد عنكم)
وصار ادمان ...
لكن الحمدلله رب العالمين ربي وفقني بالرزق وقاعد اتعلم شوي شوي من اخطائي والبركة بمنتداكم الطيب وبالاعضاء اللي شهادتي فيهم مجروحة ..
عسى ربي يرزقكم من جميع ابوابه ويعوض كل خسران ​

 

[Navigator]

اللي لادغته الحيه يخاف من جر الحبل ( لحد يلحنها )

اللي يخاف ما ينلام

لكن فيه اسهم ما تخسر نهائياً بالسوق الكويتي
او خسارتها بسيطه جداً

بس العيب تروحون للشركات اللي مخاطرها عاليه

 

[نواخذة الكويت]

أنا مؤيد لكلامك اخوي النوخذة

هلا هلا بالغالي عبدالله 2

والله إني اتكلم جد مو ضد الراقي معنه حاط على نكي تظليل 80 % بس يمون

المهم ... الموضوع لا يعكس نفسيات المتداولين اغلب اللي اعرفهم جنو ارباح ما شاء الله

فيجب ان نتحدث بالتفاؤل والإيجابيه وليس بالخسائر و السلبيه

لا قدر الله لا قدر الله نزول السوق ،، لكل حادثا حديث

بس شنقول أهل الطاقه الشمسيه ما خلوه لأهل السراي شيء

 

[نواخذة الكويت]

اللي لادغته الحيه يخاف من جر الحبل ( لحد يلحنها )

اللي يخاف ما ينلام

لكن فيه اسهم ما تخسر نهائياً بالسوق الكويتي
او خسارتها بسيطه جداً

بس العيب تروحون للشركات اللي مخاطرها عاليه

هذا الكلام المضبوط مشرف ونقتدي فيه يقول م الأعمال هههههههه متى قال

مساك الله بالخير بوسلمان كلامك عين العقل وهذا اللي انا اقوله من زمان

في شركات ما شاء الله ترفع الراس

ولكن للأسف اغلب المتداولين يذهبون الى الشركات التعبانه اللتي بها دوران عالي ورخيصه

 

[Abdullah2626]

اللي لادغته الحيه يخاف من جر الحبل ( لحد يلحنها )

اللي يخاف ما ينلام

لكن فيه اسهم ما تخسر نهائياً بالسوق الكويتي
او خسارتها بسيطه جداً

بس العيب تروحون للشركات اللي مخاطرها عاليه

مثل شنو الشركات الي ما تخسر
او مثل شنو الشركات المحترمه الي تستحق الاستثمار بسوقنا
عشان الكل يستفيد ممكن تذكر افضل الشركات للاستثمار

 

[نواخذة الكويت]

مثل شنو الشركات الي ما تخسر
او مثل شنو الشركات المحترمه الي تستحق الاستثمار بسوقنا
عشان الكل يستفيد ممكن تذكر افضل الشركات للاستثمار

بعد إذنك أجاوب على السؤال

البنوك ... بلا استثناء

الشركات القيادية ( زين ، ميزان ، هيومن توست بالجبن ، اجيلتي رغم المشكله ، مشاريع ،،،، الخ

والشركات الرخيصه اللي عندها ميزانية نظيفه وتوزع

الشركات اللي تبتعد عنها ... اللي عليها ديون ما توزع ارباح عليها مشاكل

 

[متفائل على طول]

من الاخطاء الكبيرة الصبر على السهم الخاسر سنين وعدم الصبر على السهم الرابح ايام

اي والله نصبر مده واول مايرتفع شوي انبيعه خوفا من النزول

اعتقد هناك سبب مهم للخساره الا وهو انا نتداول بعقلية المساهم الصغير فنكون الفريسة لصانع السهم
ليش ما نطور تفكيرنا ونحاول نخلي صانع السهم اهو الفريسة وذلك عن طريق معرفة طريقته
وكل سهم او مجموعه اسهم ولها صانع

 

[ADEL ALAZMI]

ابو عبدالله معروفه السالفه شكلك طبيت ب 650

وطلعت ب 630

كلنا بالهواء سواء

 

[الراقي]

استاذي الفاضل الراقي
الطمع
الندم
عدم القناعة
ثلاث اسباب دمرتني بالبورصة وللحين مو راضي اقتنع لدرجة اني وصلت الى السلف (بعيد عنكم)
وصار ادمان ...
لكن الحمدلله رب العالمين ربي وفقني بالرزق وقاعد اتعلم شوي شوي من اخطائي والبركة بمنتداكم الطيب وبالاعضاء اللي شهادتي فيهم مجروحة ..
عسى ربي يرزقكم من جميع ابوابه ويعوض كل خسران ​

ماعليك زود ياالغالي
المهم هو الاستفادة من الاخطاء وان شاء الله تعوض وتربح ربح طيب

 

[الراقي]

اللي لادغته الحيه يخاف من جر الحبل ( لحد يلحنها )

اللي يخاف ما ينلام

لكن فيه اسهم ما تخسر نهائياً بالسوق الكويتي
او خسارتها بسيطه جداً

بس العيب تروحون للشركات اللي مخاطرها عاليه

بوسلمان الغالي
تعلمت منك قاعدة جميلة في التداول وهي تجزئت رأس المال حتى لوكان صغير
نعم الخوف له دور كبير في تداول
شاكر مرورك ياريس

 

[نواخذة الكويت]

انا أقول الموضوع هذا مُفتعل مثل حرائق جامعة الشداديه

صاحب الموضوع من چم يوم يقول كيشت سيارتين الحين سبب خسارتي

عيل لو تربح اكيد بتطيح القروض عن الكويتيين

 

[Abdullah2626]

بعد إذنك أجاوب على السؤال

البنوك ... بلا استثناء

الشركات القيادية ( زين ، ميزان ، هيومن توست بالجبن ، اجيلتي رغم المشكله ، مشاريع ،،،، الخ

والشركات الرخيصه اللي عندها ميزانية نظيفه وتوزع

الشركات اللي تبتعد عنها ... اللي عليها ديون ما توزع ارباح عليها مشاكل

انا مسويلي قائمه من ١١ شركة
كلها قياديه و توزع ارباح ومتنوعه من جميع القطاعات
اشرايك بهالشي ؟

 

[الراقي]

اي والله نصبر مده واول مايرتفع شوي انبيعه خوفا من النزول

اعتقد هناك سبب مهم للخساره الا وهو انا نتداول بعقلية المساهم الصغير فنكون الفريسة لصانع السهم
ليش ما نطور تفكيرنا ونحاول نخلي صانع السهم اهو الفريسة وذلك عن طريق معرفة طريقته
وكل سهم او مجموعه اسهم ولها صانع

ماتقدر تمشي صانع السوق على كيفك بسبب بسيط هو يملك امكانيات كبيرة جدآ تخيل سهمك صانع السوق التأمينات
يملكون مليارات بسوق

 

[الراقي]

ابو عبدالله معروفه السالفه شكلك طبيت ب 650

وطلعت ب 630

كلنا بالهواء سواء

هههههههههههههههههههههههههه
لاو الله اليوم لاشريت ولابعت
هذا بسبب عدم الثقة بنفس لاسف وهي من اخطائي الشهيرة
انا محلل السهم وشيه متأكد ان نقطة الارتداد ٦٣٠ولكني لاسف تأثرت بتحليل الاخرين اللي اغلبها لم تكن علمية او منطقية

 

[نواخذة الكويت]

انا مسويلي قائمه من ١١ شركة
كلها قياديه و توزع ارباح ومتنوعه من جميع القطاعات
اشرايك بهالشي ؟

كفووو عين العقل الله يرزقك هذا الزين

انت مثل للمتداول المحترف ما شاء الله عليك

نصيحتي لك لا تتأثر بالأحداث اللي تدور في أروقة البورصه

إنت شريت بقناعه وظل على أسهمك بقناعه

الله يوفقك يا رب

 

[متفائل على طول]

انا أقول الموضوع هذا مُفتعل مثل حرائق جامعة الشداديه

صاحب الموضوع من چم يوم يقول بكيش سيارتين من الربح ولا شفايدة الربح الحين سبب خسارتي

عيل لو تربح اكيد بتطيح القروض عن الكويتيين

اي والله انا كنت بسأله نفس السؤال يوم قال كيشت سيارتين
وكل مره ربحان
والحين سبب خسارتي

ياريت تجاوبني على هالتساؤلات لأنك من الناس اللي احب اتابعهم والشيطان شاطر
اعوذ بالله منك يشيطان

 

[الراقي]

مثل شنو الشركات الي ما تخسر
او مثل شنو الشركات المحترمه الي تستحق الاستثمار بسوقنا
عشان الكل يستفيد ممكن تذكر افضل الشركات للاستثمار

انا مسويلي قائمه من ١١ شركة
كلها قياديه و توزع ارباح ومتنوعه من جميع القطاعات
اشرايك بهالشي ؟

العزيز الغالي
من اهم صفات الاسهم
ان يكون عنده توزيعة مستمرة وارباح تشغلية والتوزيعة تناسب السعر
يعني من غير المنطقي شركة فيفا سعرها دينار توزع ١٠فلوس والوطنية دينار ومتين توزع ١٠٠فلس اروح استثمر في فيفا
بعض الاسهم تربح سنوي بس ماتوزع شي انت بهذي الحالة ماراح تستفيد شي