موقع البورصة الجديد

[رابح رابح]

قامت شركة البورصة مشكورة قبل عدة ايام بافتتاح موقع البورصة الجديد والذي تم تطويرة ليكون افضل
ولكن هناك مشكلة عند الدخول للموقع من خلال جهاز الاي فون وهي ان الشاشة لاتظهر كاملة ونصف المعلومات مختفية

هل السبب عيب بالتصميم او يجب ضبط الصفحة او اضافة برنامج؟؟

ارجو تزوينا بالمعلومة لمن يملك الاجابة مع الشكر .

 

[عندك سلف]

حتى السامسونج...
في مشكلة

 

[Navigator]

جربتوا تحطون الجهاز على جنب

 

[Navigator]

هذا موقع السوق القديم

http://old.boursakuwait.com.kw/A/Market/BoursaNews.aspx

 

[حديث النفس]

هالمشكلة موجودة حتى مع الكمبيوتر العادي الديسك توب _ واللاب توب ..
لازم تصغر الشاشة علشان تشوف البيانات كاملة ..
وإذا صغرت الشاشة يبيلك دربيل علشان تشوف !!

 

[الدالوب]

ليش يغيرونه كان ماشي تمام التمام نطلبهم يردونه مثل ماكان .. الجماعه حتي بتطويرهم مافي بركه

 

[عندك سلف]

المشكلة انهم يعتقدون أنهم قاموا ب"تطوويير"
الموقع!!
ودفعوا عليه فلوس
وطلعوا بكذا تصريح بالجرايد


أشق هدومي

 

[@ROYAL@]

مالك الموقع، يطلب من مطور (مصمم) الموقع، عمل نسخه منه لإستعمال أجهزة التلفون. يعني غير نظام desktop! إللي تشوفه على اللابتوب و الكمبيوتر العادي.

لكن يبدو إنه شركة البرصة للحين ما قامت بهذا الشيء.

كون - خبركم - الكويت أفقر دول العالم...... فلا ملامه

 

[عجبي]

أنا عندي راي .. اهملوا الموقع مثلي وخلوه يولي فيه كذا موقع احسن منه

 

[sportsaaad]

كلنا نعاني نفس المشكله حتى الأوامر ما تبيين العرض والطلب

 

[بوسعود]

صفحه مفيده الله يوفقكم ويرزقكم

الرابط القديم

http://old.boursakuwait.com.kw/A/Default.aspx​

 

[بورصاوي]

حاطين رابط للموقع القديم ..

 

[الراقي]

بطيئ جدآ
http://www.boursakuwait.com.kw/A/Stock/Stock.aspx?Stk=661

 

[رابح رابح]

جربتوا تحطون الجهاز على جنب

بوسليمان كل ماقلنا غدا الشر عقبها نقول لاطبنا ولا غدا الشر
موقع البورصة القديم 2000 كان وايد ممتاز تغير الخانات وتطلع البيانات التاريخية لعشر سنين
وتقدر تنقل الخانات وتختار 4 اسهم اتابعهم

الموقع السابق مايصلح حتى موقع سوبر ماركت .. الموقع الجديد افضل وان شاء الله يركبون له مكينة جديدة ويتعدل

 

[رابح رابح]

بطيئ جدآ
http://www.boursakuwait.com.kw/A/Stock/Stock.aspx?Stk=661

بوعبدالله حط له بنزين خصوصي يصير اسرع

 

[رابح رابح]

صفحه مفيده الله يوفقكم ويرزقكم

الرابط القديم

http://old.boursakuwait.com.kw/A/Default.aspx​

جزاك الله خير بوسعود

 

[متداول 2002]

موقع يبيله تعديل
والتعديل يبيله فلوس
يعني أوامر تغييرية كالعادة

 

[متداول 2002]

يذكروني بقصة البطاط
----
واحد طلب بطاط من مصر
قالوله لازم تذكر مواصفات البطاط كاملة ولا تنسى شيء ، لأن التجار هناك محترفين نصب واحتيال وبشكل قانوني
فأخونا كتب لازم البطاطا تكون نظيفة خالية من التراب والطين وتكون جديدة ليس فيها فطريات او بكتريا وتكون لونها اصفر الى بني فاتح وتكون الصناديق من الخشب متساوية الوزن ويكون وزن الصندوق 3 كيلو
وصلت البطاطا مستوفية كل الشروط والتاجر المصري استلم فلوسه واخونا الكويتي راح يضرب كف في كف وطاحت البطاطا بحبده محد شراها
لأنه نسى يكتب حجم حبة البطاطا الوحدة ووزن كل حبة بروحها كم ، لأنه اعتقد ان البطاطا اللي راح تجي نفس البطاط اللي في السوق
لكن البطاطا اللي وصلت كانت صغيرة الحجم جدا ويسمونها بيبي بوتايتو baby botato

 

[سكر]

تذكرت قبل يوم قالوا البورصة راح تأخذ عمولة


على المعلونات الحين عرفت القمنده

وراح تعرفون

 

[Navigator]

بوسليمان كل ماقلنا غدا الشر عقبها نقول لاطبنا ولا غدا الشر
موقع البورصة القديم 2000 كان وايد ممتاز تغير الخانات وتطلع البيانات التاريخية لعشر سنين
وتقدر تنقل الخانات وتختار 4 اسهم اتابعهم

الموقع السابق مايصلح حتى موقع سوبر ماركت .. الموقع الجديد افضل وان شاء الله يركبون له مكينة جديدة ويتعدل

شوف وجه العنز واحلب لبن