&&&&& صفحة متابعة السوق &&&&&

[Bdr02]

خساره كبيره للمنتدي
انا كنت تدش بس لاتابع ابوعبدالله الصياد ولاقصور فيكم
بس رجالً ونعم الرجل يطيب خاطرك بالسوق

 

[Bdr02]

ولا واحد بالمنتدي يسوي ٢٠٪‏ من شغله مالي شغل في اسلوبه
رجال يعطيك اسهم ودعوماتهم وارقامهم وارباحهم
علم كبير كان يختصره للمتداول البسيط
الله يوفقك يالصياد

 

[ابوفهدss]

ونعم الرجل ابو عبدالله صايد الموجات ما شفنا منه إلا كل خير وستفدنا منه صاحب فضل علينا
وإن شاء الله العوده قريبه وشكرااا

 

[ابوفهدss]

ولا واحد بالمنتدي يسوي ٢٠٪‏ من شغله مالي شغل في اسلوبه
رجال يعطيك اسهم ودعوماتهم وارقامهم وارباحهم
علم كبير كان يختصره للمتداول البسيط
الله يوفقك يالصياد

اشهدنك قلة الحق

 

[نواخذة الكويت]

ناطر ردك بوتركي على اتجاه السوق

لا تبخل علييي بأفكارك النيره

انا لا أزال أرى السوق سلبي و أقرب للنزول

وهو ليس تحدي إنما وجهات نظر

 

[ابوفهدss]

اشوف بعض الناس مستانسه بغياب صايد الموجات

 

[ابوفهدss]

الله يذكرك بالخير ياصايد الموجات الصفح راح تشتكي من قلة الاخبار المفيده ولامن بعدك الصفحه الله يرحم الحال

 

[ابوفهدss]

خساره كبيره للمنتدي
انا كنت تدش بس لاتابع ابوعبدالله الصياد ولاقصور فيكم
بس رجالً ونعم الرجل يطيب خاطرك بالسوق

اي والله انسان مبدع والله اكثر من امثاله
سبحان الله الشخص الي تستمتع في كتاباته
وعنده خبره كبيره في هذي المجال على طول محارب محترين محترين يا كاويهم

 

[نواخذة الكويت]

<<<<<<

 

[ابوفهدss]

 

[نواخذة الكويت]

سوق الكويت: تراجع جماعي للمؤشرات الكويتية بسبب توقف عضوية الصياد خلال تعاملات اليوم واستغلال صانع السوق لهذه الفرصه الثمينه ههههه

أرقام20/09/2017 0

أنهى سوق الكويت جلسة اليوم على تراجع جماعي لمؤشرات السوق، حيث أغلق المؤشر السعري على انخفاض بنسبة 0.6% عند 6849 نقطة (- 44 نقطة)، بقيم تداولات بلغت 28.3 مليون د.ك.

كما انخفض مؤشر الكويت 15 بـ 0.9% ليغلق عند مستوى 1022 نقطة، والمؤشر الوزني بـ 0.7% عند 439 نقطة.

وشهدت نهاية جلسة اليوم انخفاض 74 سهما مقابل ارتفاع 27 سهما وثبات 21 سهما عند نفس مستويات الجلسة السابقة.

فيما جاء سهم "أجيليتي" من أبرز الأسهم المتراجعة مسجلا تراجعا بـ 40 فلسا عند مستوى 910 فلوس، كما انخفض سهم "بنك وربة" بمقدار 5 فلوس عند سعر 254 فلسا.

وهبط سهم "زين" بمقدار 6 فلوس مغلقا عند سعر 531 فلسا، تلاه تراجع سهم "بيتك" بـ 7 فلوس عند 615 فلسا، كما انخفض سهم "أغذية" بمقدار 20 فلسا مغلقا عند 1980 فلسا، ومن ثم سهما "فيفا" و"وطني" بـ 4 فلوس، وفلسين على التوالي.

وعلى الصعيد الآخر، أنهى سهم "أسمنت الخليج" جلسة اليوم مرتفعا بأقل من فلس واحد ليغلق عند مستوى 81 فلسا.

