الحذر الحذر , لحد يشتري عقار , أنتظر كم شهر وراح توفر مبلغ طيب لك ولعيالك

[ابو ناصر]

ياجماعه الحذر الحذر من الشراء بالوقت الحالي , الأسعار في نزول بإذن الله , والسوم اللي موجود في فور سل وغيره كله كذب في كذب , يقولك السوم 300 وفرق السوم بياع , انا لو بيتي مسيوم ب 300 وهو سعر زين ليش انطر كم شهر علشان ألف , والله ثم والله انها حصلت معاي قبل شهر أعجبتني قسيمه شارع واحد وقال المكتب السوم واصل 330 والبيع 360 , قلت معقوله الكلام هذا !! وبعدها ب 10 كلمه واحد قريب لي وقال السوم واصل 290 وفرق السوم بياع , كلهم كذابيين والسوق في نزول ولا يوجد مشتري والمقاطعه جدا ممتازه من الشعب الواعي لهذا النزول الواضح .

الحذر الحذر , اللي يبي يشتري , أنتظر كم شهر وراح توفر مبلغ كبير لك ولعيالك

 

[الشرقاوي]

والله ياخوي الكل يتمنى هالشي ولكن الواقع غير
هالكلام نسمعه من سنتين والاسعار لحد الان ماوصلت لاسعار 2010 و حتى لاسعار 2013
اللي انزلت اسعارهم بقوة بس المناطق البعيدة مثل صباح الاحمد وام الهيمان وبوفطيرة وغيرها لانها ارتفعت بسبب المضاربة
اما اسعار المناطق القريبة مازالت نااار
عندي صديق باع بيته بالسلام 500 م زاوية ثلاث اجدوار مفصولة وسرداب ب 750 الف
والمناطق الداخلية لو تقارنها باسعار 2011 تشوف الفرق كبير
مثلا البيت هدام شارع واحد بالقادسية ماكان يتعدى 240 الف واقل بسنة 2011 الحين فوق ال 300 الف وهذا البيت بسنة 2001 كان 85 الف
صحيح الحين مافي وايد شراية مثل اول ولكن مانزلت اسعارهم بقوة كما يصورها البعض ويسمونه انهيار بالعقار

وتحياتي