 

[ابوفهدss]

المشرفين ليش ماوقفت عضويتي

قبل توقفونها من اي اشاره

من زياد & من يوسف & من دايم

حتى انت الاشعف الافضل بالتحليل الكلاسيكي واليوت تجمعهم مع بعض
وتعرف متى التصحيح والارتفاع
شوي وبغوا يعطونك ايقاف لولا اني قلت لهم لم يتبقى غير الاشعف لاتفقدونه

من غير محاباه اشهد انه محلل وله اصابه اهداف تحققت

وإذا خالف توقعهم كروه وعلقوا عليه وضغطوه

ويطلع هو صح وهم خطأ

ماتشوفهم اختفوا ؟؟ السوق ادبهم عدل

توقفون عضويتي علشان انسان كان يصلي شرق مضيع القبله وتقولون اشفيك عليه
وتعطوني ايقاف

 

[SpeciaL 1]

اشوف بعض الناس مستانسه بغياب صايد الموجات

قالوا ( السماء تتسع للجميع )
فتأكد ما يفرح لغيابه إلا ناقص

حاولنا على مدار السنوات اللي شاركنا فيها بهالمنتدى بأن ما نخسر أي عضو
وحاولنا نصلح بين الكل
فيهم اللي تفهم وفيهم اللي تعنت

تدري شنو اللي كان يزيد الحطب نار ؟؟
مثل مشاركتك

بو عبدالله صاحبنا بهالمنتدى من مدة
تغشمرنا مع بعض وضحكنا واختلفنا وعصبنا على بعض
وفرحنا له يوم استلم الصفحة
لكن رد زعلنا !!
ولا يرضينا نشوفه بهالحالة ..
يفرحك تشوف صاحبك معصب ويصرخ عالناس بمكان عام ؟؟
نفس الوضع كان وضع الصياد
ولهالشي زعلنا ..

وهو يعرفنا ولا يحتاج أحد يوضح له
توقف مرات ومرات
وكل مره نتغشمر معاه بنفس الطريقة
منها نهديه ومنها يستوعب اللي سواه



*همسة لك يا بو عبدالله الصياد
اللي رزقك رزق غيرك ، فاحرص على التواضع ، وتذكر كل من اغتر بنفسه ( فرعون ، قارون .... الخ )


عموماً ..
في كل شر خير

 

[ابوفهدss]

اي والله مايفرح للغايب صايد الموجات إلا ناقص
قلتا انت مايفرح إلا الناقص

 

[ابوفهدss]

والله يهدي النفوس ورجع صايد الموجات حق
احبابه

 

[Bu Rakoon]

بوعبدالله الصياد أحزنني ما بدر منه ولكنه سرعان ما اعتذر واستوعب غلطته مثل ما تفضل بو أحمد الحمش عسكريته تؤثر عليه ساعات

أما من يقول الصفحة ستكون تصلح للمتابعة ياخي منت مضطر تقرا بس خل غيرك يستفيد أو يتسلى. وأظنها ستكون هادئة لدرجة الضجر والملل والصخة

للأمانة مستغرب من عدد الشمّاتة الي عاودوا للكتابة هنا وكأنه كان مانع أحد يكتب الصفحة للجميع وليست حكراً على أحد بس يبدو في ماضي قديم بين الأعضاء

من أشهر الناس اختفوا وظل هو يشد من أزرنا لغاية ما رجعت أسهمنا للأخضر
أتمنى عودته سريعاً ليمتعنا بنظرته الثاقبة

 

[Bdr02]

اي والله مايفرح بغياب الصياد
الا ناقص
والله العظيم استمتع بكتاباته واسلوبه وطريقة اسلوبه
يجييبلك العلووم كلها نفط الدولار الارباح مقالات الصحافه الجرايد الوزراء كل شي
....
ماشووف احد بالمنتدي هذا غير بوعبدالله يحطلك اسهم استثماريه قياديه ومايطبل حق اسهم

وفي اعضاء يشتري سهم بوفلسين و٢٠ فلس وناقز كل يووم تطبييل لاحول ولاقوة الا بالله

 

[سكر]

شمالية

والهواء جنوبي

 

[ابوفهدss]

بوعبدالله الصياد أحزنني ما بدر منه ولكنه سرعان ما اعتذر واستوعب غلطته مثل ما تفضل بو أحمد الحمش عسكريته تؤثر عليه ساعات

أما من يقول الصفحة ستكون تصلح للمتابعة ياخي منت مضطر تقرا بس خل غيرك يستفيد أو يتسلى. وأظنها ستكون هادئة لدرجة الضجر والملل والصخة

للأمانة مستغرب من عدد الشمّاتة الي عاودوا للكتابة هنا وكأنه كان مانع أحد يكتب الصفحة للجميع وليست حكراً على أحد بس يبدو في ماضي قديم بين الأعضاء

من أشهر الناس اختفوا وظل هو يشد من أزرنا لغاية ما رجعت أسهمنا للأخضر
أتمنى عودته سريعاً ليمتعنا بنظرته الثاقبة

صاحب الشماته مسكين ولي اضعف منه الي اغمض عين عن كتابت اشخاص ويفتح عينه على اشخاص ثانين لانهم يمدحون صايد الموجات
ونبي نمدح صايد الموجات في حضوره وفي غيابه غصب عن الشمات لانه يستاهل المدح راعي الطيب مدري ليه تجيه حساسيه لين جبنا طاري
صايد الموجات

 

[صاعد نازل